Nehemaia 5:9 - Nobonob Baibel

⁹ Ag anam oɗelag qamutna, nai iitta daaegeg, da tuɗitten ami. “Ag hetteb ele amu, ag amuppa kobol genab tutukku ii hetteb. Ag ihinig kekeɗ, ag am iitta aɗi amu, ag anigna, aon aon iqaglagnu ib laa ii anidmananu, ag Kayaknu ebehilag oh bodoetta le meeb, oɗe dim lamidlob am ena.

Nehemaia 5:9 ပူးပေါင်းရင်းမြစ်များ

Genesis 20:11

Nug anam a amu, Abraham nug Abimelek oɗeppa awa aum. “Da dakka da nai inam oolppa mattimi. ‘Aben imuppanu danab ag Kayaknu ebehilag oh bodoetta le mak ii dootteb amunu, ag Sarah aoglagnu hena, da iuppeg mauhkkul.’

Genesis 42:18

Amu deɗ ewamppa Josep amelagppa aum. “Da Kayaknu ebehil oh bodoetta le mette amunu, ag inam hena, ag bau, ena daaglag.

2 Samuel 12:14

amge na Yawe, nuhignu ena iinab doon hee, kekeɗ nuhig ag nuhignu, ‘Keeke hamunab,’ dootteb amunu, nid danab nahip kobol imuppanu amu, nug mauhkku. Nug bau ii daama,” awa aum.

Nehemaia 4:4

Aa anam apiɗ, amge da, Nehemaia, da Kayak unuqitten, inam ami. “O Kayak, danab imu, aa lailti ele ag ihinignu ena iinab dootteb amunu, na ihinig unuqittak dookkutnu oɗ medattem. Na heppe, awa awa qettak naunab aa madittep amu, nai amu eɗua, ahilahppa gokkunu unuqidttem. Na heppe, kekeɗ ag wana, danab amu eɗadna, ag aa, amu aa lailti ele eppelkad hippaladna diin, wan laappa gokkulagnu oɗ medattem.

Nehemaia 5:10

Da, da awalad amalad ele, danab da ehaniɗtteb ele amu, ig oh ele daɗek amu ehanadtata, men doɗo, ee aeg ele lon madattem. Amge aun nug daɗek ag eɗun lonnu keeke mettaglagnu elele iitta daatteb haenppa, nug ahilkad keeke lonnu onig awak daatte, nug keeke amu baula aib awom!

Nehemaia 5:15

Juda dilag gawana tatam daappig, da ahilag okkai ii bemi haenppa amu, okkai amu ag Juda danab ah uug okkai madappig. Ag deɗ anen anen 500 gram silwa, ee digdig, wain ele mattaglagnu aeg madappig. Okkai amu dilag ehanittak anuqak ele ag eheɗ heegeg, Juda danab ah ag ahilkad maɗi nid bia daappig. Laa da okkai ii daami haenppa okkai daappig amu, ag anam heppig, amge da Kayaknu ebehil oh bodoetta le meum amunu, da anam ii hemi.

Sam 90:11

O Naɗi, aun nug nahip oo nauhaknu ɠagattag doyeb oo maidkku? Danab ag nahip oppoɗi bak pehettak anidna dootteb ele amu, ag pehettak nahipnu ebehilag oh bodoetta le mette.

Prowerb 16:29

Danab nug laa guittak nau mauhnoak medakkunu tiigppa daatte amu, nug mudippan laippu eeɗtte; nug eeɗa omale, layag aakku ib ena iittappa gotte.

Prowerb 17:26

Danab laa kobol eheɗ laa ii heum amu, ag nug eheɗ heum bia nob nau mettaglag dayeb, amuam kobol nau. Laa amu, danab okkai, ag dabmak oiyak ele tutukkuib dayaknu kobol hetteb amu, ag ag muɗippa mataɗakppa guittak okkai mettaglag dayeb, kobol amu ele am kobol nau.

Prowerb 18:5

Hettoɗiakppa, epeɗiak danab nug nau hak danab dilag ena doya diig iittappa ehanadkku, amuam kobol nau; ele amu, hettoɗiakppa epeɗiak danab nug danab eheɗ laa ii heum, nug nuhig nai bappaidkkunu nug nai doya mala hettoɗia epeɗia elele mettak kobol ii dim lamidkku dayeb amu, amu ele am kobol nau.

Prowerb 19:2

Doyak ena iitta eleppa keeke laa haknu yag-nab-bak doyak am ena iitta; o iitta, dab-ii-menana, keeke paha henana, ib apiɗittak, amu ele ena iitta.

Prowerb 24:23

Nai imu ele am danab ag doyak dabmak ena ele, ahilag nai laa. Hettoɗiakppa, laanu diig iittappa ena doya, laanu diig iittappa eheɗ doyak kobol dim lamittaknu amuam ena iitta.

Esekiel 36:20

Ag wanppan wan laalappa gona daaegeg, appan danab ah ag anadna, ‘Imuam Yawenu danab ah, amge kekeɗ ag eɗadna hena, ⌊Yawe ehanadkkunu elele iitta amunu,⌋ kekeɗ ag diin, wan laalappa, Yawenu wan iittappa, maatteg daatteb,’ appig amunu, amuppa Israel ag heeg, da onil oppiaawak ele laa dilag neekkakppa hamu bia dayom, gemu ele daatte.

Lewitikas 25:36

Na laa lon mettana, na lonnu intres aib aome. Iitta! Na Kayaknu ebehin oh bodoetta le maɗ! Na anam heppe, na layap, Israel ted, nug na, amu nahipad danab ah ele oolagppa daakkunu elele dayeb daaglag.

Aposel 9:31

Aria, amu dimppa amu, laih Juda appa, Galili appa amu Samaria ele, aben amu ohppa haen amuppa Kristen tamaniakppa maɗoɗ dayom. Kayak Ouɗi danab ah amu ehanatta ag oolag ɠagattag qe, ag Naɗinu ebehilag oh bodoetta le meeme, danab ah kuɗum ag Kristen tamaniak ooppa noppig.

Rom 2:24

Kayak naippa yaak daatte amubia ag hetteb. Nai am inam. “Ag Juda, ag beɗulagppa iitta aɗi danab ag Kayak, ag nuhignu dabittak nai maditteb.”

1 Timoti 5:14

Amunu ah bau qak mak dilag ulum mettak nai dahil am ah bau anam amu, ag danab bau aona, nid menunna, ag laulag atognokkulagnu ɗo mettem. Ag anam heppeg amu kekeɗ laa ag ihinignu nai nau mattiglagnu ib laa ii anidmana.

Taitus 2:5

ag akka ag oiyak pehettak atognoak kobol dim lamidna, ag oppiak daaglagnu, ag laulag atognona dabmettanna bappaidkkulagnu, ag kobol ena hekkulagnu, ag gamulkad waalagppa daaglagnu appe doyeg! Diig aɗinu ag anam oiglag. Amunu diig am dimittim danab ag Kayak nainu nai nau ii mattimnanu, ag anam oiglag.

1 Pita 2:12

Amu ag danab laa Kayak baekkudppa ii daatteb ele amu, ag ag oolagppa daanna, kobol ena tutukkuib heig! Ag anam hebeppeg, danab amu ag ahilagnu nai nau akkulagtai, ge ag ahilag kobol ena amu anidna, haen Naɗi Nug ig danab ig ehanigkkunu uɗikku amu, ag ele Nug binag mekkulag.

1 Samuel 2:24

O da bekkalaɗ, aa hettep am nau. Aa nau am aib hepiɗ. Genab, nai ag aeg doomi, Yawenu danab ah oh ele dootteb amu, nai amuam ena iitta.