Nehemaia 9:16 - Nobonob Baibel16 Na amu heme, amge ig mamenkad aɗi, ag beɗuppa tak danab kobol dim lamidna, ag na oɗen dim lamidmananu dabmak ahilag ɠagattag eppom. Ag nahip haknunab nai ii dim lamidppig. အခန်းကိုကြည့်ပါ။ |
Nehemaia 9:16
33 ပူးပေါင်းရင်းမြစ်များ
Amu haknu diig am, ig mamenkad aɗi ag Yawe ippuanattomnu oo metta ii uuak kobol ii dim lamidppig. Ag Yawe, ihinig Kayak, ag nuhig neekkakppa eheɗ heppig. Ag Nug uuna, kayak hambuppuak laa noolagppa dup nona binalag meppig. Ag Yawenu mettid lag, amuppa gona, Nug noobppa dup nona binag ii meppig. Ag Nug dimedappig.
Ag mamelkad aɗi heppig bia amu, ag ahilag dabmak dim lamidkkulagnu wagai meppeg, ɠagattag eppamanu dabmeig! Ag Yawe waappa daaglagnu dabmak aon dayeg! Ag ahan, nuhig mettid lag, Nug lag amu haen oh nuhignu tituana mettak daakkunu tituanom amu, ag amuppa uɗieg! Nug gemu ahilagnu oo nauhak huanaknab dootte amu, oo nauhak amu iitta mekkunu ag Yawe, ahilag Kayak, ag Nug waappa daan, Nug oɗe dim lamitteg!
King Nebukatnesar nug nug waappa daakkunu nuhig nai ɠagattag qetta anaknu duttune, nuhig nai Kayak onigppa ɠagattag qedata, anam aum, amge nug amu ha dimppa nug dabmak eɗue, Nebukatnesarnu nai tappe neum. Nug nuhig dabmak he, ɠagattag eppe, nug eɗua, Israel dilag Kayak, nug Yawe amu, nug Nug dim lamidkkunu uuom.
Nahipnu dabmettaknu kobol danab haknu elele iitta, amu uɗat ɠagattagnab ele na hee, Paro, nuhikkud ehanittak anuqak danab, nuhikkud danab ah ele anattegeg, uug aqom. Isip danab ag beɗuppa tak danab dilag kobol henana, ag ig mamenkad aɗi eheɗ hattegeg anidme amunu, na anam aakku heme. Na kobol digdig amu hee, danab ah wan atu kuɗumnabnu doon, ag na onin okkai daatte aakku dooppig, gemu ele, ag dootteb.
Na ag nau aomnanu dabmettak nai mattana, ag eɗun nahip ɗo waappa daaglagnu ag amelagppa ame, amge ag beɗuppa tak danab dilag kobol dim lamidna, ag nahip haknunab nai ii dim lamidppig. Ɗo nahip, danab nug dim lamidtte ele nug bau daakku amu, ag ɗo amu tippaladna, ii dim lamidna, hipunin heppig. Ag na oɗen dim lamidmananu dabmak ahilag ɠagattag eppe, ag na dimettana, ag dabmak eɗukkunu uun autna aona, ag nahip nai dooglagnu uun, ii dooppig.
Nug ag amelagppa aum. “Ag da Yawe, ahilag Kayak, ag dahil nai oh tutukku ena doonna, dim lamidkkulag dayeb, ag dahil haknunab anak, ɗo dahil oh ele dabmenana, amu oh dim lamidkkulag dayeb, da oɗe nau digdig Isip danab ah matte, eheɗ nau hattami bia ii hepa. Aɗinu? Da dakka am Yawe, ahilag Kayak; daib aakku ahilag oɗe amu hei, ag eɗun ena daatteb,” awa aum.
“Yawe Nukka Ɠagattag Oh Ele, Israel dilag Kayak, Nug inam atte. ‘Doyeg! Juda danab ah ag da oɗel dim lamidmananu dabmak ahilag ɠagattag eppe, ag dahil nai doyak uun, ii dim lamidtteb amunu, da aɗi uug naunab aab okkai imuppa, aab talilidna daatteb ele dilagppa bekkulagnu ami amu, da heppi, uug amu oh genab anamib bekkulag,’ ” awa atte.
Amu ag Israel ag gemu daatteb, ag dahil nai imu doon dabmetteg! Atu taɗakppa, danab nug appa ehanittak keeke nakok laa aokkunu elele iitta, da ahilagnu anam daamite? Ao, atu laa, gatatu manak ele, appa keeke kuɗum danab heppeg nauhkkunu daatteb amu, da ahilagppa anam laa daamite? Da amubia laa ii daami amunu, aɗinu ag, ‘Ig Yawe uut, Nug baula ii dim lamidmata,’ atteb?
Amge Jerusalem danab ah ag nau henana, ag dahil ɗo iɗu iɗunu nai tappaeg neum. Wan laappan danab ah ag ele dahil ɗo iɗu iɗu tappaeg nette, amge Jerusalem danab ah ag amu huana, laa oh eɗattak hetteb. Aɗinu? Jerusalem danab ah ag dahil ɗo iɗu iɗu uun, dim ii lamittegeg uɗie, gemu ele anamib hetteb,” awa atte.
Kayak Nug na oot eɗukkunu oo daatte, amge na nakka na he nahip dabmak am ɠagattag eppak daye, na oot ii eɗutte. Kobol amuppa amu na nakka eheɗ hak nahip-ppa na Kayaknu oppoɗi bak na nidakkunu huana aakku qagmettem. Yo, deɗ laa Kayaknu oppoɗi bak miag atieb, Kayak Nug nuhig kobol tutukkuppa na epeɗitteb amu na geha nob nau aokkut.
ကြော်ငြာတွေ