Nehemaia 4:20 - Nobonob Baibel

²⁰ Anam amunu ag trampet gayeb doon, ag danab adeppa dayaya iwaltte daulagppa doon, ag paha uɗippeg, appa ig oh qagmekkunig. Ig oh qagmeta, ban hebupput, Kayak Nug ig ehanigkku,” awe ami.

Nehemaia 4:20 ပူးပေါင်းရင်းမြစ်များ

1 Stori 19:12

Nug anam babaitta, nug Abisai amegppa aum. “Aram dilag daup ag da eɗilkkulagnu hekkulag dayeb amu, na uɗin da ehaniɗe! O iitta, Amon dilag daup ag na eɗidkkulagnu hekkulag dayeb, da ukken, na ehanidkkul.

Nehemaia 4:19

Anam amu, da anuqak danab, Juda dilag ehanittak anuqak danab, amu danab laa oh ele amelagppa ami. “Aɗ uɗat ig hettem imu, am uɗat okkai, aben laippuppa ele ii daatte; ig nug guguittak ii daattem. Iitta. Ig piɗe piɗenab daattem.

Nehemaia 4:21

Ig anam bappaidmut amunu, ig uɗat ii uumut. Iitta. Ig huu laa aɗ hak uɗat hetata, huu laa bannu keeke aɗat daamut. Ig buttuanab, aam diigppan bette, haen amuppa ig uɗat digmeut ukke ukke, gatatu ne, hoɗopai amahalegeg ig bat-ttamut.

Eksodas 14:14

Doyeg! Kobol amu bekkunu amu, ag keeke laa ii hemana. Iitta! Ag toettan daappeg, Yawe Nug ag ehanatta, ban hekku.” Moses nug anam aum.

Eksodas 14:25

Yawe Nug he, bannu karis baelag nauhom amunu, bannu karis ag huan gokkulagnu elele iitta daye, aakku Isip ag appig. “Doyeg! Yawe Nug Israel ehanatta, ig iqakkunu hette amunu, ig pahanab oolta gotu! Ig ag paha uuadkkunig,” aon appig.

Sekaraia 14:3

Kekeɗ ag amu hekkulag, amge Yawe Nug aha ukkeb, nug wan amu, ahilkad daup ele ban hekkulag; Nug bannu deɗppa banppa dayaya, ban hette, Nug anam bia ag ele ban hekkulag.

Duteronomi 1:30

Yawe, ahilag Kayak, Nug ag noolagppa anuqa gotte, Nug ahilagnu Isip appa ban heehe, ag anidppig bia hekku.

Duteronomi 20:4

Ag ii baɗamnanu diig am, Yawe, ahilag Kayak, Nug ag ele daatteb! Nug ag kekeɗ aqaglagnu ag ehanatta, ban heeb, ag kekeɗ eɗadkkulag!” awa akku.

Duteronomi 3:22

Ag aib danab appa daatteb dilagnu baɗappig! Aɗinu? Yawe, ahilag Kayak, Nug ag Israel, Nug ag ehanatta, ban hekku,” awe ami.

Josua 23:10

Yawe, ahilag Kayak, Nug ag ehanadtte. Nug ahilagnu anam hekkunu nai ana qakkom amunu, ag anen anen kekeɗ 1,000 lamadtteb.