Nehemaia 5:7 - Nobonob Baibel

⁷ Da ool huana nauhe, da dabmei ukke, da anuqak danab, Juda dilag ehanittak anuqak danab ele amelagppa naippa yaalatten, da ami. “Ag eheɗ hetteb. Ag laa imu, ag oh tiilag laippu, amu ag lon mattanna, ag eɗun men doɗo amuib mattaglagnu ii atteb. Iitta! Ag lon gane madappig amu, ag amu eɗun mattanna, lonnu intres, ag amu ele mattaglagnu atteb.” Da anam ag amelagppa ami. Da anam awoya, da uug amu ib atten anidta bappaidkkunignu danab kuɗum onilagppa ei uɗieg,

Nehemaia 5:7 ပူးပေါင်းရင်းမြစ်များ

Sam 109:11

Na men doɗo lon hak danab uuadppeg, ag keeke oh nug aɗatte ele aɗidkkulagnu oɗ medattem. Na heppe, danab laa, ag aab diig iitta, ag nug aɗi keeke ele, ag amu oh yab aoglagnu unuqidttem.

Sam 15:1

O Yawe, aun nug nahip mettid lagppa na noomppa dup noa binan mekkunu elele? Ao, aun nug qauko nahip, qauko amuam nahipnu tituanak daatte, aun nug amuppa na gumitta wakkunu elele?

Sam 15:5

ag men doɗo lon hetteb, amge ag eɗua awaknu tuɗidna okkai awak kobol uutteb, ag hettoɗiakppa, o adekkuppa laa beɗulagppa aab iitta ele eheɗ aoglagnu, ag lokkumakppa eheɗ hekkulagnu ehanittak ii aotteb. ⌊Danab ah ag amu hetteb ele amu, ag na lautppa, nahip qaukoppa wakkulagnu elele.⌋ Am danab ah ag kobol ena amu hetteb, ag kobol nau amu ii hetteb ele amu, ag hanhan ɠagattag daaglag.

Sam 27:8

O Yawe, da ool unuqagppanab, na amuppa na dahilnu, “Na da aniɗna dim lamiɗkkutnu, da mattiɗe!” ame amunu, O Yawe, da na anitten dim lamidkkulnu mattidkkul.

Sam 4:4

Na Yawenu ebehin oh bodoetta le meeb, na aib hipunin heme. Ao, na niiak abenppa toettan niinna, na amu oh dabmette! Sila.

Sam 94:16

Aun nug da ehaniɗe, da nau hak danab ele ban hettem? Ao, aun da ele nau hak danab hatteb nauhaknu ehanittak dahil daatte?

Eksodas 22:24

Ag anam heppeg, da doyen, da ool nauheb heppi, kekeɗ ag uɗin, ag eheɗ amu hetteb ele, ag ag aqappeg mauhppeg, ah ahilkad ag am danab iitta hamu daappeg, nid naunau ahilkad amu, ag mamelkad iitta daaglag.

Eksodas 22:25

Danab o ah dahil laa ag oolagppan nug keekenu tutu mak dayaya, ahilagppanu lon aweb amu, ag danab nug bisnis uɗat ha, lonnu intres aotte amu, ag nug hette bia aib heppig. Iitta. Ag intres laa aib aoppig.

Prowerb 27:5

Laa nug genab eheɗ heum haenppa, nug layag am laa noolagppa daug batakku, amuam nau iitta, am ena; amge laa nug laanu oo mauhak dootte, amge nug amu lokkuma ii ippunidtte, amuam nau.

Prowerb 28:4

Laa ag Kayaknu ɗo dim lamittaknu uutteb, ag nau hak danab onilag okkai madatteb; amge aun aɗi ag Kayaknu ɗo dabmettan dim lamidtteb ele, ag nau hak danab eheɗ hemanu wagai metteb.

Esekiel 22:12

Ag Jerusalem danab ah, ag oolagppan laa ag laa men doɗo mattaeg, ag laa aqaeg mauhtteb. Ag Jerusalem danab ah, ag lailkad lon mattan, ag lonnu intres digdig aotteb. Ge, ag gane medappig, amu eɗittak laa eɗun aotteb. Ag Jerusalem danab ah, ag mudippan laippu ele keeke lokkumakppa awaknu duttuna hak kobolppa ag eppelagppanu men doɗo keeke aotteb; amuppa ag keeke ii aolob aotteb. Ge, ag Jerusalem danab ah, ag dahilnu daulag atiom oitteb.’ ” Naɗi Yawe Nug anam atte.

Esekiel 45:9

Amu Naɗi Yawe Nug inam atte. “Ag Israel dilag okkai, ag ahilag hak eheɗ am malak. Ag laa guittak nau mauhnoak mettak kobol, danab eheɗ hattak kobol ele uuna, ag nai doya mala hettoɗia epeɗia elele mettak kobol, genab tutukku hak kobol ele heig! Ag hambuppuak kobolppa dahilad danab ah dilag wan baula aib aoppig.” Naɗi Yawe Nug anam aakku atte.

Lewitikas 19:15

Na nai doya mala hettoɗia epeɗia elele mettak kobol dim lamitte! Aib apiɗidme! Na laa nug daɗekte, o iitta nug enub elete amu, na amu aib dabmeme. Iitta. Na Kayak noobppa kaliak laa iitta eleppa na laipad dilag nai doya mala hettoɗia epeɗia elele mettak kobol dim lamidkkutoitte.

Lewitikas 25:36

Na laa lon mettana, na lonnu intres aib aome. Iitta! Na Kayaknu ebehin oh bodoetta le maɗ! Na anam heppe, na layap, Israel ted, nug na, amu nahipad danab ah ele oolagppa daakkunu elele dayeb daaglag.

Matyu 18:17

Aria ag nai madippeg, nug amu dilag nai ele doyak uueb amu, na Kayaknu tamaniak amelagppa akkut. Appe, amu ele nug ii doyeb amu, na nuhignu, nug am Kayaknu tamaniak ooppa ii daatte, nug am dimittim danab, anam doye!

2 Korint 5:16

Anam amunu gemu amu, ig oo alagppan kobolppa baula danab laa ib amuppa ii epeɗittem. Genab, anukka ig oo alagppan kobolppa Kristus epeɗimut, amge gemu ig anam ii hettem.

Galesia 2:11

Ig anam hemut, amge Pita nug Antiok uɗie, da nug noobppa nug eheɗ heumnu ai doyom. Aɗinu? Nug eheɗ imu heum.

1 Timoti 5:20

Am danab laa hipunin haaha daakku amu, na danab ah noolagppa daug batan, tutukku mette! Amuppa amu danab laala oh ele baɗan, hipunin ii hemana.

Taitus 2:15

Na nai amu haen oh danab ah ippunadkkut. Na hekkutnu ehah aome daattemppa, na danab ah oolag ɠagattag qettan, ag daulag ele batakkut. Nahip hakppanu, nahip oiyakppanu ele laa nug nahipnu ena iinab doomanu, na enaib oiye!