Nehemaia 6:18 - Nobonob Baibel

¹⁸ Ag amu heppignu diig am, Juda aɗi laala ag Tobia ehanidkkulagnu nai mattin, ahilag nai ɠagattag qettan, anam hekkulagnu appig. Ag amu heppignu diig am, Juda ted Ara bekka Sekania aɗeg am Tobia wau. Laa amu, Tobia bekka Jehohanan wau am Juda ted Berekia bekka Mesulam aɗeg.

Nehemaia 6:18 ပူးပေါင်းရင်းမြစ်များ

1 Stori 3:21

Hanania buɗub am Pelatia, Jesaia ele, amu Repaia bekkod, Arnan bekkod, Obadaia bekkod, Sekania bekkod ele.

Esra 2:5

Ara buɗub uɗippig, ahilag ebqak am 775.

Nehemaia 3:30

Nug heumppanu amu, Selemia bekka Hanania, Salap bekka Hanun ele, aa tuɗidya, aɗ laih laa ele amu eɗuya bappaidpiɗ. Hanunnu amu, nug awakkud tanig ele tatam doeg, nug doum. Aria amuppanu ukkak amu, Berekia bekka Mesulam nug aɗnu laih amu eɗua babaittom. Aɗnu laih amuam nug dayom guguittak dayom.

Nehemaia 3:4

Uraia bekka Meremot, nug Hakos alag, amu nug aɗ Kakai Od amuppanu nug laih eɗua babaittom. Nug heumppanu amu, Berekia bekka Mesulam, nug Mesesabel alag, nug tuɗitta, aɗ laih amu eɗua babaitte, nug heum, amuppanu Bana bekka Sadok nug tuɗitta babaittom.

Nehemaia 6:17

Keeke laa amu, haen amuppa Juda dilag anuqak danab laala ag pas kuɗum Tobianu maatteg ukkaeg, Tobia nug ele hanhan pas amunu nob maatte uɗippig.

Nehemaia 6:19

Juda dilag anuqak danab ag Tobia ele anam heegeg ukke, Juda danab amu ag hanhan, “Tobia nug ena inam heum,” o “Nug ena anam heum,” aegeg doomi. Ag da amelppa anam aegeg dooiyi, ag eɗun, da aɗi aɗi ami amu, ag nai amu doon, eɗun, Tobia amegppa aeg doyom. Ag anam heegeg, Tobia nug heeb baɗakkulnu pas maatte, dahilppa uɗippig.

Nehemaia 7:10

Ara buɗub uɗippig, ahilag ebqak am 652.