Nehemaia 2:16 - Nobonob Baibel

¹⁶ Jerusalemnu ikki danab ag da amu hemi ii dooppig. Da adeppa gomi, da attem attem hemi amu, ag ii dooppig. Aɗinu? Juda danab laa amegppa, mana mettak danab laa amegppa, anuqak danab laa amegppa, o Juda dilag ehanittak anuqak danab laa amegppa, o danab uɗat hekkulagnu daappig oolagppan laa amegppa dabmak amunu nakok laa ii ami. Dimppa akkulnu dabmemi.

Nehemaia 2:16 ပူးပေါင်းရင်းမြစ်များ

Nehemaia 2:15

Ib iitta amunu, da eɗuen, oolnu noak Kidron, appa tuqan wain ugekke, neekki ukke, aabnu aɗ italmi. Da amuppa itale malen, da eɗue, Oolnu Noaknu Odppa noin, aakku aab ooppa gomi.

Nehemaia 2:17

Da anam dabmak awen, oiye aɗ italmi dimppa amu, da ag amelagppa ami. “Ag uug ig tonikkom daatte anidtteb. Kekeɗ ag heeg, Jerusalem nauhakib daatte; aɗnu od ele manaeg eoppig. Anam daatte, amge ahappeg, ig Jerusalemnu aɗ bappaidta, ig uɗa nak nau guittak ele baula ii doomta,” awe ami.

Eksodas 24:11

Israel dilag ikki amu ag Kayak anam anidppig, amge Kayak Nug he, ag ii padal meppig. Aria, dimppa ag aben amuppa ag ee, le ele lappig.

Prowerb 12:23

Eheɗ bemanu dabmak awak, dabmak amu dim lamittak danab nug haenppaib nuhig doyak laala madatte; amge danab ag Kayak dab-ii-menan ii dim lamidtteb ele, ag Kayak dab-ii-maama haknu ge iitta maditteb.