Nehemaia 5:4 - Nobonob Baibel

⁴ Laa amu ag anam appig, amge laa ag inam appig. “King nug wan ihinkadnu takis mekkunignu, nug ihinkad grep dadnu ele takis mekkunignu aum amunu, ig men doɗo amu aot mettagnignu, ig Juda dilag okkainu lon aot medattem,” aon appig.

Nehemaia 5:4 ပူးပေါင်းရင်းမြစ်များ

1 King 9:21

Am anukka Israel ag danab ameg amu heeg, ag Yawenuib nuhig pelemppa daappig, amge ag ohnab heppeg, Yawenuib nuhig pelemppa daaglagnu elele iitta daan, ohnab heeg, Yawenuib, pelemppa ii daappig; aakku gemu laa amu, ag buɗulkad aakku tuɗidna, Israel wanppa daappig. Ag aakku daappig amu, Solomon nug danab amu diia he, ag begbeg maɗi nid daan, nuhig uɗat heppig. Ag anam heeg uɗie, gemu ⌊nai imu yaak haenppa⌋ ele, danab amu ag maɗi nid daan, uɗat aakku hetteb.

Esra 4:13

Ig doottem, ag aab imu bappaidna, aabnu aɗ ele bappaidkkulag dayeb, danab amu ag hib guitta hena, ag nahip takis, en takis bia mettak ele ii mettamna amunu, na men doɗo gemu aottem bia tuɗidna ii aomna. Nahip men doɗo awak am honap nekku. Ig amu doottem amunu, na king, na ele imu dookkutnu daattem.

Esra 4:20

Haen laala king ɠagattag, okkai ele ag Jerusalem appa king daanna, ag le Yupretis heqo laihnu wan oh guman, ag takis, amu en takis bia mettak ele danab eppelagppanu aakku aodppig

Esra 7:24

Laa ele amu, ag le Yupretis heqo laihnu gumak danab ag doyeg! Ag heppeg, Juda dilag Lewi buɗubppan mana mettak danab, Lewi buɗubppan mana mettak danab iitta, ahiettak danab ah, od gumak danab, Kayak laugppan maɗi nid ele amu, ag heppeg, danab ah amu ag takis, am en takis bia ele ag ii mattamna. Ag am ahilag takis ag mattaglagnu akkulagnu elele iitta.

Nehemaia 5:3

Laa amu ag anam aegeg, laa ag appig. “Gemu am ee kuɗum iitta amunu, ig lon aot, ee daden mekkunignu, ig ihinkad wan, ihinkad lag, ihinkad grep dad ele keeke lonnu onig awak daaglagnu mettem,” aon appig.

Nehemaia 9:37

Ig hipunin hemut amunu, king laa ig gumigkkulagnu na maadme amu, ag wan imuppan ee wak okkai, ag aotteb. Ag ig gumignana, ihinigppa, ihinkad doɗ manan ele amu, ag aɗi aɗi hekkulagnu oo hak ahilag dim lamidna hetteb. Uug okkainab tonikke, ig nauhmut daattem.” ⌊Esra⌋ anam unuqittom.

Prowerb 22:7

Enub danab ag heeg, daɗek danab ag ahilag nai dim lamitteb; danab nug laa eppegppan lon aotte, nug danab amunu maɗi nid daatte.

Josua 16:10

Josua, nuhig ehanittak ele, ag wan amu Epraim madappig, amge Epraim ag Kanan danab Gesernu ii lamadppig amunu, danab Gesernu ag Epraim oolagppa daaeg uɗie, gemu ⌊nai imu yaak haenppa⌋ ele, ag ahilag maɗi nid bia daatteb.