Nehemaia 5:8 - Nobonob Baibel

⁸ da anuqak danab, Juda dilag ehanittak anuqak danab ele amelagppa ami. “Ig lainkad laa, ag am Juda danab ah, ag daɗeknab daaeg, laa heeg, iitta aɗi laa ag ahilkad maɗi nid daaglagnu daden maadppig amu, ig ahilagppan eɗut diignignu ahilkad okkai men doɗo mattaut heeg, ig maɗi nid maɗi ah ele amu ag aɗualadppig ele laala aakku eɗut diimut. Ig men doɗo amu haknu elele aɗat anidmut amu, ig anam hemut. Amge ag anuqak danab, ag Juda dilag ehanittak anuqak danab okkai ele, ag eheɗ henana, ag ig uɗat okkai amu eɗuta hekkunignu hetteb. Ag heeg, maɗi nid daaglagnu gotteb, ig laa men doɗo epput, ag eɗun uɗiglagnu daatte,” awe ami. Da nai amuppa yaalatti, ag oɗelag qamutna daappig. Ag nai laa iitta.

Nehemaia 5:8 ပူးပေါင်းရင်းမြစ်များ

Nehemaia 5:9

Ag anam oɗelag qamutna, nai iitta daaegeg, da tuɗitten ami. “Ag hetteb ele amu, ag amuppa kobol genab tutukku ii hetteb. Ag ihinig kekeɗ, ag am iitta aɗi amu, ag anigna, aon aon iqaglagnu ib laa ii anidmananu, ag Kayaknu ebehilag oh bodoetta le meeb, oɗe dim lamidlob am ena.

Job 29:10

Anuqak danab ag nai mattiak uuppig; ag lemaɗulag ɠagattag eppom.

Job 32:15

Elihu nug anam ana, ⌊danab nukka daya, nukka nukka ele nai maditte bia,⌋ Elihu nug nai imu tuɗitta aum. “Job laikkud ewam ag nai mattieg ukke ukke, elele iitta doon, oo uug nau qak doon, ag oɗelag qamutppig; ag nai laa iitta.

Eksodas 21:16

Am danab laa nug danab laa lokkumakppa aɗa, nug begbeg maɗi nid daakkunu meeb, laa nug nuhig begbeg maɗi nid daakkunu daden mekku anidna amu, aria ag danab nug laa aɗom ele, ag nug qeppeg mauhaɗ! O nug danab amu lokkumakppa aɗa, laa nug nuhig begbeg maɗi nid daakkunu daden mekkunu dabmette, amge nug amu ii ha malom, nug danab amu aakku aɗa daatte dayeb anidna amu, ag nug layag aɗom ele qeppeg mauhaɗ!

Matyu 22:12

King nug danab amu antta amu, nug amegppa aum. ‘Lai, attemun na ewau matulaknu hobulnu lamen ⌊mettami amu⌋ ii mena, lag imu ooppa neme?’ Nug anam a amu, danab amu nug nai iitta, toetta dayom.

Matyu 25:15

Laa amu nug men doɗo onig talent tanig ele eppegppa meum, laa talent aɗit, laa talent laippu meum. Ag uɗat hekkulagnu eleleppa mattowa, nug ukkom.

Matyu 25:29

Aɗinu? Danab nug Kayaknu keeke awa, uɗat pehettak medatte amu, Kayak Nug amu laa ele medakku. Metteb, nug happiak ele daakku, amge danab nug Kayaknu keeke awa, uɗat pehettak ii medatte amu, Kayak nug nuhig keeke awom amu eɗua aɗidkku.

Rom 14:15

Aria, laa nug keeke laa lakkunu eheɗ dootte dayeb, amge na ee amu lattem amu, kobol nahip amuppa na heppe, na layap nug ooppa guittak dookku, na amunu dookkut, kobol amuppa na layapnu oot ii mauhtte. Amu Kristus Nug na layap amu eɗua aokkunu mauhom amunu, na nahip ee lanak kobolppa nuhig ooppa genab doyak aib heppe nauhom.

Rom 3:19

Anam amu, danab laippu laa nug, “Da am genab tutukku hak danab,” akkunu elele iittanab daakkunu, danab oh wan atu ohppanu ag Kayaknu epeɗiak waappa daaglagnu, ig ɗo nai nug aɗi atte amu, nug danab oh dilagnu atte doottem.

1 Korint 8:11

Na anam hekkut amu doyak nahip am danab laa, nug Kristusnu ooppa genab dootte amge ɠagattag iitta, Kristus nug danab amu eɗua aokkunu mauhom ele amu, nahip doyak he, ib eheɗppa gotte.

2 Korint 8:12

Danab nug layag ehanitta, keeke medatte, nug ele kobol amunu oo huan daatte dayeb, Kayak kobol amunu elele ena dootte. Kayak Nug danab nug nuhig keeke aɗi aɗi ele, amu ohnu aakku dabmaama, danab amunu kobol amu hettoɗidtte. Danab nug keeke nakokib amge nug laa ehanadkkunu nuhig keekeppanu nakok madatte amu, Kayak noobppa am danab keeke kuɗum ele am nug laa ehanadkkunu nuhig keekeppanu keeke kuɗum madatte bia daatte.

Galesia 6:10

Amunu ig hanhan danab oh ehanadkkunignu ib anidta, ig ehanadtu! Amu ig Naɗinu ooppa genab doyak lainkad dilagppa kobol amubia hekkunignu dabmak aot autta aognig.

Duteronomi 24:7

Amu laa nug Israel ted laa aɗa awa, nug nuhig begbeg maɗi nid bia hedakku dayeb, o nug heeb, laa daden mekkulag dayeb amu, danab amu heum ele nug mauhkkuoitte. Kobol nau ag oolagppa daamanu, ag heppeg, aib dayom!