Obadaia 1:2 - Nobonob Baibel

² Amu Yawe Nug atte. “Esau buɗub, da heppi, ag wanppan wan oh oolagppa nakoknab daaglag; danab ag ahilagnu ena iinab doon autna autnanab aoglag.

Obadaia 1:2 ပူးပေါင်းရင်းမြစ်များ

Aisaia 23:9

Yawe Nukka Ɠagattag Oh Ele, Nug nauhak amu bekkunu maittak awom. Maittak awom am, Taia danab dilagnu, danab ah laa ag ahilagnu, “Ag binag amahlak oppiaawak ele,” dootteb amu, Nug ag nena qeppeg, laa ag ahilagnu, ag am keeke hamu, dooglagnu heum. Ao, Nug huu laa, Taia, danab ah ahilagnu, ag onilag ele dootteb amu, Nug ag uɗa nak doon oiglagnu heum.

Jeremaia 49:15

Amu gemu Yawe Nug atte. “Esau buɗub, da heppi, ag wanppan wan oh oolagppa nakoknab daaglag. Danab ag ahilagnu ena iinab dooglag.

Esekiel 29:15

Ag daaglag, amge ag ɠagattag iitta daaglag. Wan laa oh ag ahilag ɠagattag am Isip dilag eɗidkku; amu Isip ag baula wanppan wan laala eɗattaknu ii hemana. Da heppi, Isip ag ɠagattag iittanab daan, ahilag nauhak ii nak, haen amuppa ag wan laalappan danab gumadppig bia, ag baula ii gumadmana. Iitta.

Maika 7:10

Yawe Nug anam heeb, ihinkad kekeɗ ag anidna, ag uɗa nak naunab nau dooglag. Ao, laa ag ig amenigppa, “Yawe, Nug am ahilag Kayak, Nug adeppa daatte?” appig ele amu, ag uɗa nak anam dooglag. Ag anam nena qekkulag, ig amenigppanab ahilag na qak anidkkunig. Ao, haen amuppa Yawe Nug heeb, danab lekkoh tappa gotte, amubia danab ag ihinkad kekeɗ baelagppa tappaladna oiglag.

Namba 24:18

Nug geha Edom danab eɗadkku. Yo, nug geha Seir danab, ag am nuhikkud kekeɗ, nug ag oh eɗadkku. Amge Israel am ɠagattag daaglag.