Nehemaia 8:12 - Nobonob Baibel

¹² Lewi buɗub amu ag anam appig amunu, danab ah ag ee, le ele lakkulagnu, ag laa ee, le iitta ele ag ee, le ele mattaglagnu, ag hobul, gamag ahak okkai ele doon hekkulagnu ahan goppig. Aɗinu? Ag gemu Kayaknu ɗo laa ebqe doon, diig dooglagnu elele daan dooppig.

Nehemaia 8:12 ပူးပေါင်းရင်းမြစ်များ

1 Stori 29:22

Amu deɗ amuppa danab ag Yawe noobppa daanna, ag gamag ahak okkai doon, ag ee, le ele lappig. Amu ag deɗ amuppa ele Dawit bekka Solomon, nug king daakkunu baula anana, ag Yawe noobppa goɗen gokkaɗakppa tituanppig. Laa ele ag Sadok nug mana mettak danab daakkunu goɗen nug igippa gokkaɗppig.

Nehemaia 8:10

Amu Nehemaia nug aum. “Gemu deɗ imunu amu, ihinig Naɗi Nug amunu, dahilnu tituanak daatte anidtte amunu, ag ahan gona, ag ee ena, le ubuhi ele lanana, ag laa keeke anam iitta ele madappeg, ag ele laig! Ag aib gaappig. Aɗinu? Yawenu gamag ahak doyak am aab aɗ ɠagattagnab ele ahilag bia daatte,” awa aum.

Nehemaia 8:11

Lewi buɗubppan mana mettak danab iitta, ag danab ah ⌊ag ɗo nai doon, elele ii heppig anidna gaappig ele⌋ ehanadppeg, oolagppa maɗoɗ dooglagnu inam amelagppa appig. “Deɗ imuam Yawenu tituanak daatte! Ag aib gaappig. Ag aib mahippig,” aon appig.

Nehemaia 8:13

Juda aɗi ag kalam ebqak eblaih aɗit ele, kalam amunu deɗ digmakppa anam hena, deɗ ebqak aɗitppa amu, Israelnu baekkudppan ikki danab, Lewi buɗubppan mana mettak danab, Lewi buɗubppan mana mettak danab iitta ele ag oh gona, yaak danab Esra gumidna ukkaeg, nug Kayaknu ɗo nai mehuqebeb dooglagnu daappig.

Esta 9:22

Nug ag deɗ aɗit amuppa ag lanak hobul okkai, gamag ahak okkai ele henana, ee hamu nug mettanna, ag daɗek ele ahilag daakkunu keeke hamu mattaglagnu aum. Amuam henana, Juda ag kekeɗ eppelagppan eɗua diiak amu daulagppa dookkunu aum. Haen amuam, ahilag haen nauhkkulagnu dayom, amge ag ahilkad kekeɗ eppelagppanu eɗua diiak aoppig. Ag oolagppa uug nau dooppig, amge ag eɗun, gamag ahak aoppig. Ag mahiak naɗi heppig am iitta me, gamag ahak aoppig.

Job 23:12

Da haknunab nai Kayak oɗeppanu doomi amu, da nai amu ii uumi. Da dim lamidmi. Ao, da ee lakkulnu ool hette, amge da Kayak nai, Nug oɗeppanu aomi amu, da nai amunu ool huanaknab hette.

Sam 119:111

Nahip ɗo am dahil en hanhannu daatte. Nahip ɗo am gamag ahak da meɗatte.

Sam 119:127

Da golnu am nakok ena doottem. Ao, da gol ena dubuttid iitta elenu amu, da nakok ena doottem. Amge da nahip ɗonu amu, da enanagnab doyen, da amunu ool mauhtte.

Sam 119:130

Nahip nai amu, danab ah ag doon, oolag maitte, am ag amahlak madatte. Ao, nahip nai danab ag doyak ii awak ele, am amu dilag diignu doyak tutukku madatte.

Sam 119:14

Laa nug enub kuɗum ele, nug nuhig keekenu oo gamag ahatte, amubia da nahip ɗo nai dim lamidkkulnu, da ool huana gamag ahatte.

Sam 119:16

Da nahip ɗonu enanagnab doottem. Da nahip nai ii daul atima.

Sam 119:171

Na nahip ɗo da ippuniɗttem amunu, da na binan naɗi humattem.

Sam 119:174

O Yawe, na da ehaniɗppe, da ii padal mepanu ool naɗi daatte. Da nahip ɗonu enanagnab doottem.

Sam 119:72

Da men doɗo huanak ele daalom, amuam nakok enatai, amge da nahip ɗo aɗattem amu, amuam enanagnab. Da nahip ɗonu ool huanak hette.

Sam 119:97

O ⌊Yawe⌋, da nahip ɗonu oo mauhak naɗi doottem! Da deɗ oh amun tuqan ele da nahip ɗonu dabmak unuqag awewe daattem.

Jeremaia 15:16

O Yawe, na Yawe Kayak Nakka Ɠagattag Oh Ele, na onin dahilppa daatte amunu, na ae, nahip nai dahilppa uɗie, da danab ee lanaknu baag enanag lanana, gamag ahak dootte, amubia da nahip nainu enanagnab doomi.

Luk 24:32

amu aya aya inam apiɗ. “I ibppa uɗiuɗuɗ, Nug Kayak nai meu tutukku mehuqe doomuɗ amu, i oonihppa Kayaknu nai meu elenab iite doomuɗ?” aoya apiɗ.

Rom 7:18

Amu da doottem, da oolppa am keeke ena laa iinab daatte. Amuam da ool alagnu attem. Amu genab, da kobol ena hekkulnu ool hette, amge da hekkulnu elele iitta.

Revelesen 11:10

Danab wanppa daatteb ele amu, ag aa mauhpiɗnu, “Ena,” ana, ag oolag gamag ahebeb, ɗo hamu nug mettaglag. Aɗinu? Propet aɗit aa danab ah wanppa daatteb ele ⌊ag oolag eɗukkunu ahilah naippa, ahilah hakppa ele⌋ guittak okkai madapiɗ.