Nehemaia 4:17 - Nobonob Baibel

¹⁷ Amu laa ag keeke maon, uɗatppa goppig amu, ag eppelag laplap-ppa uɗat hekkulagnu, ban ele hekkulagnu daappig.

Nehemaia 4:17 ပူးပေါင်းရင်းမြစ်များ

Nehemaia 4:13

Anam amunu, da danab ag baelkadppa anen anenppanu maatti, ag ban, qep elab, lat ele aɗan, ag aben laala aɗ heeg attan ii teumppa, kekeɗ ag aben amuppa aɗ letan, aab ooppa nokkulagnu ib ena daatte, ag appa daappig.

Nehemaia 4:16

Amge haen amuppanu dahiladnab danab laih gane ag uɗat henana daappig amu, laih gane amubianab ag ban, guppiɗ, lat, ban bala laala ele aɗan daappig. Okkai danab ag ele Juda danab aɗ uɗat heppig ehanadppig.

Nehemaia 4:18

Amu danab ag aɗ hak uɗat hetteb ele amu, ag ahilkad qep elab imualagppa qakkak daaegeg, danab ag daanna uɗat heppig. Ag amu heppig, amge danab nug kekeɗ uɗippeg, trampet iwalkkunu dayom ele, nug haen oh da ele daamuɗ.

Sam 149:6

Yawenu danab ah amu ag oɗelagppa Kayak binag menana, ag eppelagppa qep elab aeg laih laih oh ele aɗeg!

Solomonnu Ahi 3:8

Danab amu oh ag qep elab ele; amuppa ag ban hekkulagnu doon autna aotteb. Ag anen anen oh ag qep elab maɗolag heqo laihppa qakkaladna oitteb; ag tuqan kekeɗ king baneb uɗin, king heppeg nauhmanu, ag aakku babaittak daatteb.

Daniel 9:25

Daniel, na keeke doon, diignu doyak tutukku aɗe! King laa nug Juda, Israel ele ag gona, Jerusalem eɗun bappaidkkulagnu ɗo laa meeb, haen amuppa digmeeb ukkeb, laa king daakkunu goɗen gokkaɗakppa tituanak ele, nug nuhig gumak abenppa tekku amu, amuam haen maha 7, amu haen maha 62 laa ele; oh am 69 aakku. Ag Jerusalem eɗun bappaidnana, ag aab ooppan ib hena, ag aab dimittim daug daug ohppa, kekeɗ ag talilidna, aab ooppa gomananu le moɗ ele buuglag. Ag haen uug eleppa aab okkai amu eɗun bappaidnana, amu hekkulag; uug haenppa ii helob bia, amge ag anam hekkulag.

Joel 2:8

Amu tap-lokus laa nug layag beɗu nakok ii aɗatte; iitta. Ag anen anen gotteb, anam laippu tappa ukkak tutukku gotteb; laa nug layag godeppa ii goma; iitta. Ag gotteb anamib gotteb. Aɗi keeke ag gomananu oo nak daatte amu, ag keeke amunu keeke hamu doon, ag ukkakib gotteb. Ag huuppa ukkaegeg, huu ahilag ii kabolitte; iitta.

1 Korint 16:13

Ag Korint danab ag ib apiɗidna eheɗ gomananu amu, ag dabmettan autna aona, ag ahilag ooppa genab doyakppa ɠagattag daan, ag ooppa ɠagattag dayak ele daanna, ɠagattag ele dayeg!

1 Korint 16:9

Aɗinu? Kayak Nug dahil ib amu matu ma babaittom daatte am da uɗat naɗi, danab ah kuɗum ehanadppi, Kristen daaglagnu hettem. Amge kekeɗ ele kuɗum daatteb.

1 Korint 9:12

Danab laala ag ahilagppa dim goppig. Ag gona, nai mehuqegeg, ag keeke madatteb amunu, ig ahilagppa keeke aognignu elelenab daattem. Amge keeke ig aolomnu elele amu ig ii aomut. Aɗinu? Ig keeke amu aolom amu, Kristusnu Nai Ena ag aon oolagppa genab dooglagnu ib am oo nekkunigtai amunu, uug laala oh amu ig aakku maottem.

Pilipai 1:28

Amu Kayak Nug ag Kristusnu oolagppa genab dooglagnu ehah mattom, amge Nug ag Kristusnu oolagppa genab dooglagnu ehah amu aakkuib ii mattom. Iitta. Ag Nug onignu uug maoglagnu ele ehah mattom amunu, kekeɗ ahilkad dilagnu aib baɗappig. Ag ii baɗaglag amu, amuppa kekeɗ ahilag ag geha padal mekkulagnu doonna, Kayak Nug nukka ag Pilipai daatteb, Nug geha ag eɗua diiadkku ele dooglag.

2 Timoti 2:3

Kristus Jesusnu daup ena nug hekkunu daatte bia, na anam oibppe, uɗat imunu uug ig Kristusnu daup laala ig ele oh laippu maognig.

2 Timoti 4:7

Da Jesusnu uɗat ena hein malen, da aɗi uɗat hekkulnu dayom amu hein, gogppa tein, da dahil ooppa genab doyak ele aɗami,