Obadaia 1:1 - Nobonob Baibel

¹ Imuam tulegleg Yawe Obadaia ippunitte anttom. Imuam Naɗi Yawenu nai, laa Edomnu dooglagnu meum. “Ig Yawe Nug nai awa ukkak danab laa nug wanppan wan laalappa danab amelagppa nai ab dooglagnu me ukkom doomut. Ao, danab Yawe me ukkom ele, nug nai imu ab dooglagnu me ukkom. ‘Ahappeg ig Edom banelag gotu!’ ”

Obadaia 1:1 ပူးပေါင်းရင်းမြစ်များ

Genesis 25:30

“Enug huan iutte amunu, na paha lewa kokoɗ amu meɗappe lai!” awa aum. Anam aum amunu, ag Esau onig laa Edom ataɗppig.

Genesis 36:8

Elele iitta amunu, Esau, onig laa Edom, nug aha ukka, wan laa onig Seir, aben qauko qauko ele, amuppa dayom.

Genesis 36:9

Esau nug Edom danab alalag, amu nug Seir wan, laih qauko qauko ele, amuppa dayom. Nuhig oiyaknu nai am inam.

Sam 137:7

O Yawe, Edom ag deɗ Babilon dilag ban danab ag Jerusalem eɗittegeg, ag aɗi henan daappig na dautppa dob, ⌊bu madakkutnu⌋ oɗ medattem. Deɗ amuppa amu, Edom danab ah ag, “Loppaɗppeg naɗ! Loppaɗna autnanab aoppeg naɗ!” eppig.

Aisaia 21:11

Nai meunab ele Duma wanppanu Yawe he, Aisaia doyom ele am iikku. Danab Seir wanppa daatte amu, nug ewa, inam oɗ meɗom. “Aɗi uɗitte anittak danab, haen ganeb geha gatatu iitta mekku? Haen ganebnab iitta mekku amu, na appe doye!” awa eum.

Aisaia 21:12

Nug anam ewa a, da, da am aɗi uɗitte anittak danab amu, da nai nob mein, inam ami. “Geha wakkaɗkku, amge geha gatatu ele baula nekku. Amu na bau eɗun oɗ meɗakkutnu amu, na eɗun uɗin, oɗ meɗakkut,” awe ami.

Aisaia 30:4

Amu Juda dilag nai awa ukkak danab ag ⌊Isipnu ehanittak aoglagnu gona,⌋ Isip dilag aab okkai aɗit onilah Soan amu Hanes ele, ag appa tena daatteb. Ag appa daatteb, amge Isip danab ag ib laippuppa Juda nakok laa ehanadkkulagnu elele iitta amunu, Juda danab ah ag Isipnu ehanittak genabnab genab iinab aomna. Iitta. Ag uɗa nak nau guittak ele aoglag. Isip ag ehanittak Juda ii mattamna. Iitta. Ag uɗa nak mattaglag.” Yawe Nug anam atte.

Jeremaia 25:17

Yawe Nug anam aum amunu, da ⌊tuleglegppa⌋ kap amu nug eppegppanu awoya, wan atten atten lakkulagnu ippuniɗom ele amu, da appa ukken hei, ag lappig.

Jeremaia 25:21

Amu dimppa da ⌊tuleglegppa⌋ Edom danab ah, Moap danab ah, Amon danab ah ele mattami.

Jeremaia 51:46

Ag Yawe amu hekkunu ameg menana, ag maɗ laappa ulah nai, “Babilon wanppa nug qak naɗi daatte,” dooglag. Maɗ laappa, “Babilon dilag okkai nug okkai laa umu eɗidkkunu hette,” dooglag. Ag anam anam aakku dooglag, amge ag ulah nai amu doon, ag aib ottaippig, aib baɗappig.

Esekiel 35:1

Amu Yawe Nug nuhig nai laa da meɗom. Nai amuam inam.

Joel 3:19

Ag Israel, ahilagppa amu ena anam daakku, amge Isip wan am hele-ettak daakku. Edom wan ele atu taɗaknab daakku. Aɗinu aa anam daaglah? Ag Juda wanppan danab ah guittak nau mauhnoak mattanna, appa ag danab ah eheɗ laa ii heppig ele aqaeg mauhppig.

Maika 2:13

Amu laa nug he, aabnu aɗppa ib matulak daatte amu, nug heeb, giɗo dayeb, Nug noa anuqa ukkebeb, dahilad danab ah ag heppeg, giɗo okkainab, aɗnu od bia, aɗppa dayebeb, ag oh dimittim uɗiglag. Ahilag king nug ag noolagppa anuqa gokku. Ao, da Yawe, da ag noolag awe gokkul,” Yawe Nug anam awa atte.

Matyu 24:6

Ag bannu doonna, bannu ulah nai ele dooglag. Keeke amu genab bekkulag, amge doyeg! Ag aib ottaippig! Keeke amu bekkulagnab, amge wan haen malak iitta.

Mak 13:7

Amu ag bannu doonna, bannu ulah nai ele dooglag. Keeke amu genab bekkulagnab, amge doyeg! Ag aib ottaippig. Wan haen malak iitta.