Nehemaia 9:5 - Nobonob Baibel

⁵ Ag anam heeg, Lewi buɗubppan mana mettak danab iitta, ag oolagppan laa onilag Jesua, Katmiel, Bani, Hasapnea, Serebia, Hodia, Sebania, Petahia ele, ag appig. “Ag oh ahan hippaidna daan, ag Yawe, ahilag Kayak, ag Nug binag meig! Nug hanhan daatte. Nug digmak iitta, batak ele iitta,” appig. Ag anam awona, ag tuɗidna, Yawe amegppa appig. “O Yawe, na binan amahlak oppiaawak ele, amu danab ag na onin dabmenan humappeg, attannab, itittak ena oh, binag mak oh eɗittak daakkunu oonig daatte,” aon appig.

Nehemaia 9:5 ပူးပေါင်းရင်းမြစ်များ

1 King 8:14

King Solomon nug unuqittowa, nug eɗua Israel danab ah oh ag appa hippaidna daappig ele, nug ag neekkattatta, Kayak onigppa danab ah itittak ena mattom.

1 King 8:15

Nug itittak ena mattowa, nug inam aum. “Ig Yawe, Nug ig Israel, ihinig Kayak, ig Nug binag metu! Nug da mamel Dawit amegppa Nug oɗeppanab nai ana qakkom amu, nug nai amu tutukku dim lamitta he, meu oum.

1 King 8:22

Solomon nug nai amu mattia mala, nug eɗua, Yawenu qaɗab guguitta ukka, qaɗab am noobppa daye, Israel danab ah oh noolagppa anam dayaya, nug eppeg laih laih oh bahia, eppeg oo oh otale hume daye,

1 King 8:27

Solomon nug anam unuqitta mala, nug tuɗitta inam ele unuqittom. “Amge, O Kayak, na am genab nena, wan imuppa daakkut-te? Hab, hab waappa, hab attan ukke ukke, adekku batatte, aben amu ohppa aben laa, na amuppaib daakkutnu elele laa iinab daatte amunu, nahip mettid lag da hemi imu am, nahipnu elelete? Am iittanab iitta.

1 Stori 16:36

Ag Yawe, Nug ig Israel, ihinig Kayak, Nug gemu daatte, butti aɗi ele hanhan anam daakku amu; ag Nug binag meig! Dawit nug Asap laikkud ele anam ippuanatta male, danab ah oh ag daan dooppig amu ag, “Genab, anam dayaɗ!” anana, ag, “Ig Yawe binag metu,” appig.

1 Stori 29:11

O Yawe, habppanu keeke oh, wanppan keeke oh ele am nahipadib daatteb amunu, na onin, ɠagattag ele. Na ebehin ele, na binag amahlak oppiaawak ele. Na dagom onig ɠagattag ele. Na ɠagattag okkai naɗi ele daattem. Gumak uɗat oh am nahipib, na laa oh eɗattak, oh ikkilag daattem.

1 Stori 29:13

Amu, O Kayak ihinig, ig na amenppa, ‘Ena hen mekkame,’ atata, na binan amahlak oppiaawak ele dayeye, ig binan okkai medattem.

1 Stori 29:20

Dawit nug anam unuqitta, nug eɗua danab qagmeppig ele amelagppa aum. “Ag Yawe, ahilag Kayak, ag Nug binag meig!” awa aum. Nug anam a, danab oh ag Yawe, ag mamelkad aɗi dilag Kayak, ag Nug binag meppig. Ag amu hewona, ag Nug noobppa, Dawit noobppa ele gatelag qaun ona, gomelna autna aona, ag iɗulag wanppa mena daappig.

2 Stori 20:13

Jehosapat nug anam unuqittette, Juda danab oh, ag waalkad, nid yuɗ ahilkad, nid naunau ahilkad ele, ag oh Yawe noobppa aakku hippaidna daappig.

2 Stori 20:19

Ag amu heeg, Lewi buɗub oolagppan laala, ag Kohat, Kora ele buɗulti ag ahan, hippaidna daanna, ag Yawe, Israel dilag Kayak, ag Nug baalag okkaippa binag meppig.

Esra 3:11

Ag tena daan, ag Yawenu binag maknu ahi laa ettanna, ahi amunu eɗua ettaknu nai-kores imu baubau edappig. “Yawe Nug enaib dayaya, enaib hette. Israelnu amu, nuhig oo mauhaknab kobol hanhan alet daatte.” Lewi buɗubppan mana mettak danab, Lewi buɗubppan mana mettak danab iitta ele, ag anam heeg, Israel danab ah laa oh ag Yawe laug ukkunu men meeg ukke, mena malappig anidppig amunu, ag Yawe binag mekkulagnu ewak baag okkai, huanak laippu heppig.

Nehemaia 9:4

Lewi buɗubppan mana mettak danab iitta laa ag balal attan hippaidna daappig, amu ag onilag am Jesua, Bani, Katmiel, Sebania, Buni, Serebia, Bani, am Kenani. Ag aguppa daan, ag baalag okkaippa Yawe, ahilag Kayak, unuqidppig.

Nehemaia 9:6

Ag nai amu ana malaeg, ⌊Esra aha, inam Yawe unuqittom.⌋ “Na nakka am Yawe. Na hab, hab waappa, hab attan ukke ukke, adekku batatte ele, na amu oh hattame. Na habppan hoɗopai oh, wan, wanppa aɗi aɗi keeke daatte, yu, yuppan keeke oh ele hattame. Na keeke oh bau daatteb ele bau madattem. Hab aabppan daup, ag kuɗumnab ele, ag oh na noomppa dup nona binan metteb.

Job 1:21

nug aum. “Da anai ooppanu nemi, haen amuppa da aɗi keeke laa iitta. Da mauhen, mauhak abenppa ukkena, da haen amuppa ele da aɗitai keeke laa eppelppa aɗakkulnu elele iitta. Danab oh hetteb bia, da hamunab gokkul. Yawe Nug keeke da meɗe daaiyi, Nug eɗua ele aɗila awom. Am nuhig keeke. Ig Nug binag metu!” Job nug anam awa aum.

Sam 106:2

Auntai laa nug Yawenu kobol danab hekkunu elele iitta, nug amunu mehuqkkunu elele? Auntai laa nuhignu humittak elelenab hekkunu elele?

Sam 134:1

Ag danab ah ag Yawenu maɗi nid maɗi ah daatteb, ag tuqan Yawe laugppa nuhig ɗo maɗoɗnu uɗat hetteb ele, ag Nug binag meig!

Sam 145:2

Deɗ oh da geha na onin humeme, da geha na binan okkai hanhan attan humakkul.

Sam 145:5

Na am king dagom onig ɠagattag okkai naɗi ele, amu da amunu dabmak unuqag awewe daakkul. Ao, da na uɗat okkai oh ena ena hemenu dabmak unuqag awewe daakkul.

Sam 146:2

Da bau dayeye, da Nug binag mekkul. Ge, da dahil Kayak binag mekkulnu amu, da ahi edetteib daappi ukkeb mauhkkul.

Sam 16:2

Da Yawe amegppa inam ami. “Na aakkuib, na dahil Naɗi daattem. Keeke ena oh da eppelppa daatteb amu, na eppenppanu uɗiom.” Da anam amegppa ami.

Sam 66:2

Nug am binag amahlak oppiaawak ele amunu, ag amunu ahi etteg! Yo, ag Nug binag okkainab metteg!

Sam 99:3

Yawe Nug onig okkainab ele; danab ah ag nuhignu ebehilag oh bodoetta le mekkunu daatte. Anam amunu, ag Nug onig humeg! Nug oppiaawak daatte.

Eksodas 15:11

O Yawe, kayak laa, na bia, nug adeppa daatte? Am laa iitta! Na oppiaawak daanna, na dagom onin ɠagattag ele daattem. Nahip binag amahlak oppiaawak ele am okkainab, danab ah ag amu anidna, ag amunu ebehilag oh bodoetta le mette Na am keeke danab haknu elele iitta iɗu iɗu kuɗum hettem!

Eksodas 15:6

O Yawe, na eppen naɗiap am ɠagattag okkai huanaknab, amuppa na kobol okkai heme. Yo, O Yawe, na eppen naɗiap-ppa, na kekeɗ aqadna, oɗoɗadna autna aome.

Daniel 2:20

Nug binag maama, nug aum. “Ig hanhan Kayak binag metu! Doyak dabmak ena elenu diig, ɠagattagnu diig ele am Nugib.

Matyu 11:25

Jesus Nug haen amuppa nai amu mattia malowa Nug aum. “O Mame, na hab wan ele dilah Okkai daattem, amu na ⌊wan imuppan dabmakppa⌋ danab laala ag doyak dabmak ena ele, danab laala sul okkai heppig ele, na amu dilagppa keeke imu lokkumna, nid naunau ippunadme amunu, da na onin humattem.

Duteronomi 28:58

Yawe, ahilag Kayak, Nug binag amahlak oppiaawak ele, danab ag nuhignu dabmenana, ag ebehilag oh bodoetta le mette ele amu, ag nuhignu anam ii dooglag dayeb, ag nuhig ɗo nai buk imuppa yaak daatteb, ag amu tutukku ii dim lamidkkulag dayeb amu,

1 Pita 1:3

Ig Kayak, Nug am ihinig Naɗi Jesus Kristus Mameg amu, ig Nug binag metu! Aɗinu? Nug ihinignu oo gai-iitta doya oo mekka ehanikkom. Jesus Kristus mauha, eɗua hibaittom, amuppa ig bau menuak mekkom. Nug ig amu mekkom amunu, ig Kayak noobppa bauklel ele daagnignu genab dootta, amunu dabmak aɗat oittem.

Ikki Danab 13:18

Manoa nug anam a, Yawenu engel nug nob ma aum. “Na aɗinu da onilnu oɗ mettem? Da appi doolom amu, na oot ii maidlo,” awa aum.