Nehemaia 5:2 - Nobonob Baibel

² Huu ag lailkad naippa yaaladppig ele, ag oolagppanu laa ag appig. “Ig, ig bekkankad, aɗenkad ele, ig ebqak kuɗum. Ig ee latata, bau daagnignu ig ee aeg aognigoitte,” aon appig.

Nehemaia 5:2 ပူးပေါင်းရင်းမြစ်များ

Genesis 41:57

Wan ohppa enug haen beum amunu, danab wan ohppanu ag ele Josep gumidna, Isip wanppa gona, ee daden meppig.

Genesis 42:2

Isip wanppa ag ee aeg ele aeg doomi amunu, ig mauhmatanu, ag ahan, Isip wanppa gona, ee amu daden mena, aon uɗippeg latu!” awa aum.

Genesis 43:8

Ag anam ana, Juda nug nai ahilag tuɗitta, Israel amegppa aum. “Na, ig, ihinkad nid naunau ele ig enugnu mauhmatanu, ig bau daagnignu, na Benyamin da eppelppa meppe, ig paha Isip wanppa gokkunig.

Genesis 47:19

Amunu ig mauhmatanu, wan ihinig ele nauhmanu amu, ig beɗunig, ihinig wan ele na aona, ee mekke! Na anam heppe, ig Paronu maɗi nid daagnig; wan ihinig ele nuhig daakku. Keeke laippuib am anuqak daatte. Ig bau daagnignu, wan ele hele-ettak daamanu, na ee tumu mekke!” aon appig.

2 King 4:1

Amu ah laa, gamu nug propet huu ameg laa, nug amuppa daya mauhom, danab amu qappu amu, nug Elisa gumitta uɗia, nug inam amegppa aum. “Danab okkai, danab dahil nug am nahip maɗi nid, nug mauhom. Na doottem, nug haen oh Yawenu ebehi oh bodoetta le mettom. Amge gemu danab nug lon mekke, eɗut ii mettamut ele aokkunu hette, amge da men doɗo iitta. Nug nid dahilaɗ aɗit amu diiata ukka heeb, nuhig begbeg maɗi nid daaglahnu uɗiom,” awa aum.

Nehemaia 5:3

Laa amu ag anam aegeg, laa ag appig. “Gemu am ee kuɗum iitta amunu, ig lon aot, ee daden mekkunignu, ig ihinkad wan, ihinkad lag, ihinkad grep dad ele keeke lonnu onig awak daaglagnu mettem,” aon appig.

Hagai 1:6

Ag keeke kuɗum ebatteb, amge ag keeke nakokib eɗun aotteb. Ag ee latteb, amge ag oolag ii aɗatte. Ag le latteb, amge ag oolag ii diditte. Ag beɗulagppa lamen metteb, amge ag oug dootteb. Ag men doɗonu uɗat hetteb, amge ag men doɗo aon, ag bek battam giɗo eleppa inatteb bia hetteb,” awa atte.

Malakai 2:2

Ag dahil nai imu doon, ag oolagppanab meig! Nai ag dooglagnunab attem am, ag da onilnu am binag ele doyeg! Ag haknunab nai dahil ii doon, ii dim lamidkkulag dayeb amu, da ag eheɗ laa awaknu anak waappa daaglagnu, uug naunab ele laa ahilagppa bekkunu akkul. Ag dahil haknunab nai ii dim lamidkkulag dayeb amu, ag itittak ena laa ag aoppig amu, da heppi, eheɗ laa awaknu anak waappa dayak bia daakku. Ge! Ag da binal mekkulagnu oolagppanab ii dootteb amunu, da nakok matu bia itittak ena ahilag laa aoppig amu, da hei, itittak ena amuam eɗua, ag eheɗ laa awaknu anak waappa daatteb.

Duteronomi 23:19

Na laipad Israel ag lon nahip-ppanu aoglag dayeb amu, na lonnu intres aib aome. Amuam men doɗote, o eete, o keeke laala ele eɗua daden mak haenppa tuɗittak ele awaknu aib heppig.