Nehemaia 4:11 - Nobonob Baibel

¹¹ Ag amu aegeg, kekeɗ ag ihinignu, “Ag ii anigppeppeg, ig lokkumta wata, ag oolagppa gota oitta, ag aqapput mauhppeg, uɗat imu na qekku,” aon appig.

Nehemaia 4:11 ပူးပေါင်းရင်းမြစ်များ

2 Samuel 17:2

Ig gota, Dawit aɗi ag beɗulag gai-iitta, bodoettak ele daappeg, ig gota tepput, Dawit aɗi ag eheɗ nau baɗan oolppeppeg, da king aakkuib qeppi mauhkku.

Nehemaia 4:10

Anam, amge haen amuppa Juda laa ag appig. “Danab uɗat hetteb ele amu, ag ebehilag bodoedatte. Kinipan, men aoɗak keeke, kinipan amu huanak daatte amunu, ig aɗ eɗut bappaidkkunignu am ib iitta,” appig.

Nehemaia 4:12

Ag anam aegeg, haen eblaih laih ele Juda danab ag kekeɗ guguittak daatteb ele, ag ahan uɗin appig. “Danab amu ag aben ohppanu banenig uɗiglag,” aon appig.

Nehemaia 4:9

Ag maittak amu aoppig, amge ig ihinig Kayak unuqittatta, ig danab laala ag amun, laala tuqan kekeɗ uɗippeg anadna eppeg, ig oh ahat ban hekkunignu otiadmut.

Sam 56:6

Ag qagmena, ag dahilppa eheɗ nau hekkulagnu mattiak aotteb. Ag eheɗ heiɗkkulagnu meiɗna daatteb. Da aɗi keeke hettem amu, ag neegna autna aotteb. Ag da iuglagnu hetteb.

Aisaia 47:11

Amge uug naunab ahilagppa bekku. Beebeb amu, ag eman hakppa amu bemanu ib keldokkulagnu ib laa ii anidmana. Ao, uug naunab ahilagppa bekku. Beebeb amu, ag en mettakppa qagaiettakppanu uhuqak aoglagnu elele iinab daamna. Ge! Uug naunab, ag amu ii nak haenppa dabmekkulagnu elele iitta amu, uug naunab nau amu ahilagppa laippun, paha bekku.

Aposel 23:12

Naɗi Nug Pol amegppa anam a, wagɗe deɗ amuppa Juda laala ag qagmena, ag keeke hekkulagnu nai ahilag ɠagattag qettan, ag inam appig. “Ig Pol qepput mauhkku. Ig ee le ele paha ii lamata. Iitta, Ig hamu daata, ig Pol qepput mauheb, ig eɗut ee le ele lakkunig,” aon appig.

Aposel 23:21

Amge ag hambubutteb amunu, na ahilag nai amu aib dim lamidme. Aɗinu? Ag Juda danab 40 eɗittak amu ag Pol qeppeg mauhkkunu inam nai ɠagattag qettan appig. ‘Ig ee le ele paha ii lamata. Iitta. Ig hamu daapput ukkeb, ig Pol qepput mauheb dimppa ig eɗut ee lakkunig.’ Ag anam appig. Ag anam hekkulagnu mattin bappaidppig amu geha iikku ag na ahilag nai amu doon, aɗi appe dooglagnu ameg mak daatteb,” awa aum.

1 Tesalonaika 5:2

Ag akka tutukku dootteb, Naɗinu deɗ am tuqanppa, yabhok danab oitte, amubia uɗikku.