Nehemaia 2:12 - Nobonob Baibel

¹² da danab laib laib laa ele ig tuqan ahat, ⌊aabnu aɗ nauhak dayeye anidkkunignu⌋ gomut. Da laa amegppa Kayak he, Jerusalemnu aɗ bappaidkkulnu dabmettem amu, da laa amelagppa amunu deɗ laa nakok laa ii mattimi. Iitta. Dabmak amuam da oolppaib dooiyi dayom. Am ig tuqan amuppa gomut ele amu, ag da ele laippu gomut; ag baelagppa oiyegeg, da dakka donki attan oimi. Ig hos o donki laala akkat ii gomut.

Nehemaia 2:12 ပူးပေါင်းရင်းမြစ်များ

Esra 7:27

Yawe, ig mamenkad aɗi dilag Kayak, Nug he, king nug Yawe laug Jerusalem appa daatte, nug lag amu binag mekkunu anam dabmeum amunu, ig Kayak binag metu.

Nehemaia 2:11

Am da ukken tewoya, da Jerusalem tein daaiyi, deɗ ewam ukke dimppa,

Nehemaia 2:13

Da tuqan ukken, da tatam aɗnu od laa onig Oolnu Noaknu Od, da od amuppa aab dimittim ukke, da eɗuen, le qeppuɗia bette ele laa onig Makkai Okkai laanu Le, da le amu guguitten ukke, le amu qe-eɗitten wain, od laa onig Kinipannu Od, od amuppa wami. Wain ugekke, da Jerusalemnu aɗ kekeɗ dilag daup ag loppaɗeg, nauhak dayom italen ukke, aɗnu od ele aab aɗuppa maippig anidmi.

Sam 122:6

O danab ah, ag maɗoɗ Jerusalem ippa daakkunu unuqitteg! Ge, da danab ah oh ag Jerusalemnu oolag mauhtte ele, da ag ena daaglagnu ool daatte.

Sam 51:18

Na enanag, elele doon, danab ah Sion daatteb amu ehanadkkutnu oɗ medattem. Yo, na Jerusalem danab ah ehanadppe, ɠagattag daaglagnu unuqidttem.

Prowerb 12:23

Eheɗ bemanu dabmak awak, dabmak amu dim lamittak danab nug haenppaib nuhig doyak laala madatte; amge danab ag Kayak dab-ii-menan ii dim lamidtteb ele, ag Kayak dab-ii-maama haknu ge iitta maditteb.

Eklisiastis 3:7

Danab lamen pattikkulagnu haen daatte; danab lamen eɗun koitkkulagnu haen ele daatte. Danab oɗelag qamutkkulagnu haen daatte; danab ag nai mattiglagnu haen ele daatte.

Jeremaia 31:33

Amu Yawe Nug imu ele atte. “Anam amunu, nug tituana nai qakkak bau, da heppi, ag Israel danab ah, da ag ele haen amuppa hekkunig am inam. Da heppi, dahil ɗo oh ahilag dabmakppa daakku. Ao, da heppi, dahil ɗo oh ag oolagppa daakku. Da ahilag Kayak daakkul, ag am dahilad danab ah daaglag.

Jeremaia 32:40

Da heppi, da ag ele ig nug tituana nai qakkak hekkunig amu, nai qakkak amuam hanhan alet daakku. Nai amuppa da hanhan enaib hadakkul; da kobol amu ii tuqe aopa. Ag da dimeɗan, kayak laa dim lamidmananu da heppi, ag dahilnu ebehilag oh bodoetta le mekku.

Amos 5:13

Ag amu heegeg, haen nau aakku daatte amunu, haen imu biappa laa ag eheɗ bemanu dabmak awa dabmak amu dim lamittak danab, ag oɗelag qamutna daatteb.

Maika 7:5

Nid danab nug mameg awa awa qedatte. Ah aɗeg nug anig ele dabmak laippu iitta, aɗeg nug anig ele aa oolah laippu iitta daattep. Ahipa bau nug ahipa kaino ele dabmak laippu iitta, ahipa bau nug ahipa kaino ele aa oolah laippu iitta daattep. Danabnu kekeɗ ag nug baekkudppan danab ah daatteb amunu, ag ahilag mudippan laippu laanu aib oolagppa genab doon, “Nug dahilppanu eheɗ laa ii hema,” aib dabmeppig. Ao, laa nug layagnu, “Nug am da layal, nug da ehaniɗkku,” aib dabmeum. Na waat ele nai mattiglah dayeb, o na gamut ele nai mattiglah dayeb amu, na tutukku dabmenana madikkut; hamu hamu dabmak iitta eleppa aib mattime.

Matyu 10:16

Doyeg, da ag maatti, ag sipsip wulp oolagppa gotteb bia gotteb amunu, ag dabmak tutukkunab aona, keeke heig! Amu ele ag keeke oh qinonob henana, kobol nau laa hekkulagnu aib dabmeppig.

Matyu 2:14

Awa a amu, Josep nug tuqan amuppa aha, nid nakok, anig ele diiate, Isip gokkulagnu goppig.

2 Korint 8:16

Aria, da am Kayak amegppa, “Ena heme,” attem. Aɗinu? Nug Taitus ehanitte, nuhig dabmak, dahil bia, laippu awa, nug ele ag ehanadkkunu oo huan daatte.

Josua 10:9

Yawe Nug Josua amegppa anam a, Josua nug nuhig ban daup ele ag aakku Gilgalnu ahan, tuqan amu ohppa ag oin oin, buttuanab gona, Gibeon teppig. Amo ban danab ag Israel uɗiglag amu, ag ii dabmeppig amunu, Israel ag teeg, Amo danab ag ottaippig.

Revelesen 17:17

Ag oolag laippu mena, gumaknu ehah, ag amuppa king daatteb ele amu, ag oh gumaknu ehah amu doɗ dakkuɗ mettaglag. Ib amuppa ag Kayak nug dabmak amu ag oolagppa meum, ag Nug keeke anam bekkunu maittak awom am genab heppeg meu okku. Ag anam heppeg ukkeb, Kayak dabma mattiom amu, nai amu oh meu okku.

Ikki Danab 6:27

Amunu Gideon nug nuhig maɗi nid eblaih laih ele diia he, ag Yawe Nug anam hekkunu aum, ag amu heppig. Amge nug baekkudppan, am mudippan laikkud aab amuppanu ele dilag baɗom amunu, nug he, ag tuqan uɗat amu heppig. Nug amunppa ii heum.

Ikki Danab 9:32

Ag anam aakku hettebde amunu, na nahip daup ele ag tuqanppaib uɗin, aab dimittim, dad okkaippa lokkumna aben aon dayeg!