Nehemaia 2:19 - Nobonob Baibel

¹⁹ Ig anam bappaidmut, amge haen Horon ted Sanbalat, Amon dilag ehanittak anuqak danab Tobia, Arebia ted Gesem ele ag amunu nai doon, ag aon aon iqan, ig amenigppa inam appig. “Ag Juda ag attem hetteb? Ag king waappa daaglagnu uun, nuhig nai tabappeg nekkunu hettebte?” aon appig.

Nehemaia 2:19 ပူးပေါင်းရင်းမြစ်များ

Nehemaia 13:28

Mana mettak ikki danab Eliasip bekka Joiada bekka, nug tana am Horon danab Sanbalat. Anam amunu, da Joiada ⌊bekka⌋ lamitti ukkom.

Nehemaia 2:10

Da ippuanatti, kingnu ehanittak anuqak danab aɗit laa, aa am aab nakok Horon danab Sanbalat, Amon wanppanu ehanittak anuqak danab Tobia ele, aa laa nug Israel danab ehanadkkunu uɗiom doopiɗ amu, aa oolah am ena iittanab iitta.

Nehemaia 4:1

Aria, ig uɗat amu heutut, Sanbalat nug ig aɗ anam eɗut babaittutut doya, nug oo aeg huan be, oo nauhe, nug ig Juda awa awa iqom.

Nehemaia 6:6

Pas amuppa nai inam dayom. “Wanppan wan laalappan danab ag akka akka, ag Juda, ag hettebnu nai mattinna laala dootteb. Ag maditteb amu, Gesem nug nai amunu, ‘Am nai genab,’ awa atte. Ag maditteb am inam. ‘Nehemaia nug Juda laa ele ag Persia dilag king tappeb neeb, nug waappa ii daamnanu wagai mekkulagnu dabmetteb amunu, ag Jerusalemnu aɗ eɗun hetteb,’ atteb. Amu aakkuib ii maditteb. Iitta! Ag, ‘Nehemaia nug Juda dilag king daakkunu dabmaama,

Nehemaia 6:9

Ihinkad kekeɗ ag anam heppignu diig am ag, “Ig hepput, Juda ag baɗan, uɗat ag hetteb amu ag uun, ii hena malamna,” anana, ag anam heppig. Ag amu heppig doomi, amunu da Kayak unuqidmi. “O Kayak, na da ɠagattag meɗakkutnu oɗ medattem,” awe unuqidmi.

Job 30:1

Haen amuppa da anam daaiyi, danab ag dahilnu anam doon oippig, amge gemu amu, nid bau ag aon aon iutteb. Ao, nid amu mamelkad, ag am danab hamunab; dahil qai sipsip gumadtteb dilag hak, am ahilag hak eɗidtte. Da ag mamelkad qai dahil amu ele oh laippu uɗat hekkulagnu oɗ meɗalob amu, da uulom. Anam, amge gemu ag bekkalkad ag da aon aon iutteb.

Sam 123:4

Dada danab ag huananab aon aon iqatteb. Ao, beɗuppa tak danab ag ihinignu keeke hamunab dootteb. Ge, ig uɗa nak okkai aot daat oittem ⌊amunu, na ihinignu oot gai-iitta doon oot megakkutnu oɗ medattem.⌋

Sam 79:4

Danab ah ig guguikkak daatteb ele, ag ig aon aon iqatteb. Ao, danab ah ig talilikkak daatteb amu, ag ihinignu, “Keeke hamunab,” doon, ag imigtteb.

Sam 80:6

Na danab ah ig guguikkak daatteb ele, na ag uuatte, ag ihinig wan aoglagnu nug qak heegeg, ag ⌊eɗigkkulagnu enanag doon,⌋ ag oolagppa imatteb.

Sam 80:7

O Kayak Nakka Ɠagattag Oh Ele, na eɗun aigppe, nagattoppa wakkunignu oɗ medattem. Ao, na ehanigppe, ig padal ii mematanu, na ig ele daagnignu, na oot ihinignu ena daakkunu unuqidttem.

Aisaia 36:5

Na, da ban hekkulnu maittak ena aomi, daup dahil ele am ɠagattag ele, dabmettem, amge amuam dabmak meu iitta; am dabmak hambuppuak. Na aunnu dabmettem amunu, na da waalppa daakkutnu uun, dahil nai tappae ne oittem?

Jeremaia 20:8

Aɗinu? Haen da nai attem amu, da nai qale, danab ag laa guittak nau mauhnoak madatteb, amu danab ag laa dilag keeke heeg nauhtteb, da amu dilagnu ai, nai amu ag yaaladtte. Yawe na da nai akkulnu, na amu ippuniɗme amunu, nahipnu nai, nai amu he, danab ah ag hanhan awa awa qettak nai naunab dahilnu anana, da nai madittemnu ele ag dahilnu nau dootteb,” awa aum.

Jeremaia 41:10

Nebusaradan, nug daup Nebukatnesar gumappig dilag okkai amu, nug Judanu king aɗekkud, danab ah laala ele Mispa appa uuatta, Ahikam bekka Gedalaia nug ahilag okkai daakkunu he ukke, ag aakku daappig. Ag daappig, amge Netania bekka Ismael nug Gedalaia aɗi aqe mauheg, nug laala ele oh aɗalatta diia, Jodan le mataɗa, Amon wanppa gokkunu ukkom.

Matyu 9:24

Jesus anam anatta amu, Nug aum. “Ag ahan ukkeg! Nid ahin ii mauhom. Iitta. Nug niitte,” awa aum. Awa a amu, ag Nug imidppig,

Mak 5:40

Nug anam aum a, ag Nug imidppig, amge Nug ag oh lamatte dimittim noeg, Nug nid ahin mameg anig ele, nuhikkud ippunittak awak danab ewam ele ag aakkuib diiatte, nid ahin niiomppa noppig.

Luk 23:2

Ag gona, appa ahan, nug beɗuppa nai huanak yaan appig. “Ig danab imu anittutut, Nug ihinkad danab hambuppualadtte. Nug ig Sisarnu takis mematanu gun ma, Nug nugakka hume attan te, Nug atte. ‘Da Kristus, da king laa,’ awa aum,” aon appig.

Jon 19:12

Pailat nai amu doya, Nug Jesus uhuqkkunu heum, amge Juda okkai ag enan appig. “Na danab amu uhuqppe gokku dayeb amu, na Sisar layag iitta! Danab laa nug nukka nuhig, ‘Da am king,’ atte, nug am Sisarnu kekeɗ,” aon appig.

Aposel 24:5

Danab imu ig nug anidmut. Nug eheɗ kuɗum he bette. Nug wan atu ohppa Juda dilagppa nug he, Juda ag ahan nug qak bia hetteb. Aria huu ena iitta laa, ag amunu Nasaret huu aon atteb amu, danab imu nug ahilag anuqak danab laa daatte.

Hibru 11:36

Ooppa genab doyak danab laala amu, kekeɗ ahilkad ag aon aon aqanna, laala ag bu qaun eleppa mataɗadna, amu laala senppa hippaladna, maniguittakppa maatteg daappig.