Nehemaia 2:13 - Nobonob Baibel

¹³ Da tuqan ukken, da tatam aɗnu od laa onig Oolnu Noaknu Od, da od amuppa aab dimittim ukke, da eɗuen, le qeppuɗia bette ele laa onig Makkai Okkai laanu Le, da le amu guguitten ukke, le amu qe-eɗitten wain, od laa onig Kinipannu Od, od amuppa wami. Wain ugekke, da Jerusalemnu aɗ kekeɗ dilag daup ag loppaɗeg, nauhak dayom italen ukke, aɗnu od ele aab aɗuppa maippig anidmi.

Nehemaia 2:13 ပူးပေါင်းရင်းမြစ်များ

2 Stori 26:9

Amu Usia nug Jerusalem appa aɗnu od onig Daugppan Od, aɗnu od laa onig Oolnu Noaknu Od, amu aben laa aɗ tutukku ii ukkom ele, aben amu ohppa nug ⌊ban haknu⌋ lag attan ta ukkak menppa hak heum. Nug lag amu ha malowa, nug he, ɠagattag daappig.

Nehemaia 1:3

Da amunu oɗ mattai, ag da amelppa appig. “Kekeɗ ag Jerusalemnu aɗ loppaɗeg, nauhakib dayeye, aɗnu od ele aab aɗuppa manappig amunu, Juda ag appa daatteb amu, ag uug nau doon, uɗa nak guittak ele, ag amu ele dootteb,” aon appig.

Nehemaia 12:31

Amu hak malak amu, da Nehemaia, da hei, Juda dilag okkai laa ag aɗ attan tena, ameg aɗit daappig. Danab ameg laappa daappig, ahilag ebqak am danab ameg laappa daappig ele laippu. Da anam hein, da hei, ahiettak danab ele ameg okkai aɗit daan, ag Kayak amegppa ahiettakppa, “Ena hen mekkame,” akkulagnu ag ele aɗ attan teppig. Ag tena, ameg laa ag naɗiap-ppa, aɗnu od onig Kinipan Od daatte, ag appa ukkaegeg, Hosaia amu Juda dilag ikki obatak laa ag ag dim lamadppig.

Nehemaia 2:12

da danab laib laib laa ele ig tuqan ahat, ⌊aabnu aɗ nauhak dayeye anidkkunignu⌋ gomut. Da laa amegppa Kayak he, Jerusalemnu aɗ bappaidkkulnu dabmettem amu, da laa amelagppa amunu deɗ laa nakok laa ii mattimi. Iitta. Dabmak amuam da oolppaib dooiyi dayom. Am ig tuqan amuppa gomut ele amu, ag da ele laippu gomut; ag baelagppa oiyegeg, da dakka donki attan oimi. Ig hos o donki laala akkat ii gomut.

Nehemaia 2:15

Ib iitta amunu, da eɗuen, oolnu noak Kidron, appa tuqan wain ugekke, neekki ukke, aabnu aɗ italmi. Da amuppa itale malen, da eɗue, Oolnu Noaknu Odppa noin, aakku aab ooppa gomi.

Nehemaia 2:17

Da anam dabmak awen, oiye aɗ italmi dimppa amu, da ag amelagppa ami. “Ag uug ig tonikkom daatte anidtteb. Kekeɗ ag heeg, Jerusalem nauhakib daatte; aɗnu od ele manaeg eoppig. Anam daatte, amge ahappeg, ig Jerusalemnu aɗ bappaidta, ig uɗa nak nau guittak ele baula ii doomta,” awe ami.

Nehemaia 2:3

Da baɗami, amge da king amegppa ami. “O king, na hanhan bau daakkutnu ool daatte. Amge da alai aɗi dakkeɗalag, da mamelad aɗi ag aguppa daan oin mauheg boumadppig amu, kekeɗ ag aab okkai amu heeg nauhe, ag aab amu aɗnu od ele aab aɗuppa manatteg eoppig. Ag anam heppig, amu da oolppa uug okkai doottem,” awe ami.

Jeremaia 5:10

Da bu madakkul. Da ahilag kekeɗ amelagppa ahilagnu inam akkul. ‘Juda danab ah imu ag da, Yawe, ag dahiladnab ii daatteb. Ag am dahil grep dad bia, amu danab ag grep dad heeg nauhtte bia, ag Juda danab ah dilag kekeɗ, ag Juda aqeg! Ao, danab ag muɗi grep ebekkud elabnab meppig qiin diitteb, amubia ag kekeɗ ag Juda danab ah aqeg! Amge ag heppeg, aib iitta meum,’ awe akkul.