Nehemaia 3:5 - Nobonob Baibel

⁵ Laih amuppanu amu, Tekoa danab ag tuɗidna, eɗun bappaidppig, amge Tekoa dilag danab okkai ag uɗat aɗi aɗi haknu ahilag tituanppig ele, ag hekkulagnu uun, ii heppig.

Nehemaia 3:5 ပူးပေါင်းရင်းမြစ်များ

2 Samuel 14:2

amunu, Joap nug he, laa nug aab onig Tekoa ukka, nug appanu ah doyak dabmak ena ele omale uɗipiɗ. Ah amu nug uɗie, Joap nug ah amu amegppa aum. “Na mahiaya oiyak bia ippu hak hena, na mahiaknu lamen mena, na beɗun anttak ena daakkunu goɗen laa beɗun ii laidmana, auntai nahip-ppan laa mauhe, haen elab na dub mena oittem bia ippu hak hena,

2 Stori 11:6

Betlehem, Etam, Tekoa,

Nehemaia 3:27

Aben amuppanu amu Tekoa danab ag aɗnu laih laa ele eɗun bappaidppig. Tatam laih laa bappaidppig, gemu laih imu eɗun bappaidppig. Ag aɗ laih imunu bappaidppig am, ag lag attan ta ukkak menppa hak appa digmeeg ukke ukke, qauko onig Opel, appa aɗ daatte, ag appa batappig.

Nehemaia 3:4

Uraia bekka Meremot, nug Hakos alag, amu nug aɗ Kakai Od amuppanu nug laih eɗua babaittom. Nug heumppanu amu, Berekia bekka Mesulam, nug Mesesabel alag, nug tuɗitta, aɗ laih amu eɗua babaitte, nug heum, amuppanu Bana bekka Sadok nug tuɗitta babaittom.

Nehemaia 3:6

Aria Pasea bekka Joiada, Besodea bekka Mesulam ele aa od laa onig Od Anukkanabnu eɗuya bappaidpiɗ. Aa od amunu ebehi okkai okkai buuidya, aa od okkai amunu od naunau heya aihattoya, od amu ohnu manak qaknu keeke ele mepiɗ.

Jeremaia 27:12

Yawe Nug da, Jeremaia, nug da amelppa anam a, da nai amu laihppan uɗiak danab amu amelagppa awoya, da Juda dilag king Sedekaia amegppa ele nai amuib ai doyom. Da nug amegppa inam ami. “Na Babilon dilag king, nuhikkud danab ele waalagppa maɗi nid daan, ahilag uɗat hekkut dayeb, makau laa doɗnu duugppan tuqai duugppa dayebeb, uɗat haknu uua ii hette bia hekkut, am na bau daakkut.

Jeremaia 27:2

Yawe Nug da, Jeremaia, da amelppa inam aum. “Na ad maha laa, amu matagiɗ ɠagattag doɗ gaɗappa hak ele aon, doɗnu duugppan tuqai bappaidna, na duutppa qakke!

Jeremaia 27:8

Anam, amge gemu wanppan wan laa, o ɗo maɗoɗ laa ag Babilon dilag king Nebukatnesar waappa maɗi nid daan, nuhig uɗat hekkulagnu uun, ag makau laa, doɗnu duugppan tuqai nug baagppa ii daamanu wagai ma hette bia hekkulag dayeb, da bu metten heppi, Nebukatnesar, nuhikkud daup ele ag wan amuppa gona, ban hena, Nebukatnesar, nuhikkud daup ele eppelagppa wan amuppan danab ah ag qep elabppa, enugppa, amu oɗe nau danab kuɗum aqe mauhttebppa ele mauhadppeppeg, wan amuam nauhakib daakku. Da anam awe attem.” ’ ” Yawe Nug anam awa atte.

Jeremaia 6:1

Yawe Nug atte. “Ag Benyamin danab ah, ag ahan ooleg! Ao, ag Jerusalem appa aib daappig. Ag ahan ooleg! Uug naunab yawalti uɗitteppanu uɗitte. Appan laa uɗin heppeg, nauhak okkai nau daakku. Anam amunu, danab ah ag dooglagnu ag trampet Tekoa appa iwaleg! Ge, ag Bet Hakerem appa danab ah anidna, uug naunab uɗitte dooglagnu ag appa pilak, amunu at daakkunu qappeg!

Amos 1:1

Nai imuam Amosnu nai. Amos nug sipsip gumak danab aab Tekoanu, nug ag oolagppanu sipsip gumak danab laa. Nug nai imu tuleglegppa anttom. Nug anttom, haen amuppa Usia nug Juda dilag king daye, Jehoas bekka Jeroboam nug Israel dilag king dayom. Nug tulegleg imu antte, maɗ aɗit uue, mim naɗi aakku neum. Nai imuam Israel dilagppa dimppa aɗi bekkunu nai.

Matyu 11:29

Ag gugappan tuqai dahil aon gukkalagppa mewona, ag dahilppa dabmak aweg! Aɗinu? Da am wagai mak danab iitta, amu da am oo doyak ele. Ag anam henana, ag oolagppa uug iitta oiglag.

Aposel 15:10

Ig anam anidttem, amge ag iitta aɗi ag Juda dilag ɗo oh dim lamidkkulagnu atteb, amuppa ag keeke uug ele aon, Kristen qaɗelagppa mena hetteb. Anukka ig mamenkad amu ig ele uug amu mawaknu amu elele iitta. Ag aɗinu Kayak ma anttak anam mettaglagnu hetteb.

1 Korint 1:26

Amu O lailad, imuam ag daulagppa doaɗ! Kayak Nug anukka ag Kristen daaglagnu onilagppa eum, haen amuppa ag oolagppanu danab kuɗum ag wanppanu doyak dabmak ena okkai iitta, ag kuɗum amu onilag iitta, amu anuqak danab ele kuɗum iitta.

Ikki Danab 5:23

Yawenu engel nug aum. ‘Meros danab ah ag eheɗ laa awaknu anak waappa dayeg! Yo, ag eheɗ laa awaknu anak naunab waappa dayeg! Aɗinu? Ag Yawe ehanidkkulagnu ii uɗippig. Ao, ag Yawe ehanidna, ban danab ɠagattag ele ban hekkulagnu ii uɗippig.’