Nehemaia 4:16 - Nobonob Baibel

¹⁶ Amge haen amuppanu dahiladnab danab laih gane ag uɗat henana daappig amu, laih gane amubianab ag ban, guppiɗ, lat, ban bala laala ele aɗan daappig. Okkai danab ag ele Juda danab aɗ uɗat heppig ehanadppig.

Nehemaia 4:16 ပူးပေါင်းရင်းမြစ်များ

Nehemaia 4:15

Da anam ai, ig anam daaut, kekeɗ ag ig ahilag maittak doot malamut doon, Kayak he, ag ahilag maittak dim lamidkkulagnu elele iitta daappig ele doon uueg, ig eɗut, aben aben ihinigppa gota, aɗ eɗua babaittak uɗat tuɗidta hemut.

Nehemaia 4:17

Amu laa ag keeke maon, uɗatppa goppig amu, ag eppelag laplap-ppa uɗat hekkulagnu, ban ele hekkulagnu daappig.

Nehemaia 4:23

Amu tuqan da, da awalad amalad, dahilad maɗi nid, amu ban danab da ele daamut ele, ig oh niignignu hetata, ig uɗatnu lamen ii uɗamut. Iitta! Anam ele niimut. Ig anam hetata, ig oh hanhan bannu keeke eppenigppa aɗat oimut. Leppa gomut, haen amuppa ele ig anam ele gomut.

Sam 101:6

Da danab ah ag Yawenu oo metta ii uuak kobol dim lamidtteb ele, da ag ele ihinig wanppa daagnignu ag atognoadkkul. Da heppi, laa ag Kayaknu neekkakppa oolagppa kaliak laa iitta ele amu, ag da gumiɗna daaglagnu elele daaglag.

Eksodas 28:32

Amu ag oɗe ikki nokkunu gamagppanab hewona, ag muɗi laa aon, oɗe amu daugib koitppeg, oɗe daug amu pattiɗmanu, nug teppu ele dayaɗ!

Solomonnu Ahi 3:8

Danab amu oh ag qep elab ele; amuppa ag ban hekkulagnu doon autna aotteb. Ag anen anen oh ag qep elab maɗolag heqo laihppa qakkaladna oitteb; ag tuqan kekeɗ king baneb uɗin, king heppeg nauhmanu, ag aakku babaittak daatteb.

Jeremaia 46:4

Ag dayaknu keeke hos gomeppa mena qakkona, ag hos attan tena dayeg! Ag ikkilagppa aen hat mena, ag ban hak abenppa gona dayeg! Ag ahilkad ban bappaidna, ag beɗulag eheɗ aomnanu keeke laa ele meig!