Nehemaia 3:3 - Nobonob Baibel

³ Hasena bekkod ag od laa onig Kakai Od, ag od amu eɗun bappaidppig. Ag od amunu ebehi okkai okkai buuidna, ag od okkai amunu od naunau hena aihattona, ag od amu oh manak qaknu keeke ele meppig.

Nehemaia 3:3 ပူးပေါင်းရင်းမြစ်များ

2 Stori 33:14

Nug eɗua Jerusalem ukka, nug Dawitnu Aabnu aɗ dimittimnu laih babaittom. Laih nug babaittom am oolnu noak laappa le qeppuɗia bette onig Gihon, nug le amunu qaban uɗitteppanu nakok wana, nug appanu digma, babaitta ukka ukka, qauko nakok onig Opel talilitta ukka, nug aɗnu od laa onig Kakai Od, appa batom. Nug amu babaitta, nug aɗ amu igippa ele aɗ tuɗitte, attannab teum. Nug amu ha, Manase nug he, daup dilag okkai ag Judanu aab okkai ɠagattag aɗ ele, ag aab amu ohppa aguppa daadppig.

Esra 2:35

Senanu uɗippig, ahilag ebqak am 3,630.

Nehemaia 12:39

ig od laa onig Epraimnu Od qe-eɗidta gota, od onig Jasernanu Od qe-eɗidta gota gota, od laa onig Kakainu Od qe-eɗidta gota, ig lag attan ta ukkak menppa hak aɗit laa, laa onig Hananelnu Lag, laa onig am Danab 100 Dilag Lag, ig lag aɗit amu eɗata, ig od laa onig Sipsipnu Od, ig amuppa wata, od laa onig Aab Gumak Danab Dilag Od, ig amuppa batamut.

Nehemaia 2:8

Laa ele amu, danab onig Asap, nug appa adnu dad nahip gumam daatte, amu na pas laa nuhignu ele yaan meɗappe, da awe ukken ippunidppi, nug da aben aɗ ɠagattagnab ele Kayaknu mettid lagnu guguittak daatte, nug aɗ amunu od hekkulnu, da aab okkainu aɗnu od ele hekkulnu, amu da laul ele buukkulnu nug dad amuppanu ad okkai meɗakkunu oɗ medattem.” Da king anam oɗ mettami. Da anam oɗ mettai, Kayak, Nug enanag atognoiɗtte amu, Nug ehaniɗom amunu, king nug keeke oh da nug amunu oɗ mettami amu, nug keeke amu oh da meɗom.

Nehemaia 3:4

Uraia bekka Meremot, nug Hakos alag, amu nug aɗ Kakai Od amuppanu nug laih eɗua babaittom. Nug heumppanu amu, Berekia bekka Mesulam, nug Mesesabel alag, nug tuɗitta, aɗ laih amu eɗua babaitte, nug heum, amuppanu Bana bekka Sadok nug tuɗitta babaittom.

Nehemaia 3:6

Aria Pasea bekka Joiada, Besodea bekka Mesulam ele aa od laa onig Od Anukkanabnu eɗuya bappaidpiɗ. Aa od amunu ebehi okkai okkai buuidya, aa od okkai amunu od naunau heya aihattoya, od amu ohnu manak qaknu keeke ele mepiɗ.

Nehemaia 6:1

Aria, ig aɗ eɗut babaittutut, Sanbalat, Tobia, Arebia ted Gesem, ihinkad kekeɗ laa oh ele ag da, dahilad ele ig aɗ eɗut heta malaut, giɗo laa ii daye dooppig. Ig uɗat amu oh heut, gogppa teum; uɗat laippuib ig ii heta malamut. Amuam ig od naunau, od okkaippa aihak daaglagnu ii aihadmut.

Nehemaia 7:1

Aria, ig aabnu aɗ heta malota, da hei, ag od oh ele aihadna malaeg, ig danab laa ag od gumaglagnu, danab laa ag Yawenu mettid lag, amuppa ahi ettaglagnu, amu Lewi buɗubppan mana mettak danab iitta, ag ele ahilag uɗat anen anen ele hekkulagnu otiadta malota,

Nehemaia 7:38

Senanu uɗippig, ahilag ebqak am 3,930.

Sam 147:13

Aɗinu? Nug Jerusalemnu aɗnu od oɗeppanu od manak qaknu keeke ɠagattag aqe, kekeɗ ag aab okkaippa nokkulagnu elele iitta. Ao, Nug danab ah Jerusalem daatteb itatte daatteb.

Sepanaia 1:10

Amu Yawe Nug ele atte. “Deɗ da Yawe, da Juda danab ah bu madakkul amu, danab ah aɗnu od onig Kakainu Od guguittak daatteb amu, ag gaaglag. Amu danab ah ag aab ooppa aben bau heppig amuppa, ag mahiak okkai hekkulag. Amu aab ooppa qauko nakok daattebppa amu, appanu oqotti naɗi oobob dooglag.