Nehemaia 13:31 - Nobonob Baibel

³¹ Laa ele amu, da danab ah ag deɗ deɗppa aab aon meppeg, mana mettak danab ag aab amuppa qaɗabppa doɗ manadna, Kayak mettaglagnu ib bappaidmi. Laa amu, da danab ah ag dattanu ee tatam oɗutte ele aon uɗin, Kayaknu mettid lakka mekkulagnu ele ib bappaidmi. O Kayak dahil, na dahilnu dabmena, ehaniɗkkutnu oɗ medattem.

Nehemaia 13:31 ပူးပေါင်းရင်းမြစ်များ

Nehemaia 10:34

Ig Lewi buɗubppan mana mettak danab, ig Lewi buɗubppan mana mettak danab iitta, amu ig danab ah laa oh ele, ig Yawe, ihinig Kayak, ig nuhig qaɗabppa aab ilak daakkunu, ig, ig baenkadppa ele, ig maɗ maɗppa ihinig haen adekkuppa aab aot uɗit, Kayaknu mettid lag, amuppa mekkunignu om ena yaat anidmut amunu, ig amu dim lamidkkunig. Qaɗabppa maiglagnu Yawe Nug ig anam hekkunignu ɗo mekke, Moses bukppa yom amu, yaak amu niitte bia, ig aakku hekkunignu bappaidmut.

Nehemaia 10:35

Maɗ anen anen ohppa ig digmeta, dattanu ee, ad meu digdig oh ele aottem amu, ig ee, meu amu tatam oɗutte laa aot uɗit, Yawe laugppa mekkunignu attem.

Nehemaia 10:38

Ig keekenu obatak eblaih tanig ele ooppanu obatak laippu Lewi buɗubppan mana mettak danab iitta, ig amu ag madappupput, mana mettak danab laa, nug Aron buɗub amu, nug Lewi buɗubppan mana mettak danab iitta, nug ag ele daaglagoitte. Ig mattata malapput amu, Lewi buɗubppan mana mettak danab iitta, ag aoppignu obatak eblaih tanig ele ooppanu obatak laippu aon gona, ihinig Kayak laug, amuppa ee bakkalenu maknu oo laala, en keeke uppa maknu daatteb amu, ag aguppa mekkulag.

Nehemaia 13:14

O Kayak dahil, da uɗat amu aakku anam hemi amunu, na dahilnu dabmekkutnu oɗ medattem. Da na laut ena daakkunu, appa uɗat na haknu ɗo meme amu, laa ag uɗat nahip amu pehettak, elele hekkulagnu elele daaglagnu ele uɗat heinne daami amu, na amu obippe, ii hemibia daamanu oɗ medattem.

Nehemaia 13:22

Da amu hewoya, da Lewi buɗubppan mana mettak danab iitta, ag Kayak ele ouqa dayaknu elele daaglagnu beɗulag, oolag ele bappaidna gona, od gumak uɗat hekkulagnunab ag amelagppa ami. Ag amu heppeg, Sabat deɗ, deɗ amuam Kayaknu tituanak daatte, deɗ amu anam daakkunu anam hemi. O Kayak dahil, uɗat dahil amunu ele na dahilnu dabmekkutnu oɗ medattem. Na oo mauhaknab kobol nahip dim lamidna, dahilnu oot gai-iitta doon oot meɗan ehaniɗkkutnu oɗ medattem.

Nehemaia 5:19

O Kayak dahil, da danab ah imu ib anamppa ehanadkkulnu aakku hemi amunu, na dahilnu dabmenana, ena aniɗkkutnu oɗ medattem.

Sam 106:4

O Yawe, na nahipad danab ah dilagnu na ii helom bia me, na ehanadnana, dahilnu dabmekkutnu oɗ medattem. Na ag padal ii memananu ehanadnana, da ele ehaniɗppe padal ii mepanu unuqidttem.

Sam 25:7

Da nid bau dayeye hipunin qein, nai tappe nak kobol ele dim lamidmi amu, na amu oh uhuqna meɗan, dab-ii-mekkutnu oɗ medattem. O Yawe, na enaib daanna, enaib hettem, amunu, na oo mauhaknab kobol nahip dim lamidna, dahilnu ena hekkutnu unuqidttem.

Luk 23:42

Nug anam ana, nug Jesus amegppa aum. “Jesus, haen na nahip ɗo maɗoɗppa daanna amu, na dahilnu dabmekkutnu ool daatte,” awa aum.