Nehemaia 8:3 - Nobonob Baibel

³ Nug ag noolagppa hibaitta daya, nug buttuanab digma, ɗo nai buk amu ebqe ukke ukke, aam ameg tutukku dayom. Nug haɗap Lenu Od guguittak daatte, nug haɗap amu neekkakka, danab, ah, nid ag nakok okkai mak, nai doon diig dooglagnu elele daappig, ag ele daaegeg ebqeum. Nug ebqeeqe, amu oh ag daulag human, Ɗo Nai Buk amunu nai dooppig.

Nehemaia 8:3 ပူးပေါင်းရင်းမြစ်များ

Nehemaia 10:29

ig oh, anuqak danab ele ig oh laippu daat, ig genabnab genab Kayaknu ɗo, Nug nuhig uɗat danab Moses oɗeppa ɗo mekkom amu, ɗo amu ig dim lamidkkunignu nai qakkat attem. Ig Yawe, nuhig haknunab nai, ɗo iɗu iɗu oh ele dim lamidkkunig. Ig ihinig nai imu ig ɠagattag qeta atata, ig ii dim lamidkkunig dayeb amu, ig eheɗ laa awaknu anak waappa daagnignu oonig daatte attem.

Nehemaia 13:1

Amu deɗ ag buk Moses yom ebqeppig amu, ag ebqeegeg, danab ah dooppig. Ag anam ebqeeg doon, ag Amon danab, o Moap danab laa nug, nug buɗub ele ag hanhan Kayaknu danab ah, Israel tamaniak, nug ag ele laippu Kayak laugppa qagmen daaglagnu elele iitta nai dooppig.

Nehemaia 8:1

ag ahan Jerusalem uɗin, ag aɗnu od onig Lenu Od, ag haɗap laa amu guguittak dayomppa qagmena daappig. Ag qagmen daanna, ag yaak danab Esra, nug Ɗo Nai Buk, Yawe Nug nai amu Israel danab ah dim lamidkkulagnunab Moses amegppa a, Moses nug bukppa yom amu, ag Esra nug Mosesnu buk amu awa uɗia, ebqeeb dooglagnu appig.

Nehemaia 8:18

Ag Pehppa Dayaknu Hobul gamag ahak ele deɗ eblaih aɗit ele daappig, amu deɗ deɗppa Esra nug Kayaknu ɗo nai bukppa yaak niitte amu, nug buk amuppa ebqe dooppig. Ag deɗ eblaih aɗit anam hobul hewona, deɗ eblaih ewamppa, Kayak ɗo mattom bia, ag oh qagmeppig.

Nehemaia 8:4

Yaak danab Esra nug aguppa dayaya, nai amu ebqekkunu, ag balal laa attan tak adppa heppig. Ag amu heeg, nug aguppa buk amu ebqekkunu dayeye, nug eppeg naɗiap-ppa Matitia, Sema, Anaia, Uraia, Hilkaia, Masea ele hippaidna daappig. Nug eppeg nanehppa am, Pedaia, Misael, Malkiya, Hasum, Hasbadana, Sekaraia, Mesulam ele hippaidna daappig.

Nehemaia 8:5

Amu Esra nug buk amu ebqekkunu dayaya, nug balal attan amuppa dayom amunu, danab ah oh ag nug anidkkulagnu elele daappig. Ag nug anidkkulagnu elele anam daappig amunu, Esra nug buk kole anidna, ag oh hippaidna daappig.

Mak 12:37

Ag iikkud antteg! Danab nug, nug bekkanu, ‘Naɗi’ ii atte, amge Dawit nug nukka, nug Kristusnu, ‘Naɗi,’ aum amunu, ig attemun Kristusnu, ‘Nug am Dawit bekka,’ akkunig?” awa aum. Awa a amu aabppan danab ag nuhig nainu enanagnab dooppig.

Luk 19:48

Amge danab ah oh ag nuhig nai dooglagnu wagai mena heppig amunu, ikki danab ag Nug qeppeg mauhkkunu ib laa ii anidppig.

Luk 8:18

Ag nai dahil dootteb ele, ag nai amu dabmenan dayeg! Danab nug Kayaknu keeke awa, uɗat pehettak medatte amu, Kayak Nug amu laa ele medakku. Metteb, nug happiak ele daakku, amge danab nug Kayaknu keeke awa, uɗat pehettak ii medatte, nug ‘Da iikku aomi, dahilib daakku,’ atte amu, Kayak nug nuhig keeke awom amu eɗua aɗidkku,” awa aum.

Aposel 13:15

Juda dilag nai doyak lagnu ikki danab ag ɗo nai yaak amu propet dilag yaak ele ebqewona, dimppa ag Pol, Barnabas ele dilah nai meeg ukke oɗ matan appig. “O lainti, nai laa danab ah ɠagattag aqaglahnu dayeb amu, aria mehuqpeɗ dooglag,” aon appig.

Aposel 13:27

Aria, danab Jerusalem daatteb amu ahilkad ikki danab ele, ag Jesus anidna, ag Nug am laa propet ag uɗikkunu appig amu, ag amu oolag ii maittom. Anam amge haen ag Nug qeeg mauhom, haen amuppa ag propet dilag yaak, Sabat deɗ ohppa ebqetteb ele amu, ag hena, ag nai amu elele medappig.

Aposel 15:21

Aɗinu? Ig doottem, anukkan uɗie gemu ele, aab okkai ohppa danab ag Mosesnu ɗo nai mehuqna, ag ele Sabat deɗppa Juda dilag nai doyak lag ohppa nai amu ebqetteb,” awa aum.

Aposel 16:14

Amu ah laa onig Lidia, nug amu Kayak noobppa dup noa binag meum ele, nug nai amu doyom. Nug am aab okkai Taiatairanu ah, amu nug lamen perpel awa me, laa daden meegeg,, amuppa nug men doɗo aottom. Naɗi Nug he, Lidianu dabmak am matulak daye, Pol nai mehuqeqe doya, dookkunu nug daug hume, oo eɗuom.

Aposel 17:11

Am Juda danab Beria daappig amu, ena haknu, ag diilag am Juda danab Tesalonaika daappig eɗittak. Aɗinu? Ag nai Pol mattiom ele dooglagnu oolag ahe, ag doon autna aoppig. Ag doon aon, Pol nai attom am genabte, o iitta genab iittate amu, ag amu dooglagnu deɗ ohppa Kayak nai ebqeppig.

Aposel 20:11

Aria, Pol nug eɗua attan ta, bret awa pane lawona, dimppa amu nug ag ele nai mattiegeg wagɗom. Wagɗe amu Pol nug ukkom.

Aposel 20:7

Amu mettidnu deɗ anuqak, deɗ amuppa ig, appan Kristen danab ele oh ee laippu aognignu qagmemut. Am Pol nug wagɗeb deɗ amuppa gokkunu dayom amunu, nug nai elab danab amu amelagppa mattieye ukka, tu meum.

Aposel 28:23

Ag Pol ele nai anam mattiona amu, ag deɗ meeg, deɗ amuppa danab ah kuɗum ag Pol gumidna, nug dayom, lag amuppa uɗieg, buttuanu ukke tueb batak nug Kayaknu ɗo maɗoɗnu nai mehuqa, nai Mosesnu ɗoppa niitte, amu propet dilag yaaknu ele, nug nai amuppa ag Jesusnu oolagppa genab dooglagnu, ahilag dabmak maɗetta ippuanatta mattiom.

Duteronomi 31:9

Moses nug ɗo imu ya, mana mettak danab ag Yawenu Tituanak Nainu Kunup kontrak inak ele maoppig, amu Israel dilag ikki danab ele mattom. Mana mettak danab ag Lewi buɗub.

1 Tesalonaika 2:13

Ig ag amelagppa nai mehuqmut amu, ag wanppanu danab dilag nai bia ii aoppig. Iitta. Ag nai amunu, am Kayak nai, tutukku doonna aoppig amunu amu, ig haen oh Kayak amegppa keeke amunu ele, “Ena heme,” aot attem. Nai amunu amu ag oolagppa genab dootteb ele amu, nug ag oolagppa uɗat ɠagattag heehe, meu aakku bette.

Josua 8:35

Keeke haknunab, Moses nug mattom ele amu, nug amu oh danab, ah, nid naunau, amu wan laihnu danab ah, ag uɗin Israel oolagppa daappig amu, nug ag oh dooglagnu ebqeum. Nug maha nakok laa ii tippalom.

Revelesen 2:29

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ!” awa aum.

Revelesen 3:22

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ!” awa aum.