Pilemon 1:12 - Nobonob Baibel

¹² Gemu da nug, da nuhignu ool huana mauhtte amu, da nug mei, nug eɗua na gumitta gotte.

Pilemon 1:12 ပူးပေါင်းရင်းမြစ်များ

2 Samuel 16:11

Dawit nug anam anan, nug Abisai, nuhikkud ehanittak anuqak danab ele oh amelagppa nai tuɗitta aum. “Da bekkalnab, da nug menumi ele, nug da iweb mauhkkulnu hette. Danab imu nug Benyaminppanu danab, nug Saul ele tiig laippu, nug da eheɗ laa awaknu anak waappa daakkulnu dabmekkun elele amunu, uuppeg dayaɗ! Yawe Nug nug anam akkunu aumtai amunu, ig uupput haɗ!

Jeremaia 31:20

Ag anam atteb, amge Israel danab ah ag am da bekkalad, da ahilagnu oo doyaknab iite doottem? Da ahilagnu ool huana iite mauhtte? Da ahilag eheɗ haknu dabmein, bu madakkulnu haen kuɗum attem, amge da amu heinne, da ahilagnu dabmettem, ahilagnu daul ii atitte. Da amu hettem amunu, da ag ele laippu daagnignu ool naɗi daatte. Da ahilagnu ool doyeb, ool matten ehanadkkul.” Yawe Nug anam awa atte.

Mak 11:25

Laa ele amu, haen ag ⌊anen anen, ag⌋ unuqidnana, ag Mamelag, hab aabppa daatte, Nug ahilag hipunin uhuqa madakkunu amu, danab laa nug ahilagnu eheɗ heum dayeb, ag hipunin amu uhuqna metteg!

Luk 15:20

Aria nug anam ana, nug aha ukkom, amge nug ugakka, uma uppa piɗe uɗieye, mameg nug antta, nuhignu oo bodoetta le mak doya aut autanab awa, qaiqaɗ ukka bekka aɗa ootuqittom.

Epesus 4:32

Ag lailkad dilagppa oo bodoettak kobol henana, ag oo bodoetta le mak kobol ahilagppa heig! Kayak Nug Kristusnu uɗatppa ahilag hipunin uhuqa mattom, amubia ag nug hipunin uhuqa mettak heig!

Duteronomi 13:6

Na awante, amapte, bekkatte, aɗente, waatte, o na layapnabte, nug lokkumakppa na gumitta uɗia, na amenppa, “Doppe goɗa, kayak laa noolagppa dup noɗa binalag meɗu,” awa akkutai. Amuam kayak ag, amu ag mamelkad aɗi ele ii doyadppig.

Pilemon 1:11

Anukka amu nug nahip uɗat pehetta elele ii heum, amge gemu nug na da ele oh ehanitkkunu elele.

Pilemon 1:13

Da Jesusnu Nai Ena mehuqiqi, ag da hippaliɗppig daattem amunu, da maniguittakppa haen imuppa daabppi, Onesimus nug na out dayaya, nug da ehaniɗebeb daagnihnu ool dayom.