Nehemaia 9:13 - Nobonob Baibel

¹³ Qauko Sinai appa amu, na hab attannu neme; na hab attan daan, ag amelagppa nai mattime. Appa na ɗo tutukku, elele elele ele mattame. Ao, na ɗo ena, haknunab anak ena ele mattame.

Nehemaia 9:13 ပူးပေါင်းရင်းမြစ်များ

2 King 17:37

Ag dahil haknunab nai, dahil ɗo iɗu iɗu oh ele, nai da ye ag mattami amu, ag amu dim lamidkkulagoitte. Ag kayak hambuppuak noolagppa aib dup nona binalag meppig.

Esra 7:6

Matu anak amuib, Esra amu, nug am nai yaak danab, nug Babilon appanu uɗia, Jerusalem beum. Nug am ippunittak danab laa, nug Mosesnu ɗo nainu sul okkai ha malom. Yawe, Israel dilag Kayak, Nug ɗo amu Israel danab ah mattom. Kayak Nug Esra ehanittom amunu, Esra nug keeke laa oh amunu king oɗ mettom ele, king nug nug mettom.

Sam 119:137

O Yawe, na am genab tutukkuib daattem, nahip ɗo am tutukkuib.

Sam 119:160

Nahip nai oh amu genabib. Ge, nahip ɗo oh am genab tutukkuib, ag hanhan, alet daaglag.

Sam 119:4

O Yawe, na nahip oo yaak nai ɗo bia oh ig mekkan, na ig ɗo amu oh dim lamidkkunignuib ele nai ɠagattagppa ig amenigppa mattime.

Eksodas 16:23

Ag amunu aeg, Moses nug ag amelagppa aum. “Yawe Nug buttinu, am inam haknunab aum. Butti am Sabat laa, Sabat amuam Yawenu tituanak daatte; am Yawe binag awaknu. Aria, gemu ag ee otiak laa aabppa maiglagnu oolag dayeb, aria ag maneg! Am otiak laa ag waappa uhiglag dayeb, am waappa uhippeg ewaɗ! Aria, laih ag ii lappeg dayeb amu, ag buttinu meppeg dayaɗ!” awa aum.

Eksodas 19:11

ag laatu buttua, ag da noolppa elele daaglagnu babaittak dayeg! Aɗinu? Deɗ amuppa da Yawe, da geha nein, Sinai qaukoppa daappi, danab ah ag da aniɗkkulag.

Eksodas 20:1

Amu Kayak Nug nai imu oh aum.

Eksodas 20:22

Moses nug anam te, Yawe Nug Moses amegppa aum. “Na appe, Israel danab ah ag nai dahil imu doyeg! ‘Da hab aabppanu ag amelagppa nai mattimi amu, ag amu doon malappig.

Aisaia 64:1

O Yawe, qauko ag na noomppa uɗalkkulagnu, nahip kekeɗ ag na onin dooglagnu, wanppan huu anen anen laih laih daatteb ag na noomppa daan hahaɗkkulagnu, na hab matulna nelom am ena.

Aisaia 64:3

Tumai aɗi na nena, keeke laala, danab nug amu antta, nug ebehi oh bodoetta le mette ele, na keeke amu, ig na anam hekkutnu dab-ii-memut ele amu, na amu heme. Na amu heme, qauko aakku huanak uɗalppig.

Habakuk 3:3

Kayak, Nug Temannu uɗiom. Ao, Kayak Oppiaawak Ele, Nug qauko Parannu uɗiom. Sila. Nug uɗie, Nug nuhig binag amahlak oppiaawak ele am hab ohppa miag dayom. Ao, wanppan danab ah oh ag Nug onig humappig.

Rom 7:16

Aria, da kobol oh, da hekkulnu ool ii hette ele, da kobol amu hettem dayeb, da dahil kobol amuppa da, “Ɗo am ena,” awe attem

Duteronomi 33:2

Nug aum. “Yawe Nug Sinai qaukoppanu neum. Nug danab ah nuhikkud ehanadkkunu Seir appa amahlak mattom. Yawe binag amahlak oppiaawak ele am Paran qaukoppan amahala dayom. Ban danab nuhikkud tausen tausen gane ag anam nug ele daaegeg, aab dittiak amu heqo naɗiap-ppa dayom.

Duteronomi 4:33

Danab ah wan laalappanu ag Kayak aab dittiak ooppa dayaya, nai mattieye doon, ag bau daappig laal elete? Iitta! Ag, Israel, agib anam heppig.

Duteronomi 4:36

Nug ag toliadkkunu, Nug he, ag Nug baag hab aabppanu dooppig. Nug ag nai madakkunu, Nug wanppa aab dittiak naɗippa dayaya, nai mattieye, nuhig ɠagattag okkai ag anidppig.

Duteronomi 4:8

Am wanppan wan laa, wan amuam ɠagattag, ag ɗo genab tutukku iɗu iɗu ele, da ag madattem imu bia elete? Iitta!

Duteronomi 5:4

Yawe Nug qaukoppa aab dittiak ooppa mattieye, ig amenigppanab anidta doomut.