Nehemaia 13:27 - Nobonob Baibel

²⁷ Anam amunu gemu ag tuɗidna, kobol naunab nau imu henana, ag ihinig Kayak ippunikkomnu oo metta ii uuak kobol ii dim lamidna, laihnu ah diippeg, ig uug anidkkunigoittete?” Da anam ag amelagppa ami.

Nehemaia 13:27 ပူးပေါင်းရင်းမြစ်များ

Esra 10:2

Esra anam he, Jehiel bekka Sekania, nug Elam buɗub laa, amu nug aha, Esra amegppa aum. “Danab ah ag ig miag taliligna daatteb, ig ahilagppan ah diimut, amuppa ig ihinig Kayak ippunikkomnu oo metta ii uuak kobol ii dim lamidta hemut. Ig anam hemut, amge dahil ooppa genab doyakppa, da ig oonig eɗueb, ig eɗut, ib tutukkuppa oignig dayeb amu, Kayaknu ehanittakppa ig Israel, ig ena bekkunu dabmak aɗa dayaknu dabmekkunignu elele.

Esra 9:14

O Kayak, na ena anam heigme amunu, ig eɗut, nahip nai baula tabapput neeb, nahip ɗo ii dim lamidta, ig danab ah ag kobol laala, na kobol amunu ootppa uuaknab doottem ele amu, ig danab ah amu ele ewau matulak awak hekkunignu daattete? Kobol amuppanu na oot huanak nauheb heppe, ig buɗunkad iitta ele iite daagnig?

Nehemaia 10:31

Wan laalappan danab ag ig talililgna daatteb amu, ag keeke laala, o ee aeg aon uɗin, Sabat deɗppa mena daden mekkunignu hebeppeg, ig Sabat deɗppa, o deɗ laa Kayaknu tituanak daatte, amuppa ig daden ii memata. Ig ee wanppa ebapput ukkeb ukkeb, maɗ eblaih laippu ele teeb, maɗ eblaih aɗitppa ig keeke laa wanppa ii eppamta. Maɗ amuppa ele ig Israel buɗub laa ihinigppa lon awa, eɗua ii daden meum dayeb amu, ig megakkunu baula ii amata.

Nehemaia 13:23

Amu haen amuppa ele da Juda danab ag Asdot ah, Amon ah, Moap ah diippig ele anadmi.

1 Samuel 30:24

Danab laa ahilag nai amunu ena dookkunu, am laa iitta. Ag aakkud doon, dabmak ena aweg! Ig keeke oh elele otit, danab oh eleleppa mattagnig. Aɗinu? Aun nug dayaya, nug keeke oh ena atognoa, dabmettom, Nug geha danab laa banppa ukkom ele, nug keeke aokku, anamib nug ele aokku.” Dawit nug anam aum.