Nehemaia 6:8 - Nobonob Baibel

⁸ Sanbalat nug pas amu me uɗie, da ebqein malen, da nai imu nug dookkunu mei ukkom. “Na attem am hambuppuak. Aɗinu? Na nakka na nai amu pas amuppa hamu yaame. Danab laa ag dabmak amu aon ii maditteb.” Da nob amu nug mettami.

Nehemaia 6:8 ပူးပေါင်းရင်းမြစ်များ

Nehemaia 6:7

nug propet laala ag Jerusalem appa nuhignu, “Juda dilag king nug daatte,” akkulagnu tituanattom,’ atteb. Ag anam atteb amunu, ag nai amu madippeg ukkeb ukkeb, Persia dilag king, nug ig oh gumigtte amu, nug dookku. Nug dookku amunu, na uɗippe, ig oh daat, amunu nai mattignig.” Nai amuam pas laa Sanbalat nug nuhig maɗi nid eppegppa meum amu, amuppa dayom.

Job 13:4

Ag amu, ag dahilnu nai hambuppuak huanak maditteb. Ag oh, ag dokta nuhig uɗat pehettak ii heehe, danab ah ehanittak ii aotteb, ag amubia hetteb.

Sam 36:3

Nau hak danab ag hanhan nai nau, hambuppuak ele maditteb. Ag doyak dabmak ena ele, am kobol ena ele ii dim lamidtteb.

Sam 38:12

Kekeɗ dahil ag danab laa nug pelem doɗ aɗeb qekkunu mette amubia, ag dahilppa anam bia hekkulagnu hetteb. Ao, danab ag da guittak meɗaglagnu hetteb amu, ag mattiak hena, ag eheɗ nau heiɗkkulagnu maidtteb. Ag deɗ oh amun tuqan ele amu hambuppuak nai maditteb.

Sam 52:2

Na hanhan buttua ukka tueb batak Kayaknu danab ah hadappe nauhkkulagnu maittak aottem. Na aɗi keekenu attem, amuam resa laa aeg naunab ele, laa otaɗe guittak dootte, nahip nai amubia hette. Na nai attem amu, danab ah ag amunu oolag guidtte. Na hambuppuak nai madikkutnu doon autna aottem.

Aisaia 59:4

Hettoɗiakppa ag oolagppan laa nug nai tutukku ii maditte. Ge, hettoɗiakppa ag oolagppan laa nug nai genabib ii maditte. Juda danab ah ag oh nai meu iitta, nai hamu, ag nai amu hambuppuna mattinna, ag nai amu ehanadkkunu dabmetteb. Danab wau ele aa oiyya, ah nug nid ele daya, nid menutte, amubia ag uug bekkulagnu heeg beeg, kobol eheɗ ele betteb.

Daniel 11:27

Amu beeb, king aɗit amu, laa wan yawalti uɗitteppanu dilag king, laa wan yau uɗitteppanu dilag king amu, king aɗit amu aa oolahppa dabmak eheɗ ele balalppa daayya, aa nug hambubuittak heyaya, nai mattiglah. Aa anam hekkulah, amge aa aɗi aɗi hekkulahnu dabmeyaya, nug bubuittak heya, nai mattiglah amu, nai amuam meu ii oma. Aɗinu? Gog tak haen am haen adekkuppa bekkunu tituanak daatte, haen amuppa aakku bekkuoitte. Nug hambuppuak nai ahilah am heeb, haen amu ii baolima.

Matyu 12:34

Ag danab nau, ag am mat nau bia. Danab ooppa aɗi dabmak ambak niitte, amuib amu oɗeppa ele maditte amunu, ag nau daatteb, ag attemun ag kobol enanu mattiglag?

Jon 8:44

Ag mamelag am Satan; ag nug bekkod daatteb amunu, ag mamelag oo niitte amu, ag dim lamidkkulagnu wagai metteb. Nug wannu digmak haenppanu danab aqe mauhtteb. Ag mamelag nug doyak diig genabib ii dim lamidtte. Aɗinu? Doyak diig genabib amu nuhigppa ii daatte. Nug hambuppuak nai mattiaya amu, nug nuhig diig aakkuib dim lamidtte. Aɗinu? Nug nai hambuppuak maditte, nug nai hambuppuak mamegnab ele daatte.

Aposel 25:10

Nug anam aum amge Pol nug aum. “Da gemu Rom dilag hettoɗiakppa daattem, amuam tutukku. Da eɗuen Juda dilag hettoɗiakppa ii daapa. Na aakku doome, da Juda, ahilagppa eheɗ laa ii hemi.

Aposel 25:7

Ag Pol omalna doeg amu, aria Juda Jerusalemnu noppig ag dona daanna, ag nai kuɗum eheɗ hak naunu Pol beɗuppa yaan madippig, amge ag ahilag nai am genab laa ippuanadkkunu elele iitta.