Prowerb 1:7 - Nobonob Baibel

⁷ Amu Yawenu ebehi oh bodoetta le mak kobol am doyak digma awak aakku; amge danab ag Kayak dab-ii-menan ii dim lamidtteb ele ag doyak dabmak ena elenu, aria tolittak awaknu ele, ag amu dilahnu ena iinab dootteb.

Prowerb 1:7 ပူးပေါင်းရင်းမြစ်များ

Job 28:28

Nug amu ha, nug danab ah amelagppa aum. ‘Doyak dabmak ena ele amu, amuam dahilnu ebehi oh bodoetta le mak. Ao, diignu doyak tutukku amu, amuam eheɗ laa ii hemanu dabmaama oiyak.’ Kayak Nug danab ah amelagppa anam aum.” Job nug anam aum.

Sam 111:10

Danab nug Yawenu ebehi oh bodoetta le mette ele amu, danab amu nug digma, doyak dabmak ena ele aokkunu hette. Ao, danab ah oh ag Yawenu oo yaak nai ɗo bia dim lamidtteb ele amu, ag diignu doyak tutukku ele. Ag Nug binag hanhan meig!

Prowerb 1:22

Nug atte. “Ag danab ah ag doyak ii awak ele, haen gane laa ele ukkeb, ag doyak ii awak kobol ahilag uun oiglag? Ao, ag danab ah ag awa awa qettak nai mattiglagnu enanagnab dootteb ele amu, haen gane laa ele ukkeb, ag kobol amu uuglag? Ge, ag danab ah ag Kayaknu ii dabmena, ii dim lamidtteb ele, ag doyaknu nau ninig ele dootteb amu; haen gane laa ele ukkeb, ag kobol amu uuglag?

Prowerb 15:32

Danab nug tolitta bu mettak aokkunu uutte, nug nukka nuhignu ena iinab dootte; amge laa nug tolitta mettak awa dim lamidtte, nug diignu doyak tutukku aotte.

Prowerb 15:33

Danab nug Yawenu ebehi oh bodoetta le mette amu, nug doyak dabmak ena ele aotte; amu nukka onig qe nak, amuam tatam dayeb, dimppa binag ele daakku.

Prowerb 15:5

Laa nug Kayak dab-ii-maama ii dim lamidtte ele, nug mamegnu tolitta bu mettak tappe nette; amge laa nug tolitta bu mettak awa, dabmaama dim lamidtte amu, nug aakku eheɗ bemanu dabmak awa dabmak amu dim lamittak kobol dim lamidtte.

Prowerb 18:2

Danab nug Kayak dab-ii-maama ii dim lamidtte ele nug diignu doyak tutukku aokkunu oo ittag ii qette; diig amunu nug danab ah oh nukka nuhig dabmak amuib amelagppa madikkunu enanagnab dootte.

Prowerb 2:5

na geha ib amuppa Yawenu ebehi oh bodoetta le mekkunu kobolnu diignu doyak tutukku aokkut. Ao, na ib amuppa Kayaknu doyak mattin anidkkut.

Prowerb 23:9

Danab nug Kayak dab-ii-maama ii dim lamidtte ele nug nahip nai, doyak dabmak ena elenu am, “Keeke hamunab,” dookku; amunu na nug ele aib nai madipiɗ.

Prowerb 9:10

Amu Yawenu ebehi oh bodoetta le mak kobol, amuam doyak dabmak ena ele digma awak aakku Ao, Kayak, Nug oppiaawak ele, Nug dooittak am he, diignu doyak tutukku aakku bette,

Eklisiastis 12:13

Keeke oh amu, ig aakku doomut; amu keeke amu ohnu gogppa tak am inam. Na Kayaknu ebehin oh bodoetta le maɗ! Ao, na nuhig haknunab anak dim lamitte! Aɗinu? Amuam keeke anuqak, Kayak Nug danab hekkulagnu mattom. Keeke laa iitta.

Rom 1:28

Laa ele amu, ag Kayaknu dabmak aɗan oiglagnu uuppig amunu, Kayak Nug ag ahilag kobol nau, dabmak nauppanu bette, ag amu dim lamidkkulagnu uuattom. Amu ag kobol nau, danab ag hekkulagnu elele iitta amu, aakku hetteb.

Duteronomi 4:6

Ag tutukku doon dim lamidkkulag! Aɗinu? Amuam ag am doyak dabmak ena ele, diignu doyak tutukku ele ahilagppa daatte amu, am wanppan wan laala amu ippunadkku. Laa ag ɗo amunu doona amu, ag inam akkulag, “Israel wanppan danab ah ag am huu okkainab, ɠagattag ele; ag doyak dabmak ena okkai ele. Ag diignu doyak tutukku ele,” akkulag.