Nehemaia 13:23 - Nobonob Baibel

²³ Amu haen amuppa ele da Juda danab ag Asdot ah, Amon ah, Moap ah diippig ele anadmi.

Nehemaia 13:23 ပူးပေါင်းရင်းမြစ်များ

1 King 11:1

Amge King Solomon nug wan laalappan ah dilag oo mauhom amunu, nug diikkunu oo daye, nug Paro aɗeg amu awowa, nug Moap ah, laala ele diiowa, am Amon ah, Edom ah, ele diiowa, nug aab okkai Saidon ah, am Hit ah ele nug diiom.

Esra 10:10

Amu mana mettak danab Esra nug aha, ag amelagppa aum. “Ag Kayak ippuanattomnu oo metta ii uuak kobol ii dim lamidna, ag atu laihnu ah diippig. Kobol amuppa ag ig Israel, ag aab ig beɗunigppa daatte aakku tuɗitteg, okkainab meum daatte.

Esra 10:44

Danab amu oh ag laihnu ah diin daappig, amu ag oolagppa laala ag ahilkad ah amu ele nid menuadppig.

Nehemaia 10:30

Keeke laala ig ii hematanu, keeke laala ig hekkunignu nai ata qagattem am inam. Ig ihinkad nid ahin wan ig taliligna daattebppan danab bekkalkad ahilkad ah daaglagnu ii mattamta; ig ele ahilkad nid ahin ihinkad nid danab waalkad daaglagnu ii diimta. Iitta.

Nehemaia 10:31

Wan laalappan danab ag ig talililgna daatteb amu, ag keeke laala, o ee aeg aon uɗin, Sabat deɗppa mena daden mekkunignu hebeppeg, ig Sabat deɗppa, o deɗ laa Kayaknu tituanak daatte, amuppa ig daden ii memata. Ig ee wanppa ebapput ukkeb ukkeb, maɗ eblaih laippu ele teeb, maɗ eblaih aɗitppa ig keeke laa wanppa ii eppamta. Maɗ amuppa ele ig Israel buɗub laa ihinigppa lon awa, eɗua ii daden meum dayeb amu, ig megakkunu baula ii amata.

Nehemaia 13:1

Amu deɗ ag buk Moses yom ebqeppig amu, ag ebqeegeg, danab ah dooppig. Ag anam ebqeeg doon, ag Amon danab, o Moap danab laa nug, nug buɗub ele ag hanhan Kayaknu danab ah, Israel tamaniak, nug ag ele laippu Kayak laugppa qagmen daaglagnu elele iitta nai dooppig.

Nehemaia 13:24

Ag heppig ele amu, ahilkad nid obatak laa ag Asdot nai, o Amon nai, o Moap nai aakkuib madippig. Ag Hibru nai ii dooppig. ⌊Obatak laa ag Hibru nai dooppig.⌋

Nehemaia 13:27

Anam amunu gemu ag tuɗidna, kobol naunab nau imu henana, ag ihinig Kayak ippunikkomnu oo metta ii uuak kobol ii dim lamidna, laihnu ah diippeg, ig uug anidkkunigoittete?” Da anam ag amelagppa ami.

Nehemaia 4:7

Ig anam heut, Sanbalat, Tobia, nug Arebia danab, Amon danab, aab Asdot danab ele, ag ig Jerusalemnu aɗnu anam heutut, aɗ attan teete, aɗ giɗo am ele heut qelakkak daaglagnu hemut ele doon, ag oolag huana nauhom.

Eksodas 34:11

⌊Nug tituana nai qakkak amuppa amu, da anam hekkul. Ag Israel amu, ag⌋ haknunab nai oh da gemu ag madakkulnu hettem amu, ag dimib lamitteg! Ag dim lamidppeg, da heppi, ag Israel ag Amo danab, Kanan danab, Hit danab, Peres danab, Hiwi danab, amu Jebus danab ele lamadkkulag.

2 Korint 6:14

Laa nug Jesusnu ooppa genab dootte ele, nug laa, Jesusnu ooppa genab ii dootte ele, nug nug ele layamnab aib dayom. Amu elele iitta. Aɗinu? Genab tutukku hak kobol, amu nau hak kobol ele aa oh laippu ouaqataknu elelete? Amahlak amu gatatu ele oh laippu ouqettepte?

Duteronomi 7:1

Haen Yawe, ahilag Kayak, Nug ag wan nona aon daaglagnu daatte, Nug amuppa omalatta noa, Nug geha heeb, ag Israel, ag wanppan wan laalanu danab ah appa daatteb ele, ag ag lamadkkulag. Danab amu ag am; Hit danab, Girgas danab, Amo danab, Kanan danab, Peres danab, Hiwi danab, Jebus danab ele. Danab ameg eblaih aɗit ele amu, ag am danab ɠagattag ele, ag eɗattak daatteb.

Rut 1:4

Daanna, nid danab aɗit amu aa Moap ah diipiɗ. Ah aɗit amu onilah am Orpa, Rut ele. Aa ah aɗit amu diieh, ag oh daaeg ukke, maɗ 10 anam uue,

1 Samuel 5:1

Pilistia ag Kayaknu Tituanak Nainu Kunup Israel eppelagppanu aowona, ag Ebenisa appanu maon, ahilag aab laa onig Asdot, appa goppig.