Nehemaia 6:13 - Nobonob Baibel

¹³ Tobia, Sanbalat ele aa Semaia heeb, da baɗen, nuhig nai dim lamitten, oole lokkumak dayeye, aakku hipunin anam heppilob, Sanbalat, Tobia ele aa dahilnu laa amelagppa nai nau apeɗ, laa ag dahilnu eheɗ dooglagnu, aa men doɗo medapiɗ.

Nehemaia 6:13 ပူးပေါင်းရင်းမြစ်များ

Nehemaia 6:12

Amu da dabmei ukke, da aakku doomi, Kayak Nug nai amu Semaia ii mettom. Iitta. Tobia, Sanbalat ele aa heyaya, men doɗo medapiɗ amunu, nug nai amu mattiom doomi.

Nehemaia 6:6

Pas amuppa nai inam dayom. “Wanppan wan laalappan danab ag akka akka, ag Juda, ag hettebnu nai mattinna laala dootteb. Ag maditteb amu, Gesem nug nai amunu, ‘Am nai genab,’ awa atte. Ag maditteb am inam. ‘Nehemaia nug Juda laa ele ag Persia dilag king tappeb neeb, nug waappa ii daamnanu wagai mekkulagnu dabmetteb amunu, ag Jerusalemnu aɗ eɗun hetteb,’ atteb. Amu aakkuib ii maditteb. Iitta! Ag, ‘Nehemaia nug Juda dilag king daakkunu dabmaama,

Prowerb 22:1

Danab nug en kuɗum aotte am nau iitta me, aun laa ag nuhignu, “Nug am danab onig ena ele,” atteb, nuhignu am enanag. Ao, danab nug silwa, o gol aotte am nau iitta me, danab aun laa ag nuhignu, “Nug am danab binag ena ele,” atteb, nuhignu am enanag.

Prowerb 29:5

Aun nug mudippan laippu oo eeɗaknu ittag nai maditte; nug nukka nuhignu pelem mette.

Eklisiastis 7:1

Danab nug onig ena ele daatte, amuam enub okkai aɗak eɗidtte; danab anam amu, mauhaknu deɗ nuhig am nuhig menuak deɗ eɗidtte.

Aisaia 51:7

Ag danab ah dahilad, ag kobol tutukku dootteb, ag dahil ɗo ag oolagppa daatte amu, ag dahil nai doyeg! Ag danab dilag nai haknu aib baɗappig. Ao, ag awa awa qettak nai naunab ahilagnu atteb amu, ag amunu baɗak eheɗ nau aib dooppig.

Aisaia 57:11

Amu ag auntai laa eheɗ baɗidppig amunu, ag da dimeɗan, dahilnu daulag atie, ag dahilnu dabmak ele ii aoppig? Ag eheɗ heegeg, haen elabnab uɗie, da bu ag paha ii mattami amunutai, ag bu mettak dahilnu ag ii baɗatteb?

Jeremaia 1:17

Amunu, Jeremaia, na meut oh dahil uɗat hekkutnu babaitte! Da na aɗi ag amelagppa appenab dooglagnu ippunadppi, na amu aakku a! Na ahilagnu aib eheɗ nau baɗame. Na amu dilag eheɗ nau baɗakkut dayeb amu, da heppi, na ag noolagppa daanna, na eheɗ nau baɗakkut.

Jeremaia 18:18

Amu danab laa ag appig. “⌊Jeremaia atte am genab iitta.⌋ Mana mettak danab ag Yawenu ɗo ippunigtteb amu, kobol amu ii iitta mema. Danab doyak dabmak ena ele ag ulum nai ena megatteb amu, amu ele ii iitta mema. Propet danab ag Yawenu nai mehuqeg doottem amu, kobol amu ele anamib daakku, ii iitta mema amunu, ahappeg, ig hepput, Jeremaia hettoɗiakppa dayaya nauhaɗ! Ig amu hepput, nuhig nai ig daunigppa baula ii daama,” aon appig.

Jeremaia 20:10

Danab ah ag dahilnu otiptip-ppa mattiegeg doomi. Ag atteb. “⌊Nug ig padal mekkunignu, nug amuib maditte.⌋ Nug mattieye, nai amu he, danab ah oh ag eheɗ nau baɗatteb amunu, ig okkai danab amelagppa nai nug atte amu amelagppa apput, ag nug aɗaglag,” aon atteb. Ag anam aegeg, da lailad, ⌊ag oɗelagppaib da lailad daatteb amu,⌋ ag ele da nein qekkulnu oolag daatte. Ag anam henana, amu ag atteb. “Aria, ig hepput, nug kobol eheɗ laa heeb, ig nug eɗidta, ⌊nug nai eheɗ atte amu, ig⌋ amunu nob nau laa mettagnig,” aon atteb.

Esekiel 2:6

Amu danab bekka, nahipnu amu, na ahilagnu aib baɗame. Ahilag nainu ele aib baɗame. Danab nug aben laappa, appa uud keeke qaun ele, nug amu ooppa dayaya, laih ukkeb, qaun yaama, o laih ukkeb, qaun yaamanu baɗatte, o danab nug apiap oittebppa daatte, nug laa beɗu aɗamanu baɗatte amu, na amubia daakkut, amge diig amunu na aib baɗame. Israel danab ah ag aɗi nai nahipnu mattiglag amu, na nai amunu aib baɗame. Ag attem heidkkulagnu hekkulag amu, na ahilagnu baɗak eheɗ nau aib doome. Aɗinu? Ag am nai tappe nak danab ah daatteb, ⌊amge da na atognoidkkul⌋.

Matyu 10:28

Laa ag beɗulag aakkuib qekkulagnu elele, ag dottolag qekkulagnu elele iitta amu, ag amu dilag aib baɗappig. Iitta. Laa nug beɗulag, dottolag ele oh heeb, padal mak abenppa padal mekkulahnu elele amu, ag nuhignu baɗeg!

Matyu 22:15

Jesus Nug nai amu mattia male, ɗo gumak danab-Parasia ag ahan, laih gona, ag attem heppeg, Jesus Nug nai eheɗ laa ab, ib anidna heppeg, ɗo danab Nug aɗaglagnu nai madippig.

Matyu 26:59

Pita nug appa dayeye amu, lag ooppa mana mettak danab okkai amu Juda dilag hettoɗiak okkai onig Sanhidren, amunu danab ele, ag oh Jesus qeppeg mauhkkunu nai hambuppuak laa nuhigppa yaaglagnu madippig, amge ag laa ii anidppig.

Aposel 6:13

ag qagmak amuppa heeg, aɗi heehe anttomnu mattiak danab hambuppuak laala ag ahan, Stivennu nai hambuppuak inam aon appig. “Danab imu nug hanhan Kayaknu lag imu, ɗo nai elenu nai eheɗ maditte.

2 Korint 11:12

Amge danab laala, ag akka onilagib humaglagnu oolag daatte amunu, ag danab amelagppaib mattin, kobol da hettem bianab ag hettebnu atteb, amge kobol amunu gaɗaib hetteb ele amu, da ahilag ib amu oo nekkulnu iikku uɗat heinne, da uɗat hettem bia anamib baubau hekkul.

1 Timoti 5:14

Amunu ah bau qak mak dilag ulum mettak nai dahil am ah bau anam amu, ag danab bau aona, nid menunna, ag laulag atognokkulagnu ɗo mettem. Ag anam heppeg amu kekeɗ laa ag ihinignu nai nau mattiglagnu ib laa ii anidmana.

2 Timoti 1:7

Kayak Nug ig Jesusnu oonigppa genab doottem ele, Nug nuhig Ouɗi ig mekkom, amu nuhig Ouɗi Nug danab nug baɗa nukka nuhignuib dabmak aotte, Nug dabmak amu ig ii mekkom. Iitta. Nug ig ɠagattag daagnignu, ig oo mauhak doognignu, amu ig dabmak pehettak awaknu ehah ele aognignu, Nug dabmak amu oh ig mekkom.

Jems 4:17

Amunu danab laa nug kobol ena hekkunu dootte, amge nug ii hette, nug aakku hipunin hette.

Revelesen 21:8

Amge laa ag baɗanna, akka ahilagnu dabmena hak kobol dim lamidna, laa ag oolagppa genab doyak iitta, laa ag kobol nau uɗig wak hetteb ele, laa ag danab aqaeg mauhtteb, laa ag gappai kobol hetteb, laa ag baɗ mak danab, laa ag dup noa kayak hambuppuak binag mak danab, amu nai hambuppuak danab oh ele, amu oh aab ameg kalu laa huana eotte onig salpa eotteppa, ag amuppa aben aoglag. Amuam mauhak ebqak 2 aakku,” awa aum.