Pilipai 2:3 - Nobonob Baibel

³ Ag akka akka ahilagnuib dabmenan, keeke laa aib heppig. Amu ele ag akka hamu onilag humanna, keeke laa aib heppig. Ag akka ag onilag qeppeg neeb, danab laa dilagnu, “Da ag eɗadttem,” aib dooppig.

Pilipai 2:3 ပူးပေါင်းရင်းမြစ်များ

Prowerb 13:10

Dada hak danab nug laa oɗeppanu ulum ena awaknu uutte amunu, nug laa ele, ag nug uɗa aoɗtteb; amge laa nug ulum ena awa, ooppa mette amu, nug am doyak dabmak ena ele.

Luk 18:14

Jesus Nug nai amu mattiowa, Nug baula amelagppa aum. “Da ag amelagppa attem, Kayak he, takis awak danab nug genab tutukku hak danab daye, eɗua laugppa ukkom, amge danab laa nug am anam iitta. Amunu laa nug onig humatte amu, Kayak Nug heeb danab amu nug onig nekku, amge danab nug onig qe nette amu, Kayak Nug danab amu nug onig humakku,” awa aum.

Rom 12:10

Amu ag lailkad ena daaglagnu oolag mattan, ahilagnu oolag mauhaɗ! Ag oh nug binag mettak elelenab heig!

Rom 13:13

Amu ig danab nug amunppa tutukku kobolppa oitte bia oitu! Ig aib goɗak qiɗ nau heta, le ɠagattag nau ele aib laut, kaaka iqom. Ig aib gappai kobol heta, hipaɗu ahak kobol ele aib hemut. Ig aib nug aidtata, laa dilagnu, ihinigppa anam daalon dabmak aib aɗat daamut.

Rom 2:8

Amge danab laala ag akka ahilagnu dabmenana, ag doyak diig genabib dimettan, kobol eheɗ, amuib dim lamidtteb ele amu, geha Kayaknu oppoɗi bak aqeb, ag nob naunab aoglag.

1 Korint 15:9

Amu da totol danab oolagppanu amu da onig iitta bia daattem. Laa ele amu laa ag dahilnu, “Nug totol danab,” aon ii alob bia. Aɗinu? Da Kayaknu Kristen tamaniak amu heppi, iitta mekkulagnu eheɗ hadattami,

1 Korint 3:3

Aɗinu? Ag dabmak alagppa daatteb. Kristen kobol amu ag beɗulagppa ii beum. Ag lailkad dilagnu, ihinigppa anam daalon dabmak aɗan daatteb, ag nug mehqak henan daatteb ele amunu, ig ag kobol alagppa, Kristen kobol iittappa daatteb anidkkunignu elele. Kobol amuam dabmak alagnu, wanppan danab dilag kobol.

2 Korint 12:20

Haen da ag gumatte ukke tein, da ag danab attem daaglagnu ool daatte amu, da anam bia ii anadkkulnu, ag ele da aniɗna, da danab attem daakkulnu oolag daatte, ag anam bia ii aniɗkkulagnu amu, da ool ii daatte. Da nai a ona a doak kobol, dahil doya laa aomanu doyak aɗa dayak kobol, nai hak kobol, obatak obatak dayak kobol, baeg qak kobol, dimug nai mattiak kobol, beɗuppa tak kobol, Kristen tamaniak kaboliak kobol ele amu, da amu anidkkulnu ool ii daatte.

Galesia 5:15

Amge ag oolagppa akka akka naippa nug qemananu, ag nug emalak hemananu amu dabmeig! Ag anam hekkulag am ag oh padal mekkulag!

Galesia 5:26

Ig aɗi kobol hepput, ig lainkad oo nauhak dooglag amu, ig kobol amu ii hemata. Ig laa dilagnu ameg qe oo elele ii dayak kobol ele ii hemata. Ig amubia ii hetata amu, ig dada kobol ele aib hemut.

Epesus 4:2

Ag onig qe nak kobol dim lamidna, oolag bodoettak ele daana, ag oolag maɗoɗ ele dayeg! Ag oo mauhak kobol dim lamidna, ag nug ehanidnana dayeg!

Epesus 5:21

Ag Kristusnu ebehilkad oh bodoetta le meeb, ag akka akka ag nug waappa dayeg!

Pilipai 2:14

Ag anam henana, ag Kayaknu neekkakppa oolagppa kaliak laa iitta, oppiak ele wan imuppan kobol eheɗ ooppa, wan imuppan eheɗ hak danab ele oolagppa, Kayak bekkod oolagppa kaliak laa iitta ele daaglagnu, ag aɗi hetteb ele amu, ag naittuɗ mak, a ona a doak ele uuna heig! Ag hoɗoppai gatatuppa amahalna, miag atiak daatteb, amubia ag am Kayaknu danab daatteb, doyak amu miag atiak daakkunu ag nai bauklel ele aɗan, wan imuppanu danab laa, ag kobol tutukku uuna, eheɗ hetteb ele amu, ag amu ippunadkkulagoitte. Ag anam hekkulag dayeb amu, da Kristusnu deɗppa ahilagnu oo gamag ahak dookkulnu, da uɗat hamu ii hein, ɠagattag dahil hamu ii kakidmi ele dookkulnu elele daakkul.

Kolosi 3:12

Amu ag am Kayaknu danab, Nug ahilagnu oo mauhe, ag tituanattom daatteb amunu, ag kobol imu dim lamitteg! Ag laa dilagnu oo bodoetta le meeb, ahilagnu oo bodoettak kobol dim lamidna, ag akka ag onilag qeppeg neeb, ag lailkad dilagppa oo bodoetta wagai ii mak kobol dim lamidna, ahilagnu ele oo maɗoɗ kobol heig!

Kolosi 3:8

amge ag Jesus ele bau hippaidppig, ag kobol amu oh uuppig amunu, ag gemu oo nauhak kobol, oppoɗi be ameg kokoɗ eppak kobol, oo aeg bak kobol, baeg qak kobol, amu nai nau mattiak kobol ele, ag kobol amu oh ele agappeg ukkeg!

1 Timoti 6:4

danab amu nug hamu, ikki okkai kobol aakkuib hette. Nug diignu doyak tutukku laa ele iitta. Nug oɗmak hamu ge iitta hekkunu, nai onig diignu, naippa nug mehqak kobol amu ele hekkunu oo okkai daatte. Kobol amuppa kobol nau digdig ele betteb. Am inam: laanu ameg qe oo elele ii dayak kobol, naippa nug qak kobol, baeg qak nai anak kobol, layagnu dabmak eheɗ awak kobol amu

1 Pita 3:8

Aria, nai imunu gogppa tekkulnu amu, ag oh oolag laippu ele, dabmak laippu ele dayeg! Amu ag oo doyak doonna, eamag aa nug oo mauhak doottep ele amu, amubia ag laa Kayaknu oolagppa genab dootteb ele, ag oh nug oo mauhak doyeg! Ag oo bodoetta le mak kobol henana, ag akka anen anen ag onilag qeppeg neeb oiyeg!

1 Pita 5:5

Ag danab bau ag onilag qeppeg neeb, ikki danab waalagppa dayeg! Ag oh ag ag onilkad qeppeg neeb, ag nug ehanittak kobol heig! Aɗinu? Kayak naippa, nai amunu inam daatte. “Kayak Nug dada danab ippulag oo nette, amge danab ag akka onilag qeeg nette ele, Nug ahilagnu ii helo bia me, Nug ag ehanadtte.”