Nehemaia 6:10 - Nobonob Baibel

¹⁰ Amu deɗ laa da Delaia bekka Semaia laugppa gomi. Semaia alag am Mehetabel. Semaia nug nug laugppanu aha, laih gokkunu elele iitta dayeye, da gomi. Da ukken, nug anitti, nug da amelppa aum. “Danab ag na nittaglagnu dabmena uɗitteb. Ag tuqan uɗin, nidappeg mauhkkut amunu, da na ele i oh, i iya iya i goɗa, Kayak laug, am Kayaknu mettid lag amu, i lag amuppa goɗa, ooppa nug uɗa tewoɗa, od manoɗa daagnih,” awa aum.

Nehemaia 6:10 ပူးပေါင်းရင်းမြစ်များ

Genesis 36:39

Akbor bekka Balhanan mauhe, Hadat nug abenabppa king ba dayom. Nuhig aab okkai am Pau. Hadat wau am Mehetabel. Mehetabel nug am Matret aɗeg, Matret nug am Mesahap aɗeg.

1 King 6:5

Amu Solomon nug Yawenu mettid lag, heqo laih laih, amu bitobppa ele, nug amuppa lag laa bia tuɗitta heum. Lag amu ooppa, oo anen anen laa ag wanppa daappig. Amu oo anen anen laa, ag wanppanu oo daappig, amu qaɗelagppa daappig. Aria, oo anen anen laa ag gamagppanu oo qaɗelagppa daappig. Wanppanu digma ukka gamagppan oo daattebppan taknu am 2 mita maha ele. Aria, gamagppan oo daatteb, appanu digma, oo attan daattebppa, appa taknu am ele 2 mita maha ele.

2 King 11:3

Jehoseba nug Joas maɗ eblaih laippu ele Yawenu mettid lag ooppa, gumak ah nuhig ele lokkume dayom. Dayeye, haen amu Atalia nug Juda dilag kuin dayom.

2 King 9:8

Ahap baekkudppan oh am mauhadkkulag. Da heppi, Ahapnu huuppan nid danab bau ukka danab kaino ele Israel oolagppa beppig daatteb amu, laa begbeg maɗi nidte, o begbeg maɗi nid iittate, ag oh iitta mekkulag.

2 Stori 28:24

Ahas nug amu ha, nug ele Yawenu mettid lagppan keeke, mana mettak danab ag amuppa uɗat heppig, nug keeke amu oh awa he, ⌊Yawenu neekkakppa⌋ nauhak daappig. Ahas nug amu ha, nug Yawenu mettid lagnu od oh mana, nug Jerusalem ooppa ib oɗatle ohppa kayak hambuppuak noobppa dup noa binag maknu qaɗab babaittom.

2 Stori 29:3

Amu Hesekaia nug king ba daya, maɗ amuppa kalam digmakppa nug Yawenu mettid lagnu od aakku matula babaittom.

2 Stori 29:7

Ag oo laa, veranda bia, Yawenu mettid lag odppa daatte amu, ag lag amunu od manatteg, daye, ag lam ele qauhppig. Ag Israel dilag Kayaknu mettid lag appa, ag kalu danab ile muttuɗig enanag bette, manaknu ofa ele ag appa amu aon, Kayak gumidna wana, Nug ii medappig.

Esra 10:31

Harim buɗubppanu am Elieser, Isiya, Malkiya, Semaia, Simeon,

Esra 8:16

Da amu anidmi amunu, da Elieser, Ariel, Semaia, Elnatan, Jarib, Elnatan, Natan, Sekaraia amu Mesulam ele onilagppa emi. Ag oh am ikki danab. Amu da Joiarip, Elnatan ele aa onilahppa emi. Danab aɗit amu aa doyak danab daapiɗ.

Nehemaia 6:12

Amu da dabmei ukke, da aakku doomi, Kayak Nug nai amu Semaia ii mettom. Iitta. Tobia, Sanbalat ele aa heyaya, men doɗo medapiɗ amunu, nug nai amu mattiom doomi.

Sam 12:2

Am danab ah oh ag lailkad mudippan ele ag nug bubuittak hetteb. Ao, ag nug amegppa mattiak hetteb, amge ag oo eeɗaknu ittag nai maditteb.

Sam 37:12

Nau hak danab ag am genab tutukku hak danab ah hadappeg nauhkkulagnu ib digdignu maidtteb. Ao, nau hak danab ag genab tutukku hak danab ah dilagnu aelkad emalna daatteb.

Prowerb 11:9

Danab Kayaknu, nuhig haknu ele uuak dootte amu, nug oɗeppan nai mattiak am mudippan laa he nauhtte; amge genab tutukku hak danab amu, nuhig doyak ena ehanitte, nug qagaiettakppa ii daatte.

Jeremaia 36:5

Nug anam mattia male, Baruk nug nai amu oh ya male, Jeremaia nug amegppa aum. “Danab okkai ag da Yawenu mettid lakka gokkulnu aib aeg, da appa gokkulnu elele iitta

Esekiel 3:24

Da anam daaiyi, Ouɗi dahilppa uɗia, oolppa noa he, da ahami. Da ahai, Nug da amelppa aum. “Na ahan gona, na laut ooppa nona, na od manona aguppa daye!

Malakai 1:10

Yawe Nukka Ɠagattag Oh Ele Nug atte. “Da laa nug ag mana mettak danab oolagppanu, nug ag mana mettak ena iitta amu ii manadmananu, nug dahil mettid lag, nuhig tomppan keeke oh elenu od manadkkunu ool okkai daatte! Da ahilagnu ena ii doottem. Da ahilag mana mettak amu, da ii aopa.

Matyu 7:15

Ag propet hambuppuak dilag dabmeig! Propet hambuppuak ag, ‘Da Kayak ippu ippunadttem,’ aon atteb, amge amuam nai hambuppuak. Propet hambuppuak ag wulp sipsip emala lakkunu, sipsip gaɗa awa ma, sipsip oolagppa oitte, ag amubia oitteb.

Jon 3:20

Anam amu, danab oh ag hak nauppa daatteb amu, ag amahlaknu nau ninig ele dootteb. Ahilag hak nau miag atimanu amu, ag amahlakppa daaglagnu oolag ii daatte.

Aposel 21:30

Ag anam heeg, Jerusalem oh ottaina, ahan uɗin qagmeeg, ag ahan Pol aɗan eeɗna aon Kayaknu mettid lag dimittim gonana, ag aɗnu od oh manadppig.