Prowerb 1:18 - Nobonob Baibel

¹⁸ Hipunin danab ag aakku akka ahilkad pelem maadtteb. Ao, ag pelem maadtteb, ag amuppa nona mauhadkkulag.

Prowerb 1:18 ပူးပေါင်းရင်းမြစ်များ

Esta 7:10

King nug anam aum amunu, ag Haman aon, balal attan danab aihaknu nug Mordekai aihkkunu heum, amuppa aihppig. King nug anam ha, nug baula oppoɗi bak ii doye, ameg kokoɗ eppak ele ii dayom.

Sam 55:23

Amge, O Kayak, na nau hak danab hadappe nauhna iitta mekkulag. Laa makkuɗe mauhak danab, amu hambuppuak danab ele, ag danab bau daanna, ag mauhkkulag, amge na da padal mepanu ehaniɗkkutnu oolppa genab doottem.

Sam 9:16

Yawe Nug hanhan nai doya mala hettoɗia epeɗia elele mettak kobol dim lamidtte amu, danab ah ag amu dootteb, amge nau hak danab ag akka ahilag pelemppa notteb. Ag amu dabmetteg! Sila.

Prowerb 1:11

Ag inam akkulagtai. “Na doppe, ig ele, ig laa meidta daatta, qepput mauhaɗ! Ao, ig danab nug beɗuppa aab iitta, ig nug hamu qepput mauhaɗ!” akkulag.

Prowerb 1:17

Ai awaknu uhui laa mauhnoak otalppeg, ai ag miagib anidkkulag, amuam uɗat meu ele iitta, ⌊amunu hipunin danab amubia kobol nau hena, miag atiakib nauhkkulagnu hetteb amu, na amubia aib heme.⌋

Prowerb 11:19

Genab tutukku hak danab nug bau daakku; amge aun laa nug kobol eheɗ haaha oitte, nug mauhkku.

Prowerb 11:5

Kayaknu neekkakppa danab ooppa kaliak laa iitta ele amu, genab tutukku hak kobol nuhig he, nug ib enappa oitte; amge nau hak danab ag nau heeg, kobol amu he, ag nauhtteb.

Prowerb 28:17

Danab nug laa qe mauhtte amu, nug moɗppa nokkunu oola gotte; auntai laa nug nuhig haknu nob aomanu aib ehanittom.

Rom 2:5

Kayak Nug na oot eɗukkunu oo daatte, amge na nakka na he nahip dabmak am ɠagattag eppak daye, na oot ii eɗutte. Kobol amuppa amu na nakka eheɗ hak nahip-ppa na Kayaknu oppoɗi bak na nidakkunu huana aakku qagmettem. Yo, deɗ laa Kayaknu oppoɗi bak miag atieb, Kayak Nug nuhig kobol tutukkuppa na epeɗitteb amu na geha nob nau aokkut.