Nehemaia 9:9 - Nobonob Baibel

⁹ Anukka ig mamenkad aɗi ag Isip wanppa daan, guittak okkai dooppig amu, na amu anidme. Ag gonana, Le Kokoɗ appa qagaiettak daan, ehanittak aoglagnu unuqidppig amu, na unuqittak amu doome.

Nehemaia 9:9 ပူးပေါင်းရင်းမြစ်များ

Eksodas 14:31

Aria, Israel ag Yawe Nug Isip eɗatta, uɗat naɗi heum, ag amu anidna, ag nuhignu ebehilkad oh bodoetta le me, ag nuhignu, nuhig maɗi nid Mosesnu ele oolagppa genab dooppig.

Eksodas 2:25

Kayak Nug amu dabmaama, Israel neekkatta, ⌊ag naunab daaegeg antta,⌋ Nug ahilagnu oo doye, ⌊Nug ag ehanadkkunu dabmeum⌋.

Eksodas 3:16

Kayak Nug anam awowa, Nug nai tuɗitta aum. “Amu na gona, Israel dilag ikki danab qagmaadna, na dahilnu ag amelagppa inam appe doyeg! ‘Yawe, Nug ag mamelkad aɗi dilag Kayak, Nug Abrahamnu, Aisaknu, amu Jakop elenu Kayak amu, Nug da gumiɗa na, Nug ahilagnu inam aum. “Da ag anattette, da kobol nau oh Isip ag ahilagppa hetteb amu da amu ele anidmi.

Esekiel 20:6

Haen amuppa da ag ehanatten omaladppi, ag Isip wan uun, wan laappa gokkulagnu nai ɠagattag qetten mattimi. Ag wan amuppa gokkulag amu, wan amuam wan enanag, wan ittag ele, amuppa ee meu huana otte, neekkak nuhig ele enanag, wan laa oh eɗattak. Da wan amu ag aguppa daaglagnu tituanmi.

Aposel 7:34

Da Isip danab, ag dahilad danab Isip daatteb ele amu, ahilagppa kobol eheɗ huanak heegeg anatte, danab dahilad dilag aiqakkak ele doottem amunu, da ag ehanattena, ahilag uug amu autkkulnu nemi. Amu na ahe! Da na eɗun Isip gokkutnu meitti gottem,’ awa aum.

Aposel 7:7

Nug anam ana am Kayak Nug tuɗitta ele aum. ‘Wan amuppanu danab ag heppeg, na buɗunad ag begbeg maɗi nid maɗi ah ele anam daaglag, amge da wan amuppan danab bu madappi, na buɗunad ag wan amu uun, ag uɗin, wan imuppa geha ag da noolppa dup nona binal mekkulag.’ Kayak Nug anam awa aum.