Nehemaia 8:7 - Nobonob Baibel

⁷ Ag amu hewona, ag eɗun hippaidna daaegeg, Esra ɗo nai maha maha ebqa male, Lewi buɗubppan mana mettak danab iitta, Jesua, Bani, Serebia, Jamin, Akup, Sabetai, Hodia, Masea, Kelita, Asaria, Josabat, Hanan, Pelaia ele, ag nai amunu meu mehuqppig.

Nehemaia 8:7 ပူးပေါင်းရင်းမြစ်များ

1 King 8:14

King Solomon nug unuqittowa, nug eɗua Israel danab ah oh ag appa hippaidna daappig ele, nug ag neekkattatta, Kayak onigppa danab ah itittak ena mattom.

2 Stori 30:22

Lewi buɗub ag Yawenu maɗi ahilag hekkulagnu diignu doyak tutukku ele oinna heppig amunu, Hesekaia nug ag ɠagattag aqom. Lewi buɗub amu ag deɗ eblaih aɗit ele aɗi ee mana mettakppanu aoglagnu daappig amu, ag ee amu aon lappig. Amu ag ele laippu dayaknu ofa Kayak mettan, ag Yawe, ag mamelkad aɗi dilag Kayak, ag Nug binag meppig.

2 Stori 35:3

Nug Lewi buɗubppan mana mettak danab iitta, ag Yawenu tituana mettak daan, Israel danab ah ippunittak madappig amu, nug ag amelagppa aum. “Yawenu Tituanak Nainu Kunup, nuhignu tituanak daatte amu, ag amu Yawenu mettid lag, Dawit bekka, Israel dilag King Solomon buuom, am appa meppig daatte. Gemu ag kunup amu ag gukkalkadppa ii maon oitteb. Anam amunu, ag Nug laugppa daana, ag Yawe, ahilag Kayak, ag Nug waappa daan, Nug oɗe dim lamidna, ag nuhikkud danab ah ele dabmattan, ehanatteg!

Esra 8:18

Da ag maatti gona oɗ mattaeg, Kayak Nug ii helo bia me, Nug ehanikke, appan danab ag Serebia, amu nug bekkod, nug awakkud, amakkud ele, ahilag ebqak am 18 amu, ag danab amu omaladna uɗin, ig ele oh gokkunignu appig. Serebia nug am danab Kayak uɗat haknu elelenab dayom. Nug Lewi bekka Mali buɗub. Lewi nug Israel bekka.

Nehemaia 10:18

Hodia, Hasum, Besai,

Nehemaia 10:2

Seraia, Asaria, Jeremaia,

Nehemaia 11:16

Lewi buɗubppan mana mettak danab iitta, danab amu oolagppanu aɗit laa aa Jerusalem daapiɗ am Sabetai, Josabat ele. Aa am Lewi buɗubppan mana mettak danab iitta, aa amu dilag ikki aɗit, amu aa Kayak laugnu uɗat dimittim dayom, aa uɗat amu gumapiɗ.

Nehemaia 11:19

Aria, Lewi buɗubppan mana mettak danab iitta, ag Kayaknu mettid lagnu od gumappig, ag ele uɗin Jerusalem daappig, ag ahilag ebqak amu 172. Ag am Akup, Talmon ele, amu ahilti uɗat laippu ele.

Nehemaia 12:33

Ag ukkaegeg amu, Asaria, Esra, Mesulam,

Nehemaia 3:17

Nehemaia heumppanu amu, Lewi buɗub ag Bani bekka Rehum waappa daan, ag tuɗidna, aɗ laih amu eɗun bappaidppig. Ag heppig, amuppanu Hasabia, nug tuɗitta, aɗnu laih laa eɗua babaittom. Hasabia nug wan maha onig Keila, nug wan amunu laih dilag okkai danab. Nug danab amu onilagppa uɗat amu heum.

Nehemaia 3:19

Nug heum ele, amuppanu Jesua bekka Eser, Mispa dilag okkai laa amu, nug tuɗitta, aɗnu laih amu eɗua babaittom. Nug aben laa, aben amuam ban haknu keeke maknu lag guguittak daatte ele amu, nug appa digme ukke ukke, aɗ eɗua, laih godeppa batom.

Nehemaia 3:23

Ag bappaidppig, amuppanu amu danab aɗit, Benyamin, Hasup ele, aa aɗ aa laulah odppa dayom ele, aa tuɗidya, laih amu eɗua bappaidpiɗ. Aa babaitteheh, Masea bekka Asaria, nug alag am Anania, nug aɗ nug laug heqoppa dayom am eɗua babaittom.

Nehemaia 8:12

Lewi buɗub amu ag anam appig amunu, danab ah ag ee, le ele lakkulagnu, ag laa ee, le iitta ele ag ee, le ele mattaglagnu, ag hobul, gamag ahak okkai ele doon hekkulagnu ahan goppig. Aɗinu? Ag gemu Kayaknu ɗo laa ebqe doon, diig dooglagnu elele daan dooppig.

Nehemaia 8:4

Yaak danab Esra nug aguppa dayaya, nai amu ebqekkunu, ag balal laa attan tak adppa heppig. Ag amu heeg, nug aguppa buk amu ebqekkunu dayeye, nug eppeg naɗiap-ppa Matitia, Sema, Anaia, Uraia, Hilkaia, Masea ele hippaidna daappig. Nug eppeg nanehppa am, Pedaia, Misael, Malkiya, Hasum, Hasbadana, Sekaraia, Mesulam ele hippaidna daappig.

Nehemaia 8:6

Esra nug buk kole, danab ah ahaeg, Esra nug Yawe, Nug Kayak onig, ɠagattag ele, Esra Nug binag me, danab ah oh ag eppelag human appig. “Genab, anam dayaɗ! Genab, anam dayaɗ!” appig. Ag anam awona, ag Yawe noobppa gatelag qaun ona gomelna iɗulag wanppa mena, dup noa binag mak heppig.

Nehemaia 8:8

Esra Nug Kayaknu Ɗo Nai Buk ebqeeqe, Lewi buɗub laa amu ag danab ah daappig ele ag tutukku dooglagnu, ag nai amu aon, eɗunna, ag nai amunu meu keeke, pehettaknab laa oh ippunadppig.

Nehemaia 9:3

Ag qagmena, hippaidna daanna, tatam laa Yawenu ɗo nai bukppa yaak niitte ebqeeg doyegeg, haen aua ewam ukke, amu dimppa ag aua ewam laappa ag ahilag hipunin miagib mattina, Yawe amegppa anan, ag ele Yawe, ahilag Kayak, ag Nug noobppa dup nona binag meppig.

Nehemaia 9:4

Lewi buɗubppan mana mettak danab iitta laa ag balal attan hippaidna daappig, amu ag onilag am Jesua, Bani, Katmiel, Sebania, Buni, Serebia, Bani, am Kenani. Ag aguppa daan, ag baalag okkaippa Yawe, ahilag Kayak, unuqidppig.

Lewitikas 10:11

Amu ag da Yawe, da ɗo nai oh Moses mettami ele amu, ag Israel danab ah ippunadkkulagoitte,” awa aum.

Malakai 2:7

Nug amu heumnu diig am: Mana mettak danab nug doyak tutukkuib madikkunu daatte. Ao, danab ah ag mana mettak danab dilagppanu ippunittak aoglagnu daatte. Diig laa am, mana mettak danab anen anen ag am Yawe Nukka Ɠagattag Oh Elenu nai awa ukkak danab daatteb.

Duteronomi 33:10

Lewi buɗub ag nahip oo yaak nai ɗo bia Jakop buɗub ippunadtteb. Yo, ag Israel ɗo nahip ippunadtteb. Ag am kalu danab ile muttuɗig enanag bette ele na noomppa ilatteb. Ao, ag manaknu ofa kunum nahip qaɗabppa manadna medatteb.