Nehemaia 3:15 - Nobonob Baibel

¹⁵ Amu Kolhose bekka Salum, nug aben aab Mispa daatte, nug amu dilag okkai amu, nug od okkai laa onig Le Qeppuɗia Bak eɗua babaittom. Nug od amu eɗua ha, nug od amu igippa lag haug me dayeye, nug od amunu od naunau oh ele ha aihattowa, nug od amu ohppa manak qaknu keeke meum. Nug aɗnu laih ele eɗua babaittom. Babaittom ele am, dad onig Kingnu Dad, dad amuam le gottu onig Siloam guguittak, nug aɗ aben amuppa babaitte ukke ukke, adqaɗ danab ah ag Dawitnu Aab, amuppanu aon notteb ele, amuppa batom.

Nehemaia 3:15 ပူးပေါင်းရင်းမြစ်များ

2 Samuel 5:9

Dawit aɗi ag aab aɗ ɠagattagnab ele amu aon, Dawit nug aab aɗ ɠagattagnab ele amuppa ukka dayaya, nug aab amu onig, “Dawitnu Aab,” ataɗom. Nug appa dayaya, nug aab amu daug daug lag keeke, bau hattom. Nug aben laa wan ita me bak, nug amuppa digma, lag keeke, hatte ukke, Dawitnu Aabppa ukkom.

2 King 25:4

Juda ag anam eheɗ daaegeg, Babilon ag aab okkainu aɗ aakku heeg, giɗo naɗi dayom. Giɗo naɗi daye, Juda dilag daup Jerusalem daappig ele ag ⌊Sedekaia ele⌋ tuqan amuppa kingnu dadppa wana gona, aabnu aɗ laih laih doa qal mettak daapiɗ odppa wana, dimittim gona, ag oolna, atu onig Araba, appa gokkulagnu goppig. Babilon ag aab talilidna daappig, amge Juda dilag daup ag ib amu anidna, oolna goppig.

2 Stori 32:30

Aria, Jerusalem aabnu aɗ dimittim le qeppuɗia bak laa onig Gihon dayom. Le amu, laa iitta, Hesekaia nug le amu oɗe qelakka he, le amu aab ooppa noa ukkom. Le am ukka, Dawitnu Aab ooppa laih qaban uɗitteppa, appa le moɗppa waum. Hesekaia nug aɗi hekkunu eppeg bahia aɗa he, uɗat amu elele mettom.

Nehemaia 12:37

Obatak amu ag anam oin gona gona, ag aɗ od laa onig Le Qeppuɗia Bettenu Od, ag od amuppa gona wana, qe-eɗidna, aɗ am Dawitnu Aabppa ukkakkunu adqaɗ bia daye, ag appa tena gona, Dawit laug heqo laih qe-eɗidna gona, aɗnu od laa onig Lenu Od, ag amuppa goppig. Od amuam aɗnu kaɗag uɗitteppanu daatte.

Nehemaia 2:14

Da appa wain ugekke, da aɗnu od onig Le Qeppuɗia Bak, da od amuppa wain, le gottu laa onig Kingnu Le Gottu, appa wami. Da appa wami, amge kinipan huanaknab daye, ib laa ii dayom amunu, donki nug gokkunu elele iitta.

Nehemaia 2:17

Da anam dabmak awen, oiye aɗ italmi dimppa amu, da ag amelagppa ami. “Ag uug ig tonikkom daatte anidtteb. Kekeɗ ag heeg, Jerusalem nauhakib daatte; aɗnu od ele manaeg eoppig. Anam daatte, amge ahappeg, ig Jerusalemnu aɗ bappaidta, ig uɗa nak nau guittak ele baula ii doomta,” awe ami.

Nehemaia 3:12

Amu aɗ laih amuppanu Jerusalem danab ah laihnu gumak danab, nug Halohes bekka Salum, nug tuɗitta, aɗ amu eɗua babaittom. Nug aɗekkud ag ehanidppig.

Nehemaia 3:14

Kinipannu odnu amu, Rekap bekka Malkiya, nug aben aab Bet Hakerem daatte, nug amu dilag okkai, nug od amu eɗua babaittom. Nug eɗua ha mala, od amunu od naunau ele ha aihattowa, od amu oh manak qaknu keeke ele meum.

Nehemaia 3:19

Nug heum ele, amuppanu Jesua bekka Eser, Mispa dilag okkai laa amu, nug tuɗitta, aɗnu laih amu eɗua babaittom. Nug aben laa, aben amuam ban haknu keeke maknu lag guguittak daatte ele amu, nug appa digme ukke ukke, aɗ eɗua, laih godeppa batom.

Nehemaia 3:7

Od amuppanu amu, Gibeon ted Melatia, nug laikkud ele, amu Meronot ted Jadon, nug laikkud laa Mispanu ele ag tuɗidna, aɗ amunu laih bappaidppig. Persianu prowins Yupretis lenu qaban uɗitteppanu gawana amu, nug Mispa dayom.

Nehemaia 3:9

Jerusalem danab ah obatak maha laanu gumak danab Repaia, nug amu Hur bekka, nug aɗ amuppanu tuɗitta, aɗnu laih babaittom.

Eklisiastis 2:6

Da amu hein, da le gottu dayebeb, ad kuɗumnab le mattaknu wan moɗ anam ele buumi.

Aisaia 8:6

“Danab ah imu ag da geɗilna, ag King Resin, Israel dilag king, Remalia bekka Pekanu, ele baɗan, ⌊ag da ehanadkkulnu oɗ ii meɗan, ag Asiria dilag king ehanadkkunu oɗ medappig⌋

Jeremaia 40:6

Nebusaradan nug anam aum amunu, Jeremaia nug Ahikam bekka Gedalaia, Mispa dayom, nug nug gumitta ukkom. Nug ukke, nug danab ah Babilon dilag daup ag ag diia ukka laih me dayak danab ah Babilon wanppa daaglagnu ii diippig, Juda wanppa daappig, nug ag ele oh Gedalaia ele daappig.

Luk 13:4

Laa ele, danab 18, anukka Siloam appa lag attan ta ukkak menppa hak na qa aqe mauhppig amu, ag ahilag dabmakppa ag amu dilagnu amu ag, ‘Danab amu, eheɗ hak ahilag am danab laala Jerusalem daatteb ele amu, ahilag eheɗ hak oh eɗattak,’ aon attebte?

Jon 9:7

Qataqewowa, danab amegppa aum. “Na gona, Siloam le amegppa iɗun ihe!” awa aum. Siloam diig amu me ukkak. Amunu nug ukka, iɗu ihe, ena daya neekka, nug eɗua uɗiom.

Ikki Danab 20:1

Am anam beum, aakku Israel ohnab, aab onig Dan, appanu ukka ukka Berseba batak, Gileat wanppanu ele, ag oh aɗa mak laippu, Mispa appa Yawe noobppa qagmeppig.

Ikki Danab 20:3

Israel dilag huu laala ag Mispa appa anam teppig amu, laa ag teppignu, paha nai meeg ukka, Benyamin wanppa ukkom. Amu Israel ag anam gona daanna, ag Lewi buɗubppan mana mettak danab iitta, ag amu oolagppan laa, nug ah mauhomnu gamu amu, ag nug oɗ mettan appig. “Kobol naunab nau beum amu, ib attemppa beumnu appe dootu!” aon oɗ mettan appig.