Nehemaia 3:1 - Nobonob Baibel

¹ ⌊Danab imu ag am Jerusalemnu aɗ, aɗnu od ele heppig.⌋ Mana mettak ikki danab Eliasip, mana mettak danab laa ele ag od onig Sipsip Od tatam eɗun babaittona, ag od okkainu od naunau ele bappaidna aihadna, Kayaknu tituanna mettona, ag aɗ appanu digmena eɗun babaittegeg ukke, lag attan ta ukkak menppa hak onig Danab 100 Dilag Lag, amuppa batappig. Ag aɗ laih amuppa malona, ag Kayaknu tituanna mettona, ag tuɗidna, appanu ag aɗ eɗun babaittegeg ukke, lag attan ta ukkak menppa hak onig Hananelnu Lag batappig.

Nehemaia 3:1 ပူးပေါင်းရင်းမြစ်များ

Nehemaia 12:10

⌊Mana mettak ikki danab⌋ Jesua bekka am Joiakim. Joiakim bekka am Eliasip. Eliasip bekka am Joiada.

Nehemaia 12:30

Anam amu, Lewi buɗubppan mana mettak danab, Lewi buɗubppan mana mettak danab iitta, ag tatam Kayak ele ouqak daaglagnu elele daaglagnu ag beɗulag, oolag ele babaittak amu hewona, ag danab ah ele ag ele anamib daaglagnu babaittak amu heppig. Ag anam hena malaeg, ag aɗ amunu, od ele, ag amu Kayaknu neekkakppa oppia mettak daakkunu ele heppig.

Nehemaia 12:39

ig od laa onig Epraimnu Od qe-eɗidta gota, od onig Jasernanu Od qe-eɗidta gota gota, od laa onig Kakainu Od qe-eɗidta gota, ig lag attan ta ukkak menppa hak aɗit laa, laa onig Hananelnu Lag, laa onig am Danab 100 Dilag Lag, ig lag aɗit amu eɗata, ig od laa onig Sipsipnu Od, ig amuppa wata, od laa onig Aab Gumak Danab Dilag Od, ig amuppa batamut.

Nehemaia 13:28

Mana mettak ikki danab Eliasip bekka Joiada bekka, nug tana am Horon danab Sanbalat. Anam amunu, da Joiada ⌊bekka⌋ lamitti ukkom.

Nehemaia 13:4

Amu ii nak haenppa amu, mana mettak danab onig Eliasip, ag heeg, nug ee bakkalenu maknu oo ihinig Kayak laug, amuppa daappig gumom. Nug am Tobia, ⌊Amon ted laa,⌋ nug nug ele aa ee layam ena.

Nehemaia 3:20

Eser babaittom, amuppanu Sabai bekka Baruk nug yag-nab-bak doyaya, nug tuɗitta, aɗ laih amu eɗua babaittom. Nug aɗ eɗua laih godeppanu ukke ukke, mana mettak ikki danab Eliasip laug odppa batak eɗua babaittom.

Nehemaia 3:21

Amuppanu amu, Uraia bekka Meremot, nug amu Hakos alag, nug tuɗitta, aɗnu laih amu eɗua babaittom. Nug Eliasip laug odppa digme ukke ukke, Eliasip laug batakppa batom.

Nehemaia 3:32

Aria, Malkiya nug anam he ukke bate, nug batomppanu ukke ukke, aɗnu od okkai onig Sipsipnu Od, appa batak daye, keeke golppa hak danab ag, aria keeke laihnu awa dadennu mak danab ele amu, ag oh aɗnu laih amu bappaidppig.

Nehemaia 6:1

Aria, ig aɗ eɗut babaittutut, Sanbalat, Tobia, Arebia ted Gesem, ihinkad kekeɗ laa oh ele ag da, dahilad ele ig aɗ eɗut heta malaut, giɗo laa ii daye dooppig. Ig uɗat amu oh heut, gogppa teum; uɗat laippuib ig ii heta malamut. Amuam ig od naunau, od okkaippa aihak daaglagnu ii aihadmut.

Nehemaia 7:1

Aria, ig aabnu aɗ heta malota, da hei, ag od oh ele aihadna malaeg, ig danab laa ag od gumaglagnu, danab laa ag Yawenu mettid lag, amuppa ahi ettaglagnu, amu Lewi buɗubppan mana mettak danab iitta, ag ele ahilag uɗat anen anen ele hekkulagnu otiadta malota,

Sam 30:1

O Yawe, na da ehaniɗe, da qagaiettakppa ii daattem amunu, da na humidkkul. Ao, na dahil kekeɗ uuatte da ii eɗilppig.

Sam 48:12

Amu ag buɗulkad dona daabppeg, ag madippeg dooglagnu elele daaglagnu, ag gona aab Sion talilidna, italna antteg! Ao, ag oinna, lag attan ta ukkak menppa hak gane daatteb ebaqeeg! Ag ele nuhig wan buue te aɗ itak bia daatteb tutukku dabmetteg! Ge, ag aab ooppa aben aɗ ɠagattagnab ele laa daatteb oh anatteg!

Prowerb 3:6

Keeke oh na hekkutnu dabmettem amu, tatam Kayaknu dabmewona hekkut. Na anam heppe, Nug geha heeb, na ippun tutukku daakku.

Prowerb 3:9

Am na en nahip-ppanu laih aon, Yawe binag medakkutnu Nug mette! Ao, ee nahip tatam oɗueb amu, na ee meu tatamnu amu aona, Yawe eppegppa me!

Jeremaia 31:38

Amu Nug atte. “Haen uɗitte amu, haen amuppa, danab ag aab okkai imu dahilnu eɗun bappaidkkulag. Ag Hananelnu lag attan ta ukkak menppa hakppa digmeppeg ukkeb, aɗnu od onig Daugppan Od, appa batak eɗun bappaidkkulag.

Daniel 9:25

Daniel, na keeke doon, diignu doyak tutukku aɗe! King laa nug Juda, Israel ele ag gona, Jerusalem eɗun bappaidkkulagnu ɗo laa meeb, haen amuppa digmeeb ukkeb, laa king daakkunu goɗen gokkaɗakppa tituanak ele, nug nuhig gumak abenppa tekku amu, amuam haen maha 7, amu haen maha 62 laa ele; oh am 69 aakku. Ag Jerusalem eɗun bappaidnana, ag aab ooppan ib hena, ag aab dimittim daug daug ohppa, kekeɗ ag talilidna, aab ooppa gomananu le moɗ ele buuglag. Ag haen uug eleppa aab okkai amu eɗun bappaidnana, amu hekkulag; uug haenppa ii helob bia, amge ag anam hekkulag.

Sekaraia 14:10

Juda wanppa yawalti uɗitteppanu Geba daatteppa ukka, Jerusalem daatteppanu yau uɗitteppanu Rimon daatteppa amu, aab aɗit amu gamalahppa wan amu oh am eɗua, wannu laih onig Araba daatte, am amubia, ⌊honap⌋ daakku. Wan amuam wannu laih onig Araba daatte, am amubia, ⌊honap⌋ daakku, amge Jerusalem am nuhig abenppa, attan daakku. Jerusalemnu tom am aɗnu od laa onig Benyaminnu Od, amuppa digma ukka, od laa onig Alagnu Odppa ukka, aria, appanu tom am od laa onig Daugppan Od, amuppa ukka, amuppanu am lag attan ta ukkak menppa hak onig Hananelnu Lag, amuppa ta ukka, appanu kingnu grep meu tappa leppu awaknu abenppa batakku.

Jon 5:2

Jerusalem aab aɗubnu od laa onig Sipsip Dilag Od, od amu guguittak amu le ameg laa dayom. Aram dilag naippa amu ag, “Betsaida,” aon atteb. Le amu agappa danab daaglagnu ag ulah lag tanig ele, geɗiak iitta heppig.

Duteronomi 20:5

Mana mettak danab nug ban danab amelagppa nai mattia maleb amu, ban daup ikki ag ban danab amelagppa akkulag “Aun laa na lag laa heme, amge na ii qeapime? Ii qeapime dayeb, banppa ag na nidappeg mauhppe, laa ag na laut qeapimnanu, na eɗun aabppa gokkut!