Nehemaia 9:12 - Nobonob Baibel

¹² Amunppa na lombig teppu ele attan takppa daan, noolag aon gonana, tuqan na aab ewak okkai attan takppa daan, noolag aonna, amahlak mattan, atten atten oiglagnu daye ippunadnana, noolag aon gome.

Nehemaia 9:12 ပူးပေါင်းရင်းမြစ်များ

Nehemaia 9:19

Kayak, na nahipad danab ah dilagnu oo bodoetta le mak kobol dim lamidna, atu taɗakppa danab ah amu uuatte, hamu ii oippig. Amunppa na hee, lombig teppu ele attan takppa ag ib ippuanattette, tuqan aab ewak okkai attan tak ib atten aon gokkulagnu ippuanattom.

Sam 105:39

Yawe Nug amunppa ehanatta he, lombig ikkilagppan blanget bia tonatte goppig. Ao, tuqanppa amu Nug he, aab dittiak naɗi gatatuppa amahlom.

Sam 107:7

Ag anam unuqitteg, Nug ib tutukku laappa anuqa ugakka omalatte, ag aab okkai laa, ag amuppa daaglagnu elele amu, ag amuppa teppig.

Sam 143:8

Da nahipnu oolppa genab doottem amunu, na buttua oh nahip oo mauhaknab kobolnu dabmenana, ehaniɗkkutnu oɗ medattem. Da na unuqidttem amunu, na oot meɗan, nahip ib tutukku ippuniɗkkutnu unuqidttem.

Sam 78:14

Nug amunppa lombigppa ag noolag awa ukkom. Ao, tuqan haenppa Nug aab ewewe, amahlak amuppa ag noolag awa ukkom.

Eksodas 15:13

Na nahip oo mauhaknab kobol dim lamidnana, na ig Israel, ig Isip dilag begbeg maɗi nidnu qagaiettakppanu eɗua uhuqak hen mekkana, na ig eleleib omaigkkut. Ao, na nahip ɠagattag, na amuppa na ig omaigppe, ig aben nahip, aben amu nahipnu tituanak daatte, ig amuppa gokkunig.

Esekiel 20:6

Haen amuppa da ag ehanatten omaladppi, ag Isip wan uun, wan laappa gokkulagnu nai ɠagattag qetten mattimi. Ag wan amuppa gokkulag amu, wan amuam wan enanag, wan ittag ele, amuppa ee meu huana otte, neekkak nuhig ele enanag, wan laa oh eɗattak. Da wan amu ag aguppa daaglagnu tituanmi.

Namba 9:16

Anam haaha, tuɗid ele haaha dayom. Lombig nug amunppa mettid haknu peh lag haute, tuqan amu aab ewak bia dayom.

Namba 9:21

Haen laala amu lombig nug tueb ukka, buttua batak aakkuib daattom, amu buttua aha ukke amu, ag ahan dim lamidttappig. O lombig nug tuqante laippu, amun laippu ele dayomte, lombig nug aha ukke anidna amu, ag ahan godappig.

Duteronomi 1:33

Nugib ag haen tutu dayaknu aab adeppa adeppa kalaglagnu ippunadkkunu ag noolag awa ukkom. Nugib ag ib adeppa adeppa ippuanatteb gokkulagnu, Nug tuqan aab aɗuppa, amu amunppa lombigppa ele ag noolag awa ukkom.