Nehemaia 3:24 - Nobonob Baibel

²⁴ Asaria nug laugppa babaittom, amuppanu Henadad bekka Binui, nug tuɗitta, aɗnu laih eɗua babaitte ukke ukke, aɗ eɗua, laih godeppa ukke, amuppanu ukke ukke, aɗ hokane piiakppa batom.

Nehemaia 3:24 ပူးပေါင်းရင်းမြစ်များ

Esra 3:9

Laa tituanadppig am, Jesua, nug bekkod, nug eamakkud ele, aria Katmiel, nug bekkod ele, ag memetalag anukkanu laa am Hodawia, amu Henadad bekkod, ag bekkalkad, awalkad, amalkad ele. Ag danab amu ag Kayak laug hekkulagnu uɗat gumaglagnu tituanadppig. Ag oh Lewi buɗub.

Nehemaia 10:10

Lewi buɗub laa, ag amu dilag uɗat laippu ele amu, ag am Sebania, Hodia, Kelita, Pelaia, Hanan,

Nehemaia 10:9

Lewi buɗubppan mana mettak danab iitta, ag onilkad nai qakkak amuppa yaappig amu, ag onilag am: Asania bekka Jesua, Binui, nug Henadad bekkod oolagppanu, amu Katmiel ele.

Nehemaia 3:11

Amu Harim bekka Malkiya, Pahatmoap bekka Hasup ele aa aɗnu aben laa eɗuya bappaidya, aa lag attan ta ukkak menppa hak onig Bret Keeke Manaknu Dram Laala ele bappaidpiɗ.

Nehemaia 3:19

Nug heum ele, amuppanu Jesua bekka Eser, Mispa dilag okkai laa amu, nug tuɗitta, aɗnu laih amu eɗua babaittom. Nug aben laa, aben amuam ban haknu keeke maknu lag guguittak daatte ele amu, nug appa digme ukke ukke, aɗ eɗua, laih godeppa batom.

Nehemaia 3:23

Ag bappaidppig, amuppanu amu danab aɗit, Benyamin, Hasup ele, aa aɗ aa laulah odppa dayom ele, aa tuɗidya, laih amu eɗua bappaidpiɗ. Aa babaitteheh, Masea bekka Asaria, nug alag am Anania, nug aɗ nug laug heqoppa dayom am eɗua babaittom.

Nehemaia 3:27

Aben amuppanu amu Tekoa danab ag aɗnu laih laa ele eɗun bappaidppig. Tatam laih laa bappaidppig, gemu laih imu eɗun bappaidppig. Ag aɗ laih imunu bappaidppig am, ag lag attan ta ukkak menppa hak appa digmeeg ukke ukke, qauko onig Opel, appa aɗ daatte, ag appa batappig.