Hesekaia nug Lewi buɗubppan mana mettak danab, Lewi buɗubppan mana mettak danab iitta, ag ele, nug ⌊ag laih wana, men doɗo awaknu uɗat laa hekkulagnu duttunak ii doomnanu⌋, ag Yawenu ɗo pehettak doon dim lamidkkulagnu elele daaglagnu, nug Jerusalem danab ah, ag aɗi keeke mana mettak danab, aɗi keeke Lewi buɗubppan mana mettak danab iitta, ag ag ele mattaglagnu daappig amu, ag aon uɗin mattaglagnunab aum.
Nehemaia 13:10 - Nobonob Baibel10 Haen amuppa ele amu, da danab ah ag keeke, ag Lewi buɗubppan mana mettak danab iitta, ag ag mattaglagnu ɗo dayom bia ii madappig doomi. Ag ee amu ii madappig amunu, ahiettak danab, Lewi buɗubppan mana mettak danab iitta laa ele ag eɗun, dad ahilagppa gona, ee oppig. ⌊Ag Kayaknu mettid lag, amuppa ii daappig.⌋ အခန်းကိုကြည့်ပါ။ |
Nehemaia 13:10
11 ပူးပေါင်းရင်းမြစ်များ
Laa amu ig ee aeg bau ganuɗe, kalu nette, ee aeg ofanu ee aeg, ad meu digdig, wain bau, olip goɗen ele ig aottem ooppan laa am aot, Kayak laug, amuppa keeke amu ee bakkalenu maknu oo daattebppa amu, ig aguppa mekkunig. Ig amu hetata, ig aɗi ee dattanu keeke aottem, amunu obatak eblaih tanig ele ooppanu obatak laippu ig aot, Lewi buɗubppan mana mettak danab iitta, ig ag mattagnig. Ig aab atten attenppa daat, ihinig uɗat heutut, Lewi buɗub ag keeke amu aoglagnu daatteb amu, diig amunu ig ag appa mattagnig.
Aɗinu? Ig Israel buɗub, amu Lewi buɗubppan mana mettak danab iitta, ag ele, ig oh ee aeg, wain bau, goɗen ele Kayaknu mettid lag, amuppa ee bakkalenu maknu oo laalappa keeke amu maknu daatteb, ig aguppa mekkunig. Oo amuppa amu, Kayak laugppan uɗat haknu keeke maattak daatteb. Mana mettak danab, od gumak danab, ahiettak danab ele, ag oh uɗatppa daanna, aguppa daatteb. Ig genab, ig ihinig Kayak laug, amuppa keeke laanu tutu memanu dabmekkunig.” Nai amuam nai qakkak amuppa dayom.
Amu haen Serubabel, amu haen da Nehemaia ele, haen i Juda dilag okkai daamuɗ amu, haen amu ohppa Israel danab ah oh ag ee keeke elele aon uɗin, ahiettak danab, od gumak danab ele mattaeg, ag tutu ii meppig. Israel oh ag anam mattanna, ag ele maha laala Lewi buɗubppan mana mettak danab iitta, ag amu dilagnu otiadna mattaegeg, Lewi buɗub laa amu ag ee amu oppateg ne, mana mettak danab, ag Aron buɗub amu, ag ahilkad maha ele ag madappig.
Amu Kayak Nug atte. “Laa nug da, Kayak, nug dahil keeke yab aokku am enate? Amuam ena iitta, amge ag dahil keeke yab heppig,” awa atte. Nug anam atte, amge ag oɗ mena atteb. “Ig kobol aɗippa nahip keeke yab aomut?” aon oɗmak hetteb. Ag anam aeg, Kayak Nug ag oɗelagppa awa atte. “Ag keeke obatak eblaih tanig ele ooppanu obatak laippu da Yawe, da ii meɗappig; aria, ag doɗ laa manan da meɗaglagnu daatteb amu, ag da amu meɗalob, amge ag anam ii heppig.
“Ag imu hekkulagnunab Israel danab ah amelagppa appe, ag aab okkai, Lewi buɗub madappeg, ag amuppa dayeg! Kanan wanppa amu, aab okkai kuɗumnab daatteb. Da geha aulag wan amu, Israel madakkul amunu, Lewi buɗub ag wan amuppa daaglagnu, ag Lewi buɗub aab okkai laala madappeg, ag amuppa daaglag. Ag aab okkai, amu aab amunu taliliattak gikkiɗah dad okkai daatteb, ag amu ele Lewi buɗub mattaglag.
ကြော်ငြာတွေ