Nehemaia 7:73 - Nobonob Baibel

⁷³ Ag amu oh hena malona, Lewi buɗubppan mana mettak danab, Lewi buɗubppan mana mettak danab iitta, danab od gumappig, danab ah ahi edappig, Kayaknu mettid lagnu maɗi nid, amu Israel danab laa ele, ag eɗun gona, aab diig ahilkadppa daappig. Aria, ag gona daaegeg ukke, kalam ebqak eblaih aɗit ele digmekkunu ⌊miag do⌋, haen gamag amu oh ag aab diig ahilkadppa aakku daanna,

Nehemaia 7:73 ပူးပေါင်းရင်းမြစ်များ

2 King 7:10

Ag anam awona, aria ag ⌊uudo, gatatu ele⌋ gona, Samaria aab okkaippa tena, ag aab okkainu aɗ odppa daanna, ag od gumak danab onilagppa eeg uɗieg, amelagppa appig. “Ig Aram dilag haen tutu dayaknu aab kalakppa gomut amu, appa danab laa daaeg ii anadmut. Danab daanna nai mattieg, baalag laa ele ii doomut. Iitta. Keeke ahilkad amu oh ag uun ukkaeg niiegeg anidmut. Ahilkad hos, donki ele amu, am oh muɗippa qakkaladppig anam daatteb. Ahilkad sel lag ele daappig, ag anamib aakku daatteb,” aon appig.

1 Stori 9:2

Ag gona, Babilon wanppa diia ukka laih me dayak danab ah daaeg ukke, king laa nug ag eɗun uɗiglagnu elele a, laa tatam uɗippig am mana mettak danab laala, Lewi buɗubppan mana mettak danab iitta, amunu laala, amu Yawenu mettid lagnu maɗi nid laala, amu Israel danab ah laala ele.

Esra 2:70

Danab ah amu ag eɗun, Juda wanppa tena, Lewi buɗubppan mana mettak danab, Lewi buɗubppan mana mettak danab iitta, ahiettak danab, Yawenu mettid lagnu od gumak danab, Yawenu mettid lagnu maɗi nid, amu danab laippu laippu laa ele ag aab laala Jerusalem guguittak daappig amu, ag amuppa wana daappig. Israel laa oh amu, ag wana, ahilkad aab anen anenppa daappig.

Esra 3:1

Haen danab amu ag eɗun uɗin, ahilkad aab anen anenppa daan amu, maɗ amuppa kalam eblaih aɗitppa Israel danab oh ag Jerusalem appa laippu aɗamen qagmeppig.

Nehemaia 11:3

Israel danab ah laa, mana mettak danab laala, Lewi buɗubppan mana mettak danab iitta laala, Kayaknu mettid lagnu maɗi nid laala, amu Solomonnu maɗi nid buɗub laala ele ag Judanu aab laalappa, ag anen anen ag laulkadppa, o ahilkad wanppa daappig. Amu Juda buɗub laala, Benyamin buɗub laala ele ag Jerusalem appa daappig. Aria, imuam Israelnu laala, ag prowins dilag okkai daan, Jerusalem appa daappig onilkad. Laa Judanu am inam: Usia bekka Ataia. Usia mameg am Sekaraia. Sekaraia mameg am Amaraia. Amaraia mameg am Sepatia. Sepatia mameg am Mahalalel. Mahalalel am Peres buɗub laa.

Nehemaia 7:72

Danab ah laa ag 170 kilogram gol, 1,100 kilogram silwa, mana mettak danab dilag lamen 67 ele en maknu oo, amuppa meppig.