Nehemaia 2:18 - Nobonob Baibel

¹⁸ Da anam awoya, da Kayak, Nug da enanag atognoiɗom, Nug ehaniɗe king nug aɗi aɗi nai da amelppa aum ele mattiyi doon, ag appig. “Ig ahat, aab imu bappaidtu!” appig. Ag anam anana, ag aakku uɗat ena amu hekkulagnu bappaidppig.

Nehemaia 2:18 ပူးပေါင်းရင်းမြစ်များ

2 Samuel 2:7

Saul, ahilag okkai, nug aakku mauhom, Juda danab ag da ahilag king daakkulnu goɗen gokkaɗakppa tituaniɗppig amunu, ag ɠagattag daan, ag oolagppa ɠagattag doyeg!” Nug nai amu me ukkom.

1 Stori 11:10

Yawe Nug Dawit, Israel wan oh dilag king daakkunu Dawit amegppa nai anan qakkom amu, Nug aum bia Israel danab oh, ban danab ɠagattag ele ag Dawit ehanitteg, nug Israel wan oh dilag king ba dayeye, nuhig gumak ii uɗalom. Amu ban danab ɠagattag dilag nai am inam.

1 Stori 19:13

Na ɠagattag daye! Ig ihinkad danab ah dilagnu, ig appanig Kayak mekkom ele amu, ig amunu ele oonigppa ɠagattag doot, ban imu ɠagattag hetu! Yawe Nug aɗi bekkunu ena anidtte amu, Nug anamib heeb baɗ!” awa aum.

2 Stori 32:5

Ag amu heeg, Hesekaia nug Jerusalemnu aɗ aben laala nauhak dayom amu, nug babaitta, ⌊ban haknu⌋ lag attan ta ukkak menppa hak ele aɗppa hattom. Nug ele aɗ laa, aɗ tatam dayom, aɗ amu dimittim heum. Amu aben ag wan itan meeg, elele beum, aben amu ele nug ɠagattag qettom. Hesekaia nug amu haaha, nug ban, lat keeke, kuɗum hatta, nug guppiɗ ele kuɗum hattom.

Esra 6:22

Yawe Nug gamag ahak naɗi mattom amunu, ag deɗ eblaih aɗit ele Bret Yis Iitta Lanaknu Hobul Nakok lanan, gamag ahak dooppig. Yawe Nug he, Asiria dilag king nug ahilagnu ena doya ehanatte, ag Kayak, Israel dilag Kayak, ag Nug laug buuglagnu elele daan heppig amunu, ag gamag ahak dooppig.

Nehemaia 2:8

Laa ele amu, danab onig Asap, nug appa adnu dad nahip gumam daatte, amu na pas laa nuhignu ele yaan meɗappe, da awe ukken ippunidppi, nug da aben aɗ ɠagattagnab ele Kayaknu mettid lagnu guguittak daatte, nug aɗ amunu od hekkulnu, da aab okkainu aɗnu od ele hekkulnu, amu da laul ele buukkulnu nug dad amuppanu ad okkai meɗakkunu oɗ medattem.” Da king anam oɗ mettami. Da anam oɗ mettai, Kayak, Nug enanag atognoiɗtte amu, Nug ehaniɗom amunu, king nug keeke oh da nug amunu oɗ mettami amu, nug keeke amu oh da meɗom.

Epesus 6:10

Aria gog tak nai am inam. Ag Naɗi ele laippu daanna, nuhig ɠagattag okkai ele aon, ag ɠagattag dayeg!

Pilipai 2:13

Aɗinu? Kayak Nug hanhan, ag Nug oo niitte bia, nuhig uɗatnu dabmaknab aon, amu hekkulagnu oolagppa uɗat hette.

1 Samuel 23:16

Dawit nug Hores dayeye, Saul bekka Jonatan nug Dawit gumitta ukka, ɠagattag qetta, Kayaknu ooppa genab doyak nuhig paɗamanu anana, Nug nai tuɗitta Dawit amegppa aum.