Nehemaia 9:1 - Nobonob Baibel

¹ Aria, kalam ebqak eblaih aɗit ele, kalam amunu deɗ 24ppa Israel oh ag qagmeppig. Ag qagmena, ag ee ohnu kud mena daanna, ag lamen heɗiag ele takkan, ag gappud aon, ikkilkadppa meppig.

Nehemaia 9:1 ပူးပေါင်းရင်းမြစ်များ

2 Samuel 1:2

deɗ ewamppa danab laa, nug Saulnu haen tutu dayaknu aab kalappigppanu uɗiom. Nug nuhig lamen pattiɗatte dayeye, gappud ele igippa ma dayom. Nug uɗia, Dawit toppa ta, binag mekkunu, laippun gateg qaun o, gomela, iɗu wanppa meum.

2 Stori 20:3

Ag aeg, Jehosapat doya, nug baɗa aha, nug Yawe antta dim lamidkkunu Nug madikkunu dabmak ɠagattag awa, nug Juda danab oh ag ee ohnu kud mena daaglagnu nai me ukkom.

2 Stori 7:10

Ag anam daanna heeg ukke, kalam eblaih aɗit, deɗ 23ppa Solomon nug he, danab ah ag Yawe Nug Dawitnu, Solomonnu, nuhikkud danab ah Israel dilagnu ele keeke digdigppa ena hattomnu gamag ahak okkai doon, ag eɗun appalkadppa goppig.

Esra 8:21

Ido aɗi ag anam heeg, ig gokkunignu daamut ele, ig le ippu danab heeg, Ahawa gotte ele daugppa daatta, ig ihinig Kayak noobppa, ig ikka ig oninig qepput nekkunu, ig Nug ehanikkeb, ig, ig bekkankad ele, ig ihinig keeke maot, ig ibppa ena oignignu oɗ mettagnignu amu, da ig oh ee ohnu kud meta daat, ig Kayak unuqidkkunignu nai ag mattami.

Esra 8:23

Da king oɗ medakkulnu uɗal neum amunu, ig ee ohnu kud meta daat, ig Kayak ibppa ehanikkunu unuqittut, Nug ig oɗenig doyom.

Nehemaia 8:2

Ag anam appig amunu, kalam ebqak eblaih aɗit ele, kalam amunu deɗ digmakppa amu, mana mettak danab Esra nug ɗonu buk amu awa uɗia, danab, ah, nid ag nakok okkai mak, nai doon diig dooglagnu elele daappig, ag ele oh noolagppa hibaitta dayom.

Esta 4:16

“Gona, Juda danab ah Susanu oh da ehaniɗkkulagnu diin qagmaadppe, ag ee lamananu, ee ohnu kud mena dayeg! Ag tuqan, amun ele deɗ ewam ee, le ele ohnu anam kud mena dayeg! Da, amu dahilad ehanittak ah ele, ig ele anamib hekkunig. Ig oh anam dayota, ɗo am laa nug hamu ukka, king anidkkunu aib atte me, geha da ukke, king anidkkul. Da mauhkkul dayeb amu, da mauhkkul. Am nai iitta.” Esta nug nai amu me, Mordekai dookkunu ukkom.

Esta 4:3

Aria, kingnu ɗo amu wan oh tuale amu, Juda oh ag amunu mahittak okkai heppig. Ag ee ohnu kud mena daanna, gaanna, aeqakkanna, danab ah kuɗum ag lamen heɗiag ele takkaladna, uhuɗ laappig.

Job 2:12

Ag nug gumidna gonana, ag nakok piɗe daanna, neekkeg ukke, nug anidnana, “Umu am Joptai, iitta danab laatai?” anana, amuam Job anidna doon, ag huana gaan, ahilag lamen elab pattiɗna, ag gappud aon, ikkilag laidppig.

Aisaia 22:12

Uug imu bak haenppa Naɗi, Nug Yawe Nukka Ɠagattag Oh Ele, Nug ag haen amuppa ⌊eheɗ heppignu⌋ ag oo doyak doon gaan, ag ikkilag uɗug oh otaɗna, ag lamen heɗiag ele takkadkkulagnu amelagppa akku.

Joel 2:12

Amu Yawe Nug atte. “Ag matu helob, amge ag gemu, yo, ag gemu haen imuppanab ag meulag ohppa, oolag ohppa, ɠagattag ohppa ele eɗun, da waalppa daaglagnu uɗieg! Ag ee ohnu kud mena, gaanna mahina, ag eɗun dahilppa uɗieg!

Lewitikas 23:34

“Na Israel danab ah nai imu appe doyeg!” awa aum. ⌊Nug anam a amu, Moses nug nai inam ag amelagppa aum.⌋ “Pehppa Dayaknu Hobul amu, am kalam ebqak eblaih aɗit ele, kalam amunu deɗ 15ppa digmekku. Yawe noobppa hobul dayak amu, am deɗ eblaih aɗit oh daakku.

Lewitikas 23:39

Ag hobul dayak haenppa anam aakku hekkulag amunu, kalam ebqak eblaih aɗit ele, kalam amunu deɗ 15ppa, ag dattanu keeke aon, bakkalenu mak lakka mena malona, amu ag Yawe dabmenana, qagmak gamag ahak ele heig! Ag deɗ eblaih aɗit ele ohppa Yawe noobppa anam hekkulag. Ag deɗ digmakppa, amu deɗ eblaih ewamppa ele amu, ag hik aoglagoitte.

Josua 7:6

Anam be, Josua nug Israel dilag ikki danab ele ag uug nau doon, ag lamen ahilkad pattiɗna, ag gappud ikkilkadppa mena, ag ahan gona, paha Yawenu Tituanak Nainu Kunup noobppa gatelag qaun o, gomelna, ag iɗulag wanppa mena daaeg ukke, uudoum.

Revelesen 11:3

Anam amu, ⌊da Kayak,⌋ da appi, dahil laa aɗi heehe anttomnu mattiak danab aɗit, aa lamen heɗiag ele takkaya, deɗ 1,260 aa propet nai mehuqkkulah,” awa aum.

Ikki Danab 20:26

Anam heeg, Israel oh ag eɗun, Betel tena, ag Yawe noobppa gaanna, ag ee ohnu kud mena daaeg ukke, uudoum. Ag manaknu ofa Yawe mettana, amu ag laippu dayaknu ofa ele Nug mettana,

1 Samuel 4:12

Aria, Pilistia ag Israel eɗatteg, deɗ amuppa Benyamin danab laa nug lamen nuhig pattiɗa, nug wan gappud igippa mewowa, nug ban hak abenppanu aha, qaietta Silo ukkom.

1 Samuel 7:6

Samuel nug anam a, Israel oh ag Mispa gona, qagmeppig. Qagmena, ag le itan, Kayak noobppa mana mettak bia daakkunu gokkaɗeg no, ag deɗ amu buttua ukke tueb batak amu, ag kud mena, ee uuna daappig. Ag amu henana, ag miagib madippig. “Ig Yawe, nuhigppa hipunin hetata daamut,” aon appig. Mispa appa Samuel nug Israel danab ah epeɗiattom.