Nehemaia 3:4 - Nobonob Baibel

⁴ Uraia bekka Meremot, nug Hakos alag, amu nug aɗ Kakai Od amuppanu nug laih eɗua babaittom. Nug heumppanu amu, Berekia bekka Mesulam, nug Mesesabel alag, nug tuɗitta, aɗ laih amu eɗua babaitte, nug heum, amuppanu Bana bekka Sadok nug tuɗitta babaittom.

Nehemaia 3:4 ပူးပေါင်းရင်းမြစ်များ

Esra 2:61

Ag anam daaegeg, aria mana mettak danab laala, ag Hobaia, Hakos, Barsilai ele buɗulkad, ⌊ag genab mana mettak danab daappig danab okkai ippunadkkulagnu am elele iitta⌋. Barsilai amu, nug Gileat ted laa onig Barsilai, nug nug aɗeg awe, laa ag ah amu gamu, ag nid amu onig Barsilai ele ataɗna, anam mattiegeg oiyom.

Esra 8:33

Ig deɗ ewam hik aot malat, ig deɗ waɗeleppa ihinig Kayaknu mettid lag, amuppa teta, ig silwa, gol, amu keeke Kayaknu tituanak daatte ele skelppa mewota, ig keeke amu oh mana mettak danab Uraia bekka Meremot eppegppa memut. Haen ig keeke amu oh nug eppegppa memut amu, mana mettak danab laa, Pinias bekka Eleasar, amu Lewi buɗubppan mana mettak danab iitta, ag am Jesua bekka Josabat, Binui bekka Noadia ele, ag ele oh daappig.

Nehemaia 10:15

Buni, Asgat, Bebai,

Nehemaia 10:21

Mesesabel, Sadok, Jadua,

Nehemaia 10:7

Mesulam, Abaiya, Miyamin,

Nehemaia 3:21

Amuppanu amu, Uraia bekka Meremot, nug amu Hakos alag, nug tuɗitta, aɗnu laih amu eɗua babaittom. Nug Eliasip laug odppa digme ukke ukke, Eliasip laug batakppa batom.

Nehemaia 3:3

Hasena bekkod ag od laa onig Kakai Od, ag od amu eɗun bappaidppig. Ag od amunu ebehi okkai okkai buuidna, ag od okkai amunu od naunau hena aihattona, ag od amu oh manak qaknu keeke ele meppig.

Nehemaia 3:30

Nug heumppanu amu, Selemia bekka Hanania, Salap bekka Hanun ele, aa tuɗidya, aɗ laih laa ele amu eɗuya bappaidpiɗ. Hanunnu amu, nug awakkud tanig ele tatam doeg, nug doum. Aria amuppanu ukkak amu, Berekia bekka Mesulam nug aɗnu laih amu eɗua babaittom. Aɗnu laih amuam nug dayom guguittak dayom.

Nehemaia 3:5

Laih amuppanu amu, Tekoa danab ag tuɗidna, eɗun bappaidppig, amge Tekoa dilag danab okkai ag uɗat aɗi aɗi haknu ahilag tituanppig ele, ag hekkulagnu uun, ii heppig.

Nehemaia 6:18

Ag amu heppignu diig am, Juda aɗi laala ag Tobia ehanidkkulagnu nai mattin, ahilag nai ɠagattag qettan, anam hekkulagnu appig. Ag amu heppignu diig am, Juda ted Ara bekka Sekania aɗeg am Tobia wau. Laa amu, Tobia bekka Jehohanan wau am Juda ted Berekia bekka Mesulam aɗeg.

Nehemaia 7:63

Ag anam daaegeg, aria mana mettak danab laala, ag Hobaia, Hakos, Barsilai ele buɗulkad, ⌊ag genab mana mettak danab daappig danab okkai ippunadkkulagnu am elele iitta⌋. Barsilai amu, nug Gileat ted laa onig Barsilai, nug nug aɗeg awe, laa ag ah amu gamu, ag nid amu onig Barsilai ele ataɗna, anam mattiegeg oiyom.