Nehemaia 2:20 - Nobonob Baibel

²⁰ Ag anam appig, amge da ag amelagppa ami. “Kayak hab attan daatte, Nug ehanigkku. Nug ehanikkeb, ig uɗat imu malagnig. Ig am nuhikkud maɗi nid, amu ig uɗat imu digmeta hekkunig, amge ag, ag appalag diig am Jerusalem iitta. Laa amu, ag, o ag mamelkad, o ag dokkialkad, o ag memetalkad anukkanu ele ag ippa ii daappig amunu, imuam ahilag keeke iitta,” awe ami.

Nehemaia 2:20 ပူးပေါင်းရင်းမြစ်များ

2 Stori 26:5

Sekaraia nug Usianu ehanittak danab laa. Nug Usia ebehi oh Yawenu bodoetta le mekkunu ippunittom amunu, Sekaraia bau dayom, haen amu oh Usia nug Yawe antta dim lamidkkunu Nug mattiom. Amu nug Yawe antta dim lamidkkunu Nug mattiom, haen amu oh Kayak Nug he, Usia nug aɗi heum am ena beum.

Esra 4:3

Ag anam appig, amge Serubabel, Jesua, amu Israel baelkadppan dilag okkai laa oh ele ag eɗun, nob mena, inam appig. “Ag ehanigppeg, ig Juda, ig ihinig Kayaknu mettid lag ii buumta. Iitta. Ig Persia dilag king Sairus nug ig Yawe, ihinig Kayak, ig Nug laug buugnignu haknunab aum bia, ig ikka buugnig,” aon appig.

Nehemaia 1:4

Ag anam aeg, haen da amu doyen amu, da uug okkai doyeye, da heɗep nein dayeye, da gaami. Da amu hein, deɗ gane da mahiak heinne, da ee ohnu kud mein dayeye, da Kayak hab attannu unuqidmi.

Nehemaia 2:4

Da anam ai, king nug da oɗ meɗom. “Anam, amge na aɗi hekkutnu dabmettem?” awa oɗ meɗom. Nug anam oɗ meɗe, da Kayak hab attan daatte ⌊oolppaib⌋ unuqitten,

Esta 4:11

“Kingnu ehanittak anuqak danab oh, amu wan atu ohppan danab ah ag dootteb. King nug laa onigppa ii ekku, amge laa amu, nug king laugnu oo unuqagppa hamu king anidkkunu gokku, king nug nuhig qakun golppa hak nug aɗakkun ii metteb, ag qeppeg mauhkku. Amge laa nug anam bia gokkunu dayeb, king nug nuhig qakun golppa hak nug aɗakkun metteb, nug wana qakun amu aɗa, nug ii mauhma. Danab ah ag amu dootteb. Amu king nug da nug gumitte gokkulnu laa ii eum, kalam laippu iikku ukkom,” awa aum.

Sam 102:17

Nug laa ag keeke iittanab iitta ele amu, Nug ahilag unuqittak dookku. Ao, Nug ahilag unuqittak ii dimettama. ⌊Nug ag ehanadkku.⌋

Sam 122:6

O danab ah, ag maɗoɗ Jerusalem ippa daakkunu unuqitteg! Ge, da danab ah oh ag Jerusalemnu oolag mauhtte ele, da ag ena daaglagnu ool daatte.

Sam 20:5

Yawe Nug heeb, na nahip kekeɗ eɗadppe, ig geha gamag ahak naɗi aognignu oonig daatte. Ig pilak laala, yaak amuppa Kayak binag mette ele qappaladpput daaglagnu oonig hette. Yawe Nug nahip unuqittak oh nob mekkunu oonig daatte.”

Sam 35:27

Amge danab ah ag na hee, da tutukkuib hemi miag atiom anidna dabmena, ag amunu enanagnab dootteb ele amu, ag am gamag ahak okkainab madakkutnu oɗ medattem. Na heppe, danab amu ag hanhan, “Ig Yawe, Nug nuhikkud maɗi nid maɗoɗ ele daakkunu oo huana hette ele, ig Nug hanhan attanib daakkunu oonig daatte,” akkulagnu unuqidttem.

Sam 51:18

Na enanag, elele doon, danab ah Sion daatteb amu ehanadkkutnu oɗ medattem. Yo, na Jerusalem danab ah ehanadppe, ɠagattag daaglagnu unuqidttem.

Eksodas 28:29

Ag keeke amu oh anam heppeg amu, haen Aron nug Oo Gun Ele, nug oo amuppa gokkunu haaha, nug momo tonaknu lamen, amuam Yawenu dabmak doya, dabmak awaknu lamen amu, nug lamen amu uttu taub nuhig guguittak aakku takka, Israel bekkod onilag menppa daatteb amunu, Yawe Nug ag dabmadakkunu, nug ag onilag aakku awa, Yawe daatte abenppa gokku.

Eklisiastis 7:18

Na Kayak ippunikkomnuib dabmena, ib gamagppa oikkut am ena; amunu diig am, danab nug Kayaknu ebehi oh bodoetta le mette amu, nug aɗi keeke haknu, nug nuhig dabmak buɗieb ukkeb, hakib hekkunu kobol am uukku.

Aisaia 56:5

Ag nid ele daalob, nid amu ag daappeg ukkeb, ag buɗulkad, ahilkad nid oolagppan dokkulag amu, ag ahilagnu daulag atikku. Ag anam helob, amge kobol da hekkul amu, ag nid ag anam aolob, am kobol amu eɗidkku. Amuam da onig okkai madappi, danab mettid lag dahilppa uɗat hetteb, dahilad danab ah laa oh ele ag ahilagnu daulag ii atima. Onig da ag madakkul amu, onig amuam hanhan daakku; laa ii tuqa aoma,” awa atte.

Lewitikas 2:2

Anam hewowa, laa nug mana mettak hette ele nug mana mettak amu awa, Aron bekkod gumatta ukkeb, amunu laa nug geha plaua enanag olip goɗen ele kaboliak eppeg laippuppa appua, amu kalu danab ile muttuɗig enanag bette, amu oh ele, ou daakkunu qaɗabppa aab aɗuppa manakku. Am mana mettak amuam aab aɗunu ofa aakku. Mana mettak amunu muttuɗignu, Yawe Nug ooppa ena dootte.

Lewitikas 24:7

Amu na prankinsens ena dubuttid iitta ele amu, na amu aon, ⌊kap aɗit nakok golppa hak eleppa inan,⌋ huu yaak aɗit amu guguittak maatkkut. Prankinsens amuam bret laa oh ou daakkunu, ag manan Yawe mettaglagnu daakku. Amuam Yawe mettaknu aab aɗunu ofa aakku.

Sekaraia 6:14

Amu haɗ amuam Yawenu mettid lagppa appa, danab ah ag Heldai, Tobia, Jedaia, amu Sepanaia bekka Josaia ele dabmettaglagnu daakku.

Namba 10:10

Trampet iwalak amu ehanatteb, ag da, ahilag Kayak, ag dahilnu ag daulagppa dokku amunu, ag qagmak gamag ahak ele haknu haenppa, amuam hobul dayaknu haen epeɗiak, aria kalam bau bettenu hobul ele, ag haen amuppa manaknu ofa hetteb, laippu dayaknu ofa ele hetteb, haen amuppa ag trampet ele iwaleg! Da am Yawe, ahilag Kayak,” awa aum.

Aposel 10:31

nug aum. ‘Kornilius, Kayak Nug nahip unuqittak doya, amu na daɗek danab ehanadttem amu ele anttom.

Aposel 10:4

Nug anam a amu, Kornilius nug ameg behabe, engel neekkittatta, huanak baɗaɗa nug aum. “O naɗi, amu aɗitai?” awa aum. A aria engel nug amegppa aum. “Kayak Nug nahip unuqittak doya, amu daɗek ehanittak kobol nahip ele antta, nahipnu dabmette.

Aposel 8:21

Na uɗat imu, ig hettem ele amu, na amu ooppa daakkutnu elele iittanab. Aɗinu? Kayak anidtte; na oot am tutukku iitta.