Pilipai 3:3 - Nobonob Baibel

³ Aɗinu ag amu dilagnu dabmena autna aoglag? Ag am gaɗa otaɗak danab genab iitta. Ig Kayak Ouɗippa Kayak noobppa dup nota binag meta, ig Kristus Jesusnu uɗatppa aakkuib ig padal mematanu ehanittak aognignu dabmeta, ig beɗunignu kobol ig ehanigkkunu elele oonigppa genab ii doottem ele amu, ig ikka am gaɗa otaɗaknu kobolnu danab genab daattem.

Pilipai 3:3 ပူးပေါင်းရင်းမြစ်များ

Sam 105:3

Nug onig am oppiaawak; ag Nug onignu oolag okkainab gamalag ahaɗ! Ao, laa ag Yawe anidna dim lamidkkulagnu Nug maditteb ele, ag gamalag ahaɗ!

Aisaia 45:25

Amge geha Israel buɗub oh ag Yawenu ehanittakppa genab tutukku daan, ag gamag ahak okkainab dooglag.

Jeremaia 4:4

Ge, ag Juda danab ah, Jerusalem danab ah ele, ag ahilag hak nau ohnab uuna, tutukku oiyeg! Ag gaɗa dimittimppaib aib anam heppig. Iitta. Ag genabnab genab oolag unuqag, amuppa anam heig! Ag amu ii hekkulag dayeb, ag ahilag hak nau, diig amunu dahil oppoɗi bak ba, aab huan ewewe, laa heeb qauhkkunu elele iitta, am amubia daakku,” awa atte.

Malakai 1:11

Aɗinu? ⌊Da ahilag mana mettak ii aopanu uug laa ii doottem.⌋ Aam bedeppan ukka aam nodeppa da onil am binag ele daakku. Da onil am binag ele daakku amunu, danab ah ag kalu danab ile muttuɗig enanag bette, amu doɗ tutukku ele manan, da meɗaglag,” Yawe Nukka Ɠagattag Oh Ele Nug anam atte.

Rom 1:9

Amu Kayak, da meul ohppa Nug waappa dayeye Nug oɗe dim lamittette, Nug Bekkanu Nai Ena mehuqttem amu, Nugnab da nai yaattem imuam genabib yaattem doya malom daatte amunu da iikku yaattem. Am inam.

Rom 15:17

Amunu da Kristus Jesusnu dayeye, da uɗat heinne, da Kayak uɗat hettemnu amu da maɗoɗppan gamag ahak doottem.

Rom 7:6

Amge gemu ig danab laa nug mauha, ɗo waappa baula ii daatte, amubia ig ɗo, nug ig tonikke daamut ele amu, nug waappa ii daattem. Gemu ig ɗo nai yaak daatte ele, amu waappa daata, amuib dim lamidkkunignu uɗat ii hettem. Iitta. Ig am kobol bau, Kayak Ouɗi ihinigppa maɗette ahom ele amu, ig amu hettem.

Rom 8:15

Anam amunu, haen ag Kayak Ouɗi aoppig, ag ouɗi laa, ouɗi amu nug he, nuhikkud ag begbeg maɗi nid ahilkad okkai baɗadna oitteb bia oitteb, ag ouɗi laa amubia ii aoppig. Iitta. Ag Kayak Ouɗi aoppig amu, Nug he, ag Kayak bekkod daatteb. Kayak Ouɗi Nug he, ig “Mame, Mame,” aot attem.

Rom 8:39

o iitta aɗi keeke wan imu attannu, o iitta aɗi keeke wan imu honapnu, amu oh oolagppanu laippu laa nug ig Kayaknu oo mauhakppa daattem imuppanu iinab matakkigkkunu elele iinab daama. Genab, aɗi ohnab Kayak heum daatteb ele, amu oh oolagppa aɗi laippu laa nug Kayaknu oo mauhak, Nug Kristus Jesus, ihinig Naɗi, Nug nuhig mauhakppa amu ippunikkom ele amu, keeke laa oo mauhak nuhig amu ooppanu matakkigkkunu elele iinab daama!

Rom 9:6

Israel ag amu oh aoppig, Kayak Nug ele ag nuhikkudnab daaglagnu aum amunu, ig aɗi akkunig? Ig, “Kayaknu nai nug gai-iitta meum,” akkunigte? Iittanab! Aɗinu? Danab oh ag Israel buɗub beppig ele, ag oh am genab Israel danab ii daatteb.

2 Korint 11:18

Danab kuɗum ag wan kobol dim lamidna, ag akka onilag humatteb, amubia ⌊da ag Korint danab, ag nai tutukku, da ag amelagppa ami ele, ag amunu oolagppa genab dooglagnu,⌋ da ele laa ag hetteb bia, da ele nai mattien, onil humak nai bia madikkul.

Galesia 5:25

Kayak Ouɗi, laa iitta, Nug ig bau megatte, diig amunu ig Nug waappa ele daatu!

Galesia 6:16

Danab oh ag imunu dabmena, aon oolagppa mena, aɗan dim lamidna oitteb ele amu, da maɗoɗ, amu Kayaknu oo gai-iitta doya oo metta ehanittak kobol ele ahilagppa daakkunu ool daatte. Danab amu ag am Kayaknu danab, Israel daappig bia.

Epesus 6:18

Ag hanhan Kayak Ouɗippa Kayak Nug ag ehanadkkunu unuqittak digdigppa attem attem Nug ag ehanadkkunu unuqidkkulag. Ag keeke amu dabmenana ag aib bodoedappig. Amu ele ag Kayaknu danab ah oppiaawak ele laa oh dilagnu ele hanhan unuqidkkulag.

Duteronomi 10:16

Amunu ag Yawe dim lamidkkulagnunab dabmak aona henana, ag aib oɗe ii dim lamidmananu dabmak ahilag ɠagattag eppak dayom.

Duteronomi 30:6

Ag Yawe, ahilag Kayak, Nug ag meulag ohppa, oolag ohppa ele nuhignu oo mauhak doona, ag bau daaglagnu, Yawe Nug heeb, ag, ag buɗulkad ele ag oolag oppiaawak ele daaglag.

Pilipai 1:1

Da Pol, amu Timoti ele, i oh am Kristus Jesusnu maɗi nid, i uɗug imu Kayaknu danab ah oppiaawak ele oh Jesus Kristusnu daan Pilipai daatteb, amu ahilkad gumak ikki danab, amu ahilkad toliak danab oh ele, ahilagnu yaattep.

Pilipai 3:12

Amu da Kristusnu kobol oh aomi daattem, o da aakku elelenab daattem, da amubia ii dabmettem, amge da Jesus Kristus, Nug da aun bia daakkulnu dabma aɗailom, da anam daakkulnu dabmein dayeye gottem.

Pilipai 3:14

da hab aabppa gokkulnu wagai mein, qaiedattem. Aɗinu? Kayak Nug da hab aabppa Kristus Jesusnu uɗatppa keeke ena meɗakkunu onilppa eum amunu, da amu aokkulnu anam hettem.

Kolosi 2:11

Ag Nug ele ouqeppig, amuppa amu ag gaɗa otaɗak kobolnab ag aakku aoppig. Keeke amuam gaɗanignu keeke iitta. Iitta. Ag Kristusnu ehanittakppa ag oolag alag, amuam beɗunu kobol, ag amu geɗidppig. Kristusnu kobol amuam gaɗa otaɗak kobol meunab daatte.

Jut 1:20

Amge O lailad, ag oolag ɠagattag qettan, ooppa genab doyak oppiaawak ele ahilag aɗeg! Ag hanhan Kayak Ouɗinu ɠagattagppa unuqitteg!