Nehemaia 9:4 - Nobonob Baibel

⁴ Lewi buɗubppan mana mettak danab iitta laa ag balal attan hippaidna daappig, amu ag onilag am Jesua, Bani, Katmiel, Sebania, Buni, Serebia, Bani, am Kenani. Ag aguppa daan, ag baalag okkaippa Yawe, ahilag Kayak, unuqidppig.

Nehemaia 9:4 ပူးပေါင်းရင်းမြစ်များ

2 Stori 20:19

Ag amu heeg, Lewi buɗub oolagppan laala, ag Kohat, Kora ele buɗulti ag ahan, hippaidna daanna, ag Yawe, Israel dilag Kayak, ag Nug baalag okkaippa binag meppig.

Nehemaia 12:8

Lewi buɗubppan mana mettak danab iitta amu, ag onilkad am inam: Jesua, Binui, Katmiel, Serebia, Juda am Matania ele. Matania, nuhikkud uɗat laippu ele ag Kayak binag maknu ahi ettaglagnu gumak danab daappig.

Nehemaia 3:17

Nehemaia heumppanu amu, Lewi buɗub ag Bani bekka Rehum waappa daan, ag tuɗidna, aɗ laih amu eɗun bappaidppig. Ag heppig, amuppanu Hasabia, nug tuɗitta, aɗnu laih laa eɗua babaittom. Hasabia nug wan maha onig Keila, nug wan amunu laih dilag okkai danab. Nug danab amu onilagppa uɗat amu heum.

Nehemaia 8:4

Yaak danab Esra nug aguppa dayaya, nai amu ebqekkunu, ag balal laa attan tak adppa heppig. Ag amu heeg, nug aguppa buk amu ebqekkunu dayeye, nug eppeg naɗiap-ppa Matitia, Sema, Anaia, Uraia, Hilkaia, Masea ele hippaidna daappig. Nug eppeg nanehppa am, Pedaia, Misael, Malkiya, Hasum, Hasbadana, Sekaraia, Mesulam ele hippaidna daappig.

Nehemaia 8:7

Ag amu hewona, ag eɗun hippaidna daaegeg, Esra ɗo nai maha maha ebqa male, Lewi buɗubppan mana mettak danab iitta, Jesua, Bani, Serebia, Jamin, Akup, Sabetai, Hodia, Masea, Kelita, Asaria, Josabat, Hanan, Pelaia ele, ag nai amunu meu mehuqppig.

Nehemaia 9:5

Ag anam heeg, Lewi buɗubppan mana mettak danab iitta, ag oolagppan laa onilag Jesua, Katmiel, Bani, Hasapnea, Serebia, Hodia, Sebania, Petahia ele, ag appig. “Ag oh ahan hippaidna daan, ag Yawe, ahilag Kayak, ag Nug binag meig! Nug hanhan daatte. Nug digmak iitta, batak ele iitta,” appig. Ag anam awona, ag tuɗidna, Yawe amegppa appig. “O Yawe, na binan amahlak oppiaawak ele, amu danab ag na onin dabmenan humappeg, attannab, itittak ena oh, binag mak oh eɗittak daakkunu oonig daatte,” aon appig.

Sam 130:1

O Yawe, da uug nau, danab nug yu ooppanab noa dayaya, uug nau dootte, da uug nau amubia doyeye, da na unuqidttem.

Sam 3:4

Da Yawenu huana gaai, Nug nuhig qaukoppanu, qauko amuam nuhignu tituanak daatte amu, appanu Nug da oɗelppa awom. Sila.

Sam 77:1

Da Kayak ehaniɗkkunu gaattem. Ao, da Kayak Nug dahil unuqittak dookkunu oɗ medattem.

Gayak Nai 3:8

Da ehaniɗkkunu unuqitten, oɗ medattem; amge Nug dahil unuqittak dookkunu uutte.

Jon 11:43

Nug anam unuqittowa, Nug huanak ewa aum. “Lasarus, na ahan dimittim do!” awa aum.

Aposel 7:60

Nug unuqitta anam awowa, nug gateg qaun o, nug huana ewa aum. “Naɗi na ahilag hipunin imunu nob ii mattamna oɗ medattem.” Stiven nug anam ewowa, nug mauhom.