Nehemaia 11:20 - Nobonob Baibel

²⁰ Amu oh am, ag Jerusalem daappig. Israel buɗub laa oh, mana mettak danab laa oh, Lewi buɗubppan mana mettak danab iitta, amu oolagppanu laa oh ele ag Judanu aab laalappa, ag mamelkad aɗi daadppigppa, ahilkad wanppa appa daappig.

Nehemaia 11:20 ပူးပေါင်းရင်းမြစ်များ

Nehemaia 11:19

Aria, Lewi buɗubppan mana mettak danab iitta, ag Kayaknu mettid lagnu od gumappig, ag ele uɗin Jerusalem daappig, ag ahilag ebqak amu 172. Ag am Akup, Talmon ele, amu ahilti uɗat laippu ele.

Nehemaia 11:3

Israel danab ah laa, mana mettak danab laala, Lewi buɗubppan mana mettak danab iitta laala, Kayaknu mettid lagnu maɗi nid laala, amu Solomonnu maɗi nid buɗub laala ele ag Judanu aab laalappa, ag anen anen ag laulkadppa, o ahilkad wanppa daappig. Amu Juda buɗub laala, Benyamin buɗub laala ele ag Jerusalem appa daappig. Aria, imuam Israelnu laala, ag prowins dilag okkai daan, Jerusalem appa daappig onilkad. Laa Judanu am inam: Usia bekka Ataia. Usia mameg am Sekaraia. Sekaraia mameg am Amaraia. Amaraia mameg am Sepatia. Sepatia mameg am Mahalalel. Mahalalel am Peres buɗub laa.

Josua 24:28

Anam daye, Josua nug danab ah ahilkad wan anen anenppa maatte goppig. Wan amu ahilagnab; ag aulag.