Nehemaia 2:3 - Nobonob Baibel

³ Da baɗami, amge da king amegppa ami. “O king, na hanhan bau daakkutnu ool daatte. Amge da alai aɗi dakkeɗalag, da mamelad aɗi ag aguppa daan oin mauheg boumadppig amu, kekeɗ ag aab okkai amu heeg nauhe, ag aab amu aɗnu od ele aab aɗuppa manatteg eoppig. Ag anam heppig, amu da oolppa uug okkai doottem,” awe ami.

Nehemaia 2:3 ပူးပေါင်းရင်းမြစ်များ

1 King 1:31

Nug anam a, Batseba nug nai amu doya, nug gateg qaun o, gomela auta awa, iɗu wanppa ma, nug king amegppa aum. “Da na, dahil okkai King Dawit, da na hanhan daakkutnu ool daatte,” awa aum.

2 King 25:8

Babilon dilag king Nebukatnesar nug king dayaya, nuhig king dayaknu maɗ 18ppa, kalam ebqak tanig ele, kalam amunu deɗ eblaih aɗitppa Nebusaradan, nug daup Nebukatnesar gumappig dilag okkai amu, nug Babilon dilag king ehanittak anuqak laa aakku, nug Jerusalem beum.

2 Stori 21:20

Jehoram nug maɗ 32 dayaya, nug Jerusalem appa king abenab awa, nuhig king dayaknu maɗ eblaih ewamppa nug mauhom. Nug mauhe, danab laa nug, “O gadon, king uuikka ukkom,” dab-ii-meum. Anam amu, ag nug Dawitnu Aab, ag appa nug boumppig, amge ag nug king dilag boumak abenppa ii boumppig. Iitta. Ag piɗe boumppig.

2 Stori 28:27

Amu Ahas nug mauhe, ag Jerusalem appa boumppig, amge ag Israel dilag kingnu boumak moɗppa ii meppig. Iitta. Ag aben laappa nug boumppig. Ahas nug mauhe, nug bekka Hesekaia nug mameg abenabppa king ba dayom.

2 Stori 32:33

Amu Hesekaia nug mauhe, ag qauko nakokppa Dawit buɗub boumadppigppa boumppig. Juda danab ah oh, Jerusalem danab ah ele ag nug mauhe, nug onig humappig. Hesekaia nug mauhe, nug bekka Manase nug abenabppa king ba, king dayom.

2 Stori 36:19

Babilon dilag daup ag Kayaknu mettid lag, danab okkai okkai laulkad enanagnab ele manatteg ewe, ag appa keeke oh, keeke amu awaknu am daden okkai ele, ele heeg nauhppig. Amu ag aab Jerusalemnu aɗ ele loppaɗeg, nauhakib dayom.

Nehemaia 1:3

Da amunu oɗ mattai, ag da amelppa appig. “Kekeɗ ag Jerusalemnu aɗ loppaɗeg, nauhakib dayeye, aɗnu od ele aab aɗuppa manappig amunu, Juda ag appa daatteb amu, ag uug nau doon, uɗa nak guittak ele, ag amu ele dootteb,” aon appig.

Nehemaia 2:13

Da tuqan ukken, da tatam aɗnu od laa onig Oolnu Noaknu Od, da od amuppa aab dimittim ukke, da eɗuen, le qeppuɗia bette ele laa onig Makkai Okkai laanu Le, da le amu guguitten ukke, le amu qe-eɗitten wain, od laa onig Kinipannu Od, od amuppa wami. Wain ugekke, da Jerusalemnu aɗ kekeɗ dilag daup ag loppaɗeg, nauhak dayom italen ukke, aɗnu od ele aab aɗuppa maippig anidmi.

Esta 8:6

Aɗinu? Na amu ii hekkut dayeb, laa ag dahiladnab, dahilad danab ah ele aqappeg mauhkkulag dayeb amu, da attem antten dookkul?” awa aum.

Sam 102:14

Amu nahip maɗi nid ag Jerusalemnu men aɗ, men lag ele ohnu mennu oolag mauhtte. Ao, ag Jerusalemnu, am keeke okkai dabmetteb, amge ag ele nuhig ibppan gappudnu ele oolag doye dabmetteb.

Sam 102:15

Danab ah wanppan wan anen anen ohppanu amu, ag Yawenu ebehilag oh bodoetta le mekku. Ao, wanppan king oh ag binag amahlak oppiaawak ele nuhig anidna, ag ebehilag oh bodoetta le mekku.

Sam 137:6

Da Jerusalemnu ii dabmekkul dayeb, da Jerusalemnu gamag ahak okkai, laa oh eɗittak, ii dookkul dayeb amu, da lemaɗul attan ta, bagagɗil aɗa, ɠagattag eppeb, da baula ahi edakkulnu, nai madikkulnu ele elele iitta dayei!

Sam 38:7

Aɗinu? Da beɗul gakkaɗak okkai ele. Ao, da oɗe eheɗnab memi.

Jeremaia 52:12

Babilon dilag king Nebukatnesar nug king dayaya, nuhig king dayaknu maɗ 18ppa, kalam ebqak tanig ele, kalam amunu deɗ eblaih laihppa Nebusaradan, nug daup Nebukatnesar gumappig dilag okkai amu, nug Babilon dilag king ehanittak anuqak laa aakku, nug Jerusalem beum.

Gayak Nai 2:9

Kekeɗ ag heeg, Sion aɗnu od nena qena, wanppa niitteb; od manak qaknu keeke teppu ele amu, kekeɗ ag heeg nauhppig. Juda dilag king, anuqak danab laa ele, anukka Sion daappig amu; ag gemu wan laalappa wan laappa diia ukka laih me dayak danab daatteb. Laa gemu Kayaknu ɗo nai laa ii ippunadtte; propet ag ele Yawe eppegppanu tulelegppa aɗi keeke ele ii anidtteb.

Daniel 2:4

King nug ag amelagppa anam a, doyak danab amu ag Aram dilag naippa nob mena appig. “O king, na hanhan bau daakkutnu oonig daatte! Na ig, nahipad maɗi nid, na ig amenigppa na tul niin, aɗi anidme appe doot, ig amunu meu mehuqpput dookkut,” aon appig.

Daniel 3:9

Ag amu anidna, ag ahan, King Nebukatnesar toppa gona, ag appig. “O king, na hanhan bau daakkutnu oonig daatte.

Daniel 5:10

Ag anam daaegeg, kuin kaino nug king, nuhikkud danab okkai ele ag nai mattiegeg doya, nug ag ee lappigppa uɗia, king amegppa aum. “O king, na hanhan bau daakkutnu ool daatte. Na aib doon ottainna baɗame! Na iɗun ele aib hakkab eppom!

Daniel 6:21

King ewa anam a, Daniel nug nob ma aum. “O king, na hanhan bau daakkutnu ool daatte.

Daniel 6:6

Danab okkainab aɗit, danab okkai 120 laa ele ag anam anana, ag oh ahan, king toppa gona, ag king amegppa appig. “O King Darius, na hanhan bau daakkutnu oonig daatte.

Lewitikas 26:31

Da heppi, ahilag aab okkai am nauhak daappeg, dup noa binag mak aben oh loppaɗppi neeb, ahilag mana mettaknu amu, da ool iinab hema. Mana mettak amunu muttuɗignu amu, da ool enanagnab doolo, amge da anam ii doopa.