Nehemaia 6:3 - Nobonob Baibel

³ Aa anam dabmepiɗ amunu, da danab laala ag dahil nai nob aon gona, mataglagnu maatti goppig. Dahil nai aon goppig am inam. “Da imuppa uɗat naɗi hein daattem; da aa madipiɗppa nokkulnu elele iitta. Diig aɗinu da uɗat imu uuppi, hamu dayebeb, aa anatkkulnu gokkul? Am elele iitta.” Da nai amu appeg dooglahnu maatti goppig.

Nehemaia 6:3 ပူးပေါင်းရင်းမြစ်များ

Nehemaia 4:13

Anam amunu, da danab ag baelkadppa anen anenppanu maatti, ag ban, qep elab, lat ele aɗan, ag aben laala aɗ heeg attan ii teumppa, kekeɗ ag aben amuppa aɗ letan, aab ooppa nokkulagnu ib ena daatte, ag appa daappig.

Nehemaia 6:2

Anam daye, Sanbalat, Gesem ele aa dahilnu nai meeh uɗie doomi. Nai amuam inam. “Na uɗippe, uɗem naɗi onig Ono, appa aab laappa qagmeta, nai mattignig.” Aa nai amu meeh uɗiom. Aa nai amu meeh uɗiom, amge aa eheɗ heiɗpeɗ, guittak aokkulnu dabmepiɗ.

Nehemaia 6:4

Amu Sanbalat, Tobia ele aa anam heeh, da nob anam matami, aa haen waɗele aa nai laippu anamib meeh uɗie, da ele haen waɗele nob anamib matami.

Prowerb 14:15

Danab nug doyak ii awak oitte, nug keeke digdignu ooppa genab dootte; amge eheɗ bemanu dabmak awa dabmak amu dim lamittak danab nug am aɗi hekkunu dabmette.

Eklisiastis 9:10

Na gemu bau daattem amu, na haen imuppa aɗi uɗat hekkutnu anidkkut, na nahip ɠagattag ohppa he! Aɗinu? Na moɗppa gokkutnu oittem amu, appa danab laa nug uɗat laa ii hette, nug keeke laa hekkunu maittak ii aotte, appa doyak laa ii daatte, doyak dabmak ena ele laa ii daatte.

Matyu 10:16

Doyeg, da ag maatti, ag sipsip wulp oolagppa gotteb bia gotteb amunu, ag dabmak tutukkunab aona, keeke heig! Amu ele ag keeke oh qinonob henana, kobol nau laa hekkulagnu aib dabmeppig.

Luk 14:30

inam akkulag. ‘Danab umu nug lag umu hekkunu digmeum, amge nug ha malakkunu elele iitta,’ aon akkulag.

Jon 9:4

Amahlak aakku daatte amunu ig laa, Nug da meiɗe uɗimi ele amu, ig nuhig uɗat hekkunigoitte. Gatatu nekkunu haen aakku malatte, gatatu neeb amu, aun laa nug uɗat ii hema.